Heilbrigðismál - 01.09.2006, Blaðsíða 33

Krístinn Ingvarsson
SEX AFKOMENDUR HAFA ORÐIÐ 100 ÁRA
Segja má að Sesselja Jónsdóttir sem fædd var í Svefneyjum á Breiðafirði árið
1823, hafi átt miklu bamaláni að fagna, ef langlífi afkomenda hennar er mæli-
kvarði á það.
Áður en Sesselja giftist átti hún einn son, Svein Pétursson, með Pétri Guð-
mundssyni, sem drukknaði ungur. Sveinn varð 91 árs og flest barna hans náðu
háum aldri en þó ekkert eins háum og Kristín P. Sveinsdóttir sem var orðin 106 ára
þegar hún lést haustið 2000. Bróðurdóttir Kristínar, Magðalena Lára Kristjáns-
dóttir, lést vorið 2001, rúmlega 103 ára.
Sesselja giftist Andrési Andréssyni árið 1852 og orti Jón Thoroddsen sýslu-
maður og skáld brúðkaupsvísur til þeirra. Andrés drukknaði um þrítugt en þau
Sesselja eignuðust sjö börn sem komust til fullorðinsára. Hæstum aldri systkin-
anna náði María M. Andrésdóttir, sem varð 106 ára. Meðal barna Maríu var Ingi-
björg Daðadóttir, sem varð 103 ára, og Guðmundur Daðason, sem varð 105
ára.
Með síðari manni sínum, Sveinbirni Magnússyni, átti Sesselja tvö börn. Annað
þeirra, María Katrín Sveinbjarnardóttir Beck, varð 100 ára.
Sjálf varð Sesselja, sem bjó í Flatey og Skáleyjum, ekki nema fimmtug. Dánar-
meinið var „bólguveiki". Sagt var að hún hefði verið frfð kona sýnum, há vexti,
búsýslukona góð og vel gefin. Ein systir hennar var Sigríður Jónsdóttir, amma
Sveins Björnssonar forseta Islands.
Sigurður Sólmundur Þorvaldsson
fæddist 23. janúar 1884 á Álftanesi í
Mýrasýslu en lést 21. desember 1989, 105
ára og 333 daga. Hann lauk kennaraprófi
frá Flensborgarskóla í Hafnarfirði, fór f
framhaldsnám til Danmerkur, kenndi við
Hvítárbakkaskóla og á Isafirði. Sigurður
flutti til Skagafjarðar 1914, gerðist bóndi á
Sleitustöðum I Hólahreppi og fékkst við
kennslu é vetrum. Sigurður var hreppstjóri
í nær hálfa öld, þar til hann var 92 ára.
Hann var mikill reglumaður, kvikur á fæti
og glaðværð hans var viðbrugðið. Kona
Sigurðar var Guðrún Sigurðardóttir og
komust átta börn þeirra upp.
Guðrún Einarsdóttir Guðmundsson,
sfðast búsett í Mozart í Saskatchewan f
Kanada, varð 105 ára og 288 daga. Hún
var fædd á Ánastöðum í Breiðdal í Suður-
Múlasýslu 18. mars 1877, flutti tíu ára
gömul með foreldrum sínum og fjórum
systkinum með Camoens frá Eskifirði til
Vesturheims og giftist Finnboga Guð-
mundssyni. Þau bjuggu fyrst í Norður-Da-
kota í Bandaríkjunum en síðan í Kanada
og eignuðust sex börn. Guðrún lést 27.
janúar 1983.
Margrét Þorbjarnardóttir Ólafsson
var fædd í Austur-Voðmúlastaðahjáleigu í
Austur-Landeyjum í Rangárvallasýslu 17.
september 1853. Hún giftist Jóni Ólafssyni
vorið 1882 og flutti tveimur árum síðar
vestur um haf. Þau bjuggu fyrstu fimm
árin að Árnesi í Manitoba í Kanada en
fluttu sfðan til Selkirk. Þeim varð fjögurra
barna auðið. Jón lést 1948, eftir 65 ára
hjúskap. Þegar Margrét var 100 ára var
sagt í Lögbergi: „Hún er mjög ern eftir
aldri, saumaði sér sjálf t.d. kjól f fyrra."
