Heilbrigðismál - 01.09.2006, Qupperneq 9

HEIMILI AÐ HEIMAN
íbúöirnar fyrir krabbameinssjúklinga af
landsbyggöinni eru mikið notaðar
Óhætt er að segja að (búðirnar að Rauð-
arárstíg 33 í Reykjavík hafi notið mikilla
vinsælda, en þær eru ætlaðar krabba-
nneinssjúklingum sem búsettir eru á lands-
byggðinni og þurfa að fara í meðferð í
Reykjavík vegna sjúkdóms síns.
íbúðirnar eru nú átta. Krabbameinsfélag
Islands á helming í sex íbúðum á móti
Rauða krossi íslands, eina íbúð eiga
Krabbameinsfélagið og Hússjóður Ör-
yrkjabandalagsins og ein er eign Krabba-
meinsfélagsins og Styrktarsjóðs Sambands
íslenskra bankamanna.
Fyrstu tvær íbúðirnar voru teknar í
notkun 27. júní 1991, á 40 ára afmæli
Krabbameinsfélags íslands. Þær voru við
Lokastíg en voru síðar seldar og aðrar
keyptar í staðinn við Rauðarárstíg. Síðan
hafa allar viðbótaríbúðirnar verið þar, sjö
eru á annarri hæð en ein á þeirri þriðju.
Flestar íbúðirnar eru tveggja herbergja en
sumar stærri. [ öllum íbúðunum eru hefð-
bundin heimilistæki, meðal annars sjón-
varp, myndbandstæki, örbylgjuofn og
þvottavél. Margir hafa gefið bækur í íbúð-
irnar og kunna dvalargestir vel að meta
þær.
Að jafnaði er hver íbúð ekki leigð lengur
en í sjö vikur. Nýtingin hefur verið mjög
góð og eru íbúðirnar í notkun flestar vikur
ársins. Þeir sem dvelja í íbúðunum greiða
950 krónur fyrir hvern dag. Mörg krabba-
meinsfélög á landsbyggðinni og sumir
sjúkrasjóðir stéttarfélaga taka þátt í þeim
kostnaði.
Landspítali - háskólasjúkrahús annast
rekstur íbúðanna og er úthlutun þeirra á
geislameðferðardeild spítalans. Nánari
upplýsingar má fá ( símum 543 6800 og
540 6801. Af hálfu Krabbameinsfélagsins
hefur Steinunn Friðriksdóttir haft umsjón
með íbúðunum. JR.
HVAÐ SEGJA
GESTIRNIR í
ÍBÚÐUNUM?
Hvernig er hægt að hafa það betra?
Þessi íbúð er hreint út sagt alveg
frábær. Það að fá að vera hér kemst
næst þvi að vera heima. Ástarþakkir
fyrir okkur.
Hjón fré Akureyri,
apríl 1994.
Þessi íbúð hefur verið okkur heimili
og skjól og gefið okkur trú á okkur
sjálf og lifið og ekki síst trú á
samborgara okkarsem hafa gert
fólki kleift að búa við eðlilegar
aðstæður I erfiðum veikindum.
Hjón frá Flateyri,
maí 1995.
Við höfum dvalið hérna I mánuð og
þessi íbúð hefur bjargað hátiðinni
fyrir fjölskyldu okkar. Hún er
yndisleg þessi ibúð.
Fjölskylda úr Hveragerði,
janúar 1999.
Það er ótrúlega mikils virði að finna
hvað Krabbameinsfélaginu, læknum
og hjúkrunarfræðingum er
umhugað um að létta manni lifið á
allan hátt og gera veikindin og
búseturöskunina léttbærari.
Kona úr Borgarfirði,
febrúar 2001.
Hér er allt eins notalegt og heimilis-
legt og best verður á kosið. Við
höfum verið duglegar að fara í
gönguferðir og séð gróðurinn
dafna I görðunum og ný blóm og
tré springa út. Yndislegt að fylgjast
með því og koma svo í hlýjuna
hérna „heima".
Systur frá Akureyri, maí 2004.
9