Fréttablaðið - 02.01.2010, Qupperneq 2

2 2. janúar 2010 LAUGARDAGUR
í allan dag.

Glænýr
Opið í dag til klukkan 15.00
fi skur
Fiskikóngurinn • Sogavegi 3 • sími 587 7755
Fiskikóngurinn • Sogavegi 3 • sími 587 7755
FRAMKVÆMDIR „Það er búið að
ákveða að taka greinina af lífi,“
segir Hilmar Konráðsson, for-
stjóri Magna verktaka. Hilmar fór
fyrir Verktakalestinni svokölluðu
sem á mánudaginn fyrir jól ók frá
Hafnarfirði til Alþingis og færði
fjárlaganefndarmönnum áskor-
un um að skila Vegagerðinni til
baka óráðstöfuðum fjárheimildum
og ráðast þegar í arðbærar fram-
kvæmdir. Tæpum sólarhring síðar
voru fjárlög næsta árs samþykkt.
Ekki var tekið tillit til áskorunar
verktakanna.
Hilmar segir ástandið í verktaka-
bransanum skelfilegt. Verkefnum
– og þar með störfum – hafi snar-
fækkað á stuttum tíma. Til marks
um það má nefna að störfum í jarð-
vinnu og byggingariðnaði hefur
fækkað úr meira en sautján þúsund
árið 2007 í um þrjú þúsund nú.
Hann segir ekkert gefa tilefni
til að ætla að staðan batni á næst-
unni, engin teikn séu á lofti um
aukin verkefni. „Það er búið að
tala um hitt og þetta síðan í júní,
tvöföldun Suðurlandsvegar og ég
veit ekki hvað og hvað en það er
allt dautt. Menn berja sér reynd-
ar á brjóst og segjast ætla af stað
með Landspítalann árið 2011 en þá
verða bara engir verktakar eftir.“
Bág staða verktaka bitnar ekki
aðeins á starfsfólki verktaka-
fyrirtækjanna sjálfra. Hilmar
bendir á að ekki færri en fjög-
ur stór fyrirtæki í vélasölu séu
ýmist hætt starfsemi eða glími
við gríðarlegan rekstrarvanda.
Hið sama hljóti að verða uppi á
teningnum hjá verkfræðistofum.
En ekki eru allar vélar stopp.
Hér og þar eru verktakar að störf-
um en Hilmar segir verkin öllu
jafna ekki arðbær. „Sannleikurinn
er sá að menn eru að vinna fyrir
kannski sjötíu prósent af kostnað-
aráætlunum. Það hefur áður verið
reynt en aldrei gengið til lengd-
ar. Menn verða ekki feitir á þessu,
ef þeir yfirleitt geta klárað þessi
verk.“
Hilmar segir verktaka gera sér
fulla grein fyrir samdrættinum í
samfélaginu en óhæfa sé að ráðast
ekki í neinar nýjar framkvæmdir.
Án slíks komist efnahagslífið ekki
á skrið á ný. bjorn@frettabladid.is
Búið að ákveða að
taka greinina af lífi
Forstjóri verktakafyrirtækisins Magna er ómyrkur í máli í garð stjórnmála-
manna. Hann segir ástandið í verktöku skelfilegt og sér ekki ljós í myrkrinu.
TEKIÐ VIÐ ÁSKORUN Þingmenn í fjárlaganefnd tóku ábúðarfullir við áskorun verktaka um að Vegagerðinni yrði gert kleift að bjóða
út nýframkvæmdir á næsta ári. FRÉTTABLAÐIÐ/GVA
SLYS Á árinu 2009 létust 25 manns
af slysförum á Íslandi. Árið 2008
létust tuttugu. „Flestir létust í
umferðarslysum eða sautján, þrír
í vinnuslysum, þrír í drukknun-
arslysum, einn í sjóslysi, einn í
flugslysi en enginn í heima- og
frítímaslysum,“ segir í frétt frá
Slysavarnafélaginu Landsbjörg
sem skráð hefur banaslys frá
árinu 1928. „Langflestir sem lét-
ust voru karlmenn eða 21 ein-
staklingur. Konur sem létust í
slysum á árinu voru fjórar. Engin
börn 14 ára og yngri létust af
slysförum á árinu og er það annað
árið í röð sem ekkert barn á þeim
aldri deyr af slysförum.“ - gar
Banaslys voru 25 árið 2009:
Flestir létust í
umferðinni
EFNAHAGSMÁL Matsfyrirtækið
Standard & Poor’ hefur breytt
mati á lánshæfi ríkissjóðs
Íslands. Horfur í efnahagsmál-
um séu nú stöðugar í stað þess
að vera neikvæðar. S&P segir
samþykki Alþingis á Icesave-
samningnum stuðla að því að
tryggja Íslendingum erlent fjár-
magn. „Við væntum þess að for-
seti Íslands muni undirrita lögin
þegar þar að kemur,“ segir fyrir-
tækið sem telur áætlaða lækkun
skulda hins opinbera leiða til enn
betri lánshæfiseinkunnar. - gar
Fyrirtækið Standard & Poor‘s:
Segja samþykki
Icesave jákvætt
ODDVITAR Á ALÞINGI Ríkisstjórnin fékk
Icesave-samninginn samþykktan á
Alþingi daginn fyrir gamlársdag.