Hún lést 1. maf 1959, 105 ára og 226
daga.
Valgerður Steinunn Friðriksdóttir
fæddist 3. maí 1889 á Hánefsstöðum í
Svarfaðardal f Eyjafirði. Maður Valgerðar
var Jónas Franklín Jóhannsson sjómaður.
Þau bjuggu við Aðalstræti á Akureyri og
áttu tvö börn. Valgerður tók virkan þátt í
starfi Slysavarnafélagsins, Kvenféiagsins
Framtíðarinnar og Góðtemplarareglunnar
og var heiðursfélagi hennar. Hún lifði heil-
brigðu lífi og sagðist í viðtali alltaf hafa
verið geðgóð og glaðlynd og ekki eytt
púðri f illt umtal. Valgerður lést 8. nþvern-
ber 1994, 105 ára og 186 daga. Tvær
systur hennar náðu fullorðinsaldri, önnur
varð 98 ára en hin 96 ára. Móðir þeirra
varð 92 ára.
Guðmundur Daðason var fæddur á
Dröngum á Skógarströnd á Snæfellsnesi
13. nóvember 1900, ólst upp að Setbergi
og bjó síðan lengi á Ósi. Hann var sonur
Marfu M. Andrésdóttir, sem varð 106 ára.
Systir hans, Ingibjörg Daðadóttir, varð 103
ára. Guðmundur og Sigurlaug Maria Jóns-
dóttir kona hans eignuðust fimm börn og
þegar hann lést voru afkomendurnir 64.
Þegar Guðmundur var tæplega sjötugur
fluttu þau hjónin til Reykjavíkur og hann
vann þar verkamannavinnu til áttræðisald-
urs. Eftir að konan lést sá Guðmundur að
mestu um sig sjálfur fram undir tírætt.
Hann var mjög félagslyndur og spilaði
og tefldi fram á síðustu ár. Það þótti í frá-
sögur færandi að Guðmundur fór á knatt-
spyrnulandsleik þegar hann var 98 ára, fór
í fyrsta sinn til útlanda á 101. aldursári og
tók þátt í skákmóti 103 ára gamall. Guð-
mundur studdi Framsóknarflokkinn frá
stofnun hans, 1916, og var (minningagrein
sagður hafa verið elsti framsóknarmaður í
heimi. Hann lést 12. maí 2006, orðinn 105
ára og 180 daga.
Þórdís Þorkelsdóttir var fædd 26.
október 1895 á Unastöðum í Kolbeinsdal í
Skagafirði og lést 9. febrúar 2001, 105 ára
og 105 daga. Hún og maður hennar,
Skarphéðinn Sigfússon, bjuggu á nokkrum
stöðum í Skagafirði, lengst þó í Fljótum,
en fluttu til dætra sinna f Borgarfirði
skömmu eftir miðja tuttugustu öld. Skarp-
héðinn lést um sjötugt. Þórdís var vinnu-
söm og „stóð við slátt eins og karlmaður í
öllum sínum búskap," sagði í minningar-
grein. Hún hafði yndi af að lesa og las alla
Biblíuna eftir að hún varð níræð.
f byrjun tuttugustu aldar var enginn (s-
lendingur á Iffi sem náð hafði hundrað ára
aldri, um miðja öldina voru þeir tveir og f
lok hennar tuttugu og fimm. Slík er breyt-
ingin.
Grein eftir Jónas Ragnarsson ritstjóra
Heilbrigðismála.
Sólveig Pálsdóttir frá Svínafelli í Öræfum er elst allra núlifandi íslendinga,
varð 109 ára núna í ágúst. Þegar forsetahjónin, Ólafur Ragnar Grímsson og
Dorrit Moussaieff, voru í opinberri heimsókn á Höfn í Hornafirði í apríl hittu
þau Sólveigu. Á myndinni heldur hún á yngsta Austur-Skaftfellingnum.
33