Fréttablaðið - 30.12.2009, Síða 10

10 30. desember 2009 MIÐVIKUDAGUR
Hollráð um eldvarnir
oryggi.is
Hringdu í 570 2400 og fáðu ókeypis öryggisráðgjöf heim!
Reykskynjarar bjarga mannslífum
Á hverju heimili ættu að vera reykskynjarar,
slökkvitæki og eldvarnateppi.
Fleiri hollráð og netverslun með öryggisvörur
er að finna á oryggi.is.
PPII
PPAAA
RRRRRR
\\\\\\\\\\\\
TTTTTTTTTTBBBBB
WWWWWW
AAAA
••
SSÍÍ
AAA
•
9
2
2
5
4
5
44
9
2
2
5
9
2
2
EFNAHAGSMÁL Allar leiðir fjármála-
stofnana til greiðslujöfnunar hús-
næðislána og skuldaaðlögunar eru
því marki brenndar að þær auka
heildargreiðslubyrði heimilanna,
fyrir utan leið Arion banka. Þetta
er furðulegt í ljósi þess að Alþjóða-
gjaldeyrissjóðurinn hefur upplýst
að töluvert svigrúm sé fyrir veru-
lega lækkun á greiðslu- og skulda-
byrði heimilanna.
Svo segja Hagsmunasamtök
heimilanna í nýrri samantekt.
Greiðslujöfnun húsnæðislána geti
hækkað heildarkostnað lántaka um
allt að 180 prósent á lánstíma.
Í greinargerð samtakanna er
fullyrt að Mark Flanagan, sendi-
fulltrúi AGS, hafi sagt á fundi með
félögum úr samtökunum að sjóð-
urinn vilji sjá allt svigrúm stóru
bankanna til leiðréttingar nýtt.
Svigrúmið nemi um 44 prósentum
af verðmæti lánasafnanna.
Hagsmunasamtökin telja bank-
ana beita blekkingum. Lausnir
fjármálastofnana bjóði upp á að
mánaðarlegar greiðslur lækki
mikið með því að greitt sé minna
af höfuðstóli, en meira í vexti.
Lækkunin vari í ákveðinn tíma en
svo byrji bankarnir að „vinna upp
hvern þann afslátt sem lántakar fá
fyrstu árin“.
Ef bankarnir skiluðu þeim
afslætti sem þeir fengu frá gömlu
bönkunum gætu þeir veitt fimmtíu
prósenta afslátt af gengistryggð-
um lánum, og tuttugu prósenta
afslátt af höfuðstóli verðtryggðra
lána, segja samtökin. Bankarnir
eigi að ganga mun lengra en þeir
hafa gert.
Þessar fjármálastofnanir hafi
valdið hruni bankakerfisins og
ætlist nú til þess að almenningur
borgi brúsann. Samtökin krefjast
þess að fyrirtækin axli sína ábyrgð
og stuðli að sátt í samfélaginu.
klemens@frettabladid.is
Telja banka
beita sjón-
hverfingum
Hagsmunasamtök heimilanna kalla þær leiðrétt-
ingar á lánum sem nú bjóðast „sjónhverfingar“. Þau
vilja tafarlausar aðgerðir og minna á orð AGS um
að svigrúm sé fyrir lækkun á greiðslubyrði.
HÚSIN Í 101 REYKJAVÍK Hagsmunasamtök heimilanna minna á orð Alþjóðagjaldeyris-
sjóðsins um að svigrúm sé til leiðréttingar skulda. FRÉTTABLAÐIÐ/VILHELM
Íslandsbanki var beðinn um að svara staðhæfingum Hagsmunasamtak-
anna:
■ Í fyrsta lagi um að heildargreiðslubyrði aukist við greiðslujöfnun.
Samskiptasvið bankans segir að vextir á óverðtryggðum lánum hafi
lækkað í 6,5 prósent en útreikningur samtakanna geri ráð fyrir sjö
prósenta vöxtum hjá bankanum. „Miðað við að vaxtastig haldi áfram að
lækka þá mun kostnaður lánsins einnig lækka.“
■ Einnig var bankinn spurður um meintar sjónhverfingar.
„Hvað varðar höfuðstólslækkun þá hefur alltaf verið skýrt að vextir í
íslenskum óverðtryggðum krónum eru hærri en erlendir vextir og því er
ekki um neina blekkingu að ræða í þeim efnum,“ segir samskiptasviðið.
Bankinn hafi ávallt leitast við að gefa sem réttasta mynd af kostum og
göllum úrlausna bankans. Ásökunum um sjónhverfingar er vísað á bug.
■ Bankinn var einnig beðinn um viðbrögð við því sem samtökin segja, að
mikið svigrúm sé til þess að lækka skulda- og greiðslubyrði skuldara, en þau
bárust ekki í svari bankans.
SVARA EKKI UM SVIGRÚMIÐ
PAKISTAN, AP Stjórnvöld í Pakistan
sendu út beiðni um ró í gær vegna
óeirða sem fóru í gang eftir sjálfs-
morðssprengingu sem beint var að
sjía múslimum á mánudag. Árásin
átti sér stað við Ashoura-hátíðahöld
sjía múslima í Karachi, stærstu
borg Pakistans.
Miklar öryggisráðstafanir voru
viðhafðar þegar fólk safnaðist
saman í miðborg Karachi í gær
vegna útfara sumra sem létust.
Árásin varð kveikja óeirða þar
sem hópar fólks fóru um borgina
og kveiktu í mörkuðum og versl-
unum.
Ehteshamul Haq, slökkviliðs-
stjóri Karachi, sagði að tvær bygg-
ingar, með fjölda verslana og skrif-
stofa hafi þegar hrunið, og tvær til
viðbótar væru að hruni komnar.
Pakistanskir embættismenn sök-
uðu ónefnda „misindismenn“ um
ofbeldisölduna, fremur en sjíana
sem sjálfsmorðsárásin beindist að,
mögulega til að draga úr spennu
milli trúarhópa.
„Við teljum að um skipulegt
samsæri sé að ræða,“ sagði Reh-
man Malik, ráðherra innanríkis-
mála. „Þeir sem gripu til ofbeldis
voru misindismenn, ekki mótmæl-
endurnir.“ Ekki lá enn ljóst fyrir
í gær hver væri ábyrgur fyrir
árásinni á mánudag, en þá hófust
hátíðahöld sjía múslima til að minn-
ast dánardags sonarsonar Múham-
meðs spámanns, Imams Hussein.
Sjíar eru minnihlutahópur í Pak-
istan og hafa mátt þola tíðar árásir
frá öfgahópum súnní múslima sem
líta á þá sem trúvillinga. - óká
EFTIR ÓEIRÐIR Eftir sjálfsvígsárás á mánudag var kveikt í stærsta heildsölumarkaði Kar-
achi. Yfir 200 slökkviliðsmenn börðust enn við elda 24 stundum síðar. FRÉTTABLAÐIÐ/AP
Sjálfsmorðsárás í Karachi í Pakistan á mánudag varð kveikja að öldu ofbeldis í borginni:
Enn barist við elda sólarhring eftir árás
Í HEIMSÓKN Wen Jiabao, forsætisráð-
herra Kína, (til hægri) vísar Madhav
Kumar Nepal, forsætisráðherra Nepals,
veginn í móttökuathöfn í heimsókn þess
síðarnefnda í þinghúsinu í Peking í Kína.
FRÉTTABLAÐIÐ/AP
Auglýsingasími
– Mest lesið