Samtíðin - 01.05.1951, Blaðsíða 22

18
SAMTÍÐIN
um að nefna þessi nöfn: Rudolph
Valentino, Will Rogers, Ronald Col-
man, Eddie Cantor, Gaiy Cooper,
Danny Kay, Dana Andi’ews, David
Niven og Terese Wright. Fram úr
röðum hinna kunnu „Goldwyn
stúlkna", þ. e. hinna fögru hóp-
stúlkna, er oft koma fram í kvik-
myndum Goldwyns til þess að „punta
upp á“, hafa stigið ýmsar, er seinna
gerðust frægar stjörnur, t. d. Betty
Grable, Paulette Goddard og Lucille
Ball. Hér er vitanlega ekki rúm til
að telja upp þær myndir, sem Gold-
wyn hefur látið gera. Ymsar þeirra
hafa verið teknar eftir frægum sög-
um, t. d. Tíðindalaust á vesturvíg-
stöðvunum (Remarque), Arrowsmith
og Dodsworth (Sinclair Lewis) o. s.
frv. En bezta allra mynda hans telja
Bandaríkjamenn Beztu ár ævinnar,
sem áður er getið og sýnd hefur verið
hér á landi.
Samuel Goldwyn er svo lýst, að
hann sé maður hár og þrekinn,
athafnasamur, ákafur og skjótráður.
Hann er oft sagður órór í skapi, er
líða tekur að þvi, að kvikmynd sé
fullgerð í vinnustofum hans og á
það reynir, hvernig hún hafi tekizt,
en einnig þegar nýjar hugmyndir
vitja hans.
Goldlwyn er tvíkvæntur. Hann og
fyrri kona hans slitu hjúskap 1915,
en 10 árum seinna kvæntist hann
fagurri leikkonu, Frances Howard að
nafni. Þau eiga einn son, Samuel
yngri, 24 ára gamlan, og er hann
orðinn forstjóri kvikmyndafélags,
enda sagður ámóta athafnasamur og
faðir hans.
..l»OKW RAIJÐA“
KRISTMANN GUÐMUNDSSON á
heimtingu á því, að gefinn sé gaum-
ur hverri hók, sem hann lætur frá
sér fara. Hann á sér merkilegan
skáldferil, sem minnzt mun verða í
bókmenntasögunni, er verkum hans
verða gerð viðeigandi skil. Korn-
ungur réðst hann til Noregsfarar og
sendi vonum bráðara frá sér á
norsku smásagnasafnið Islenzka ást
(Islandsk kjærligliet). Það var árið
1926. Síðan rak hver skáldsagan aðra
á norsku. Brúðarkjóllinn, hugþekk
saga, kom 1927, Ármann og’ Vildís,
fjaðurmögnuð hók, 1928, Morgunn
lífsins, mjög sterkt skáldrit, með
persónulýsingum í ætt við hetjulýs-
ingar fornsagnanna, 1929. Kristmann
dvaldist í Noi’egi til 1933, en kom þá
snöggvast heim. Var síðan 2 ár er-
lendis, en fluttist því næst alkom-
inn til íslands og hefur síðan sam-
ið verk sín á íslenzku með sívax-
andi tökum á íslenzku máli og stíl.
En norsku ritaði hann brátt með
þeim ágætum, að mjög var rómað
af norskum gagnrýnendum.
Upphafsbindi nýrrar skáldsögu
eftir Kristmann: Þokan rauða, laum-
aðist inn á bókamarkaðinn 2—3 dög-
um fyrir síðustu jól. Höf. hefur val-
ið sér að aðalsöguhetju fornmann,
sem næst lítið er vitað um, höfund
Völuspár, en þetta bindi gerist eink-
um við Breiðafjörð, í Irlandi, Þránd-
heimi og á siglingu út hingað. Isarr
Dagsson, en svo nefnist aðalsögu-
hetjan, á sér að móður völuna
Kaðlinu. Hjá henni vex hann upp,
en nemur ýmis fræði af Clemet, írsk-