Heilbrigðismál - 01.09.2006, Blaðsíða 16

MEÐ BJARTSÝNINA
AÐ LEIÐARLJÓSI
Sigmundur M. Andrésson athafnamaður og
ævintýramaður greindist óvænt með krabbamein
„Ástæða þess að ég fór í skoðun á
sínum tíma er sú að góður vinur minn
hvatti mig ítrekað til þess. Mér þótti það í
raun fjarstæðukennt því ég hafði engin
einkenni og var fílhraustur," segir Sig-
mundur M. Andrésson fyrrum banka-
starfsmaður, atvinnurekandi, Islandsmet-
hafi í svifflugi, flugkennari og fararstjóri.
Segja má að lukkan hafi leikið við hann
þótt hann hafi greinst með krabbamein f
blöðruhálskirtli. „Ég var á fundi þegar ég
fékk tíðíndin og lét þau ekki slá mig út af
laginu. Auk þess var ég á leið I þriggja
vikna ferð sem fararstjóri til Suður-Afríku
og naut hennar vel. Þegar ég kom heim
lagðist ég beint undir hnífinn."
Þetta var árið 2001, þegar Sigmundur
var á sextugasta og öðru aldursári. Eins og
flestir menn á hans aldri er hann sprækur
sem lækur og lætur ekki slá sig út af lag-
inu. „Það verður að segjast eins og er að
ég sigldi ótrúlega létt í gegnum veikindin
og er þakklátur fyrir það. Á svona augna-
blikum er maður viðbúinn hinu versta en
ég var búinn að ákveða að taka því sem
verða vildi. Ég fékk aldrei neitt áfall."
Sigmundur segist ætíð hafa haft bjart-
sýnina að leiðarljósi og að hún hafi án efa
haft töluvert að segja með afstöðu hans til
veikindanna. „Ég geri mér grein fyrir því
að hver einasti dagur er verðmætur og ég
segi eins og einhver góður maður: Ég gæti
vaknað steindauður I fyrramálíð."
Eftir að Sigmundur gekkst undir aðgerð-
ina hefur hann hvatt vini slna til að láta
skoða sig. „Ég hef kannski ekki gengið
nógu langt I því eins og vinur minn á sínum
tíma en I Ijósi tíðni þessa krabþameins er
gífurlega mikilvægt að menn séu á varð-
bergi," segir hann.
Sigmundur segir að nýr kapítuli sé að
hefjast í lífinu því hann hafi selt stóra eign
I Árbænum og þau hjónin séu að flytja að
sjávarslðunni í Garðabæ. „Auk þess er ég
að fara I spennandi ferðir sem fararstjóri,
meðal annars til Egyptalands og Kína,
„Ég var búinn að ákveða að taka því
sem verða vildi."
þannig að það er bara tillhlökkun fram-
undan."
ÞÞ.
SANNFÆRÐUR UM AÐ
ÉG KÆMIST YFIR ÞETTA
Skúli Jón Siguröarson fékk krabbamein á besta aldri
en hafdi betur í baráttunni
„Sannast sagna gat ég varla beðið eftir
því að fara I aðgerðina, ég var svo lán-
samur að vera bæði jákvæður og sann-
færður um að ég kæmist yfir þetta," segir
Skúli Jón Sigurðarson sem starfaði (tæpa
fjóra áratugi við flug, m.a. I prófum og
réttindamálum flugmanna og við rann-
sóknir flugslysa. Skúli Jón greindist með
krabbamein í blöðruhálskirtli í október
1993, 55 ára gamall, og gekkst undir
skurðaðgerð sem tókst vel.
„Vorið 1993 fór ég að finna til slappleika
og vanlíðunar, var lystarlaus, horaðist og
fór að vakna oftar og oftar á nóttunni til að
fara á klósettið. Læknar sem ég leitaði til
fundu ekkert athugavert og ráðlögðu mér
helst að hætta að drekka kaffi. Ég ræddi
málið við Úlfar heitinn Þórðarson lækni
sem sendi mig f blóðprufu og lét mæla
PSA-gildið sem reyndist ekki vera mjög
hátt. Ástandið versnaði stöðugt og Úlfar
lét mæla PSA-gildið aftur eftir nokkrar
vikur sem nú hafði hækkað verulega og í
framhaldinu greindist ég með krabbamein
I blöðruhálskirtlinum. Mér fannst eins og
ég væri með óværu sem ég varð að losna
við og aðeins eitt kom til greina, en það var
að skera meinið strax í burtu og það var
gert ellefu dögum slðar."
Kraþbamein I blöðruhálskirtli er langal-
gengasta krabbameinið hjá körlum á (s-
landi, en það er álíka algengt meðal karla
og brjóstakrabbamein er meðal kvenna.
Skúli Jón segir það sárt að vita og umhugs- |
unarvert hvers vegna engin kerfisbundin |
leit eða fyrirbyggjandi aðgerðir séu I gangi °
á þessu sviði fyrir karlana. „Sumir karlar fá i
lítil eða engin einkenni og tilviljun ræður
því oftast hvort þeir greinast f tfma. Hækk-
andi PSA-gildi er ef til vill ekki óbrigðull
mælikvarði en ég hef heyrt menn sem
vinna í heilbrigðisþjónustu segja að slík
mæling myndi finna of marga með sjúk-
dóminn. Þaðyrði heilbrigðiskerfinu of dýrt
og viðgerð borgi sig ekki þar sem flestir
sem greinast séu komnir svo nálægt starfs-
lokum. Svona hugsa nú margir þessara
manna."
Skúli Jón segir að lokum: „Lífsreynslan
að fá krabþamein og sigrast á því breytir
sannarlega lífssýninni og gildismati á ver-
aldleg verðmæti. Þegar konan mín varð að
„Mér fannst eins og ég væri með
óværu sem ég varð að losna við."
hætta að kenna vegna heilsubrests, var
ekki eftir neinu að bfða og við settumst
bæði ( helgan stein og njótum saman
hvers dags sem upp rennur. Ég á Úlfari
Þórðarsyni líf mitt að launa, það er skarp-
skyggni þessa ógleymanlega manns, sem
þá var 82 ára gamall, að þakka að ég
greindist I tíma," segir Skúli, sem hefur
unnið mikið með Góðum hálsum, stuðn-
ingshópi um krabbamein f blöðruhálskirtli.
ÞÞ.
16