Heilbrigðismál - 01.10.1976, Qupperneq 33

Andstaðan gegn reykingum
harðnar enn
Um allan heim er andstaðan gegn tóbaks-
reykingum að færast í aukana. Æ fleiri einstakl-
ingar, félög og stofnanir taka þátt í þeirri baráttu
og skipulag hennar eflist með ári hverju.
Hvarvetna eru í fremstu víglínu ýmis
félagsamtök á sviði heilbrigðismála, ekki síst
krabbameinsfélögin, og athyglisvert er hve
læknar eiga nú ríkan þátt í herferðinni gegn
reykingum. Raunar er það mjög eðlilegt þegar
þess er gætt að farið er að líta á tóbaksneyslu og
sér í lagi reykingar sem eitthvert alvarlegasta
heilbrigðisvandamál okkar daga.
Það álit hefur sjálf Alþjóða heilbrígðismála-
stofnunin staðfest mjög rækilega. Fyrir þing
stofnunarinnar árin 1970, 1971 og 1975 voru
lagðar skýrslur sérfræðinga þar sem lýst er þeim
hættum sem heilsunni stafar af reykingum og
gerðar eru tillögur um gagnráðstafanir. Sam-
þykktu þingin að beina tillögunum til ríkis-
stjórna aðildarríkjanna. Er m.a. mælst til að
heilbrigðisyfirvöld og heilbrigðisstéttir gangi
fram fyrir skjöldu í andófi gegn reykingum og
þeim ráðlagt hvað gera skuli.
Þrjár alþjóðaráðstefnur um reykingar og heilsu
hafa verið haldnar, árin 1967, 1971 og 1975.
Síðustu ráðstefnuna, sem haldin var 2—5. júní
1975, sóttu um 500 fulltrúar frá 47 löndum. Þar
voru flutt gagnmerk erindi um ýmsar hliðar
reykingamála og gerðar fjölmargar ályktanir.
M.a. var lögð þung áhersla á skaðsemi óbeinna
reykinga. Forseta ráðstefnunnar var falið að
skrifa heilbrigðisráðherrum í öllum aðildarríkj-
um Alþjóða heilbrigðismálastofnunarinnar og
lýsa þeirri von ráðstefnunnar að ráðherrarnir
athuguðu rækilega að hve miklu leyti og hve
skjótt væri hægt að fylgja ráðleggingum stofn-
unarinnar varðandi reykingavandamálið.
Æ víðar taka yfirvöld þetta mál föstum tök-
um. Frelsi til reykinga sætir meiri og meiri tak-
mörkunum í opinberum byggingum og í sam-
göngutækjum. Sums staðar hefur verið komið á
fót sérstökum stofnunum til að takast á við reyk-
ingarnar með aukinni fræðslu og áróðri. Svo er
t.d. í Svíþjóð, Noregi og Bandaríkjunum. í
Noregi og Finnlandi hafa nýlega verið sett sér-
stök tóbakslög sem marka tímamót á þessu sviði.
Verður sagt frá þeim í næsta Fréttabréfi.
Síðast en ekki síst skal þess getið að nú gætir
þess æ meir að þeir sem reykja ekki berjist
fyrir réttinum til hreins lofts. Stofnuð hafa
verið mörg félög í þessu skyni, sum æði herská ef
marka má nöfnin. Hér á landi hefur þessi hreyf-
ing skotið rótum í framhaldsskólum, sbr.
félögin HLÍMA (Hreint loft í M.A.) og SÚR
(Samvinnuskólinn úr reyknum). Má vænta að
slík félög verði stofnuð víðar á næstunni auk þess
sem komið hefur til orða að stofna landssamtök
áhugamanna um baráttu gegn tóbaksneyslu og
réttindi þeirra sem reykja ekki. Hvað finnst les-
„Nei, nei. Ég er að reyna að hætta.“
Wttobwf. 4jitv -haiUMUgdismói
33