Óskar, eru ekki borgaryfirvöld
komin þarna út á hálan ís?
„Það er stundum sleipt á svellinu
en þetta er fyrst og fremst gert til að
Reykvíkingar geti notið útvistar við
góðar aðstæður í fallegu umhverfi.“
Reykjavíkurborg hefur, eftir óskir frá
almenningi, útbúið skautasvell á Reykja-
víkurtjörn og á Rauðavatni. Óskar Bergs-
son er formaður borgarráðs og formaður
framkvæmda- og eignaráðs.
TRÚMÁL „Hin tæra, íslenska við-
skiptasnilld var hátt rómuð, en lítt
var spurt út í heilindi og heiðarleika,
aga og trúfesti. Afleiðingin verður
menning gagnkvæmrar tortryggni
og vantrausts,“ sagði Karl Sigur-
björnsson, biskup þjóðkirkjunnar, í
áramótaávarpi.
„Um næstu mánaðamót má vænta
niðurstöðu rannsóknarnefndar um
bankahrunið. Þjóðin bíður í ofvæni
og kvíða þess sem boðað hefur verið
sem einhver verstu tíðindi sem nokk-
ur nefnd hefur þurft að færa. Það
verður dómsdagur þegar það sem
hulið hefur verið verður opinbert.
Og hvað verður gert með það, hvern-
ig munum við sem þjóð vinna úr því?
Það varðar mestu. Við megum ekki
gleyma því að við erum ekki aðeins
undir dómi manna. Það er annar
dómur sem við stöndum öll undir:
Dómur Guðs,“ sagði Karl.
Biskup sagði menn óspara á yfir-
lýsingar og sleggjudóma. „Níð og
mannorðsmorð eru söluvara og
ósjaldan stundað af þeim sem hæst
hrópa og ákafast veifa fánum siða-
vendninnar.“
Karl sagði að áður hefðu Íslend-
ingar verið þekktir fyrir orðheldni
og heiðarleika. „Menn stóðu við
orð sín, handsöluðu skuldbindingar
og stóðu við þær. Nú er sem mörg-
um finnist munnlegir samningar
og fyrirheit lítils virði, flestallt sé
afstætt. Okkar kynslóð hefur notað
Excel til þess að kæfa samviskuna.
Stjórnmálin hafa lengi snúist um
ímyndir og slagorð, sýndarmennsku
og gylliboð,“ sagði biskupinn. - gar
Biskup segir dómsdag verða þegar það sem hulið sé verður gert opinbert:
Stöndum öll undir dómi Guðs
SÉRA KARL SIGURBJÖRNSSON Biskup
segir mannorðsmorð ósjaldan stundað
af þeim sem ákafast veifa fánum siða-
vendninnar. FRÉTTABLAÐIÐ/VALLI
LÖGREGLUMÁL „Það var nokkuð mikið að gera,
sérstaklega hjá slökkvibílunum,“ segir Haf-
steinn Halldórsson, aðstoðarvarðstjóri hjá
slökkviliði höfuðborgarsvæðisins.
Að sögn Hafsteins fóru slökkvibílar í 25
útköll frá því hálfátta að morgni gamlárdags
fram til klukkan hálfátta að kvöldi nýárs-
dags. Þar af voru þrettán útköll eftir mið-
nætti á gamlárskvöld. „Þetta voru að stór-
um hluta íkveikjur þar sem menn eru að
kveikja í rusli og öðru. Það kemur af þessu
nokkur eldur og mikill reykur en það gekk
vel að ráða niðurlögum þessara elda,“ segir
Hafsteinn.
Þá segir Hafsteinn að 48 sinnum hafi
verið kallað eftir sjúkrabílum á nýársnótt.
„Af því voru 24 neyðartilfelli sem er mjög
mikið á einni næturvakt en ekki óvenjulegt á
gamlárskvöldi. Mér skilst að þetta hafi síðan
flestallt reynst minni háttar,“ segir hann.
Friðrik Sigurbergsson, læknir á slysadeild
Landspítalans, segir talsvert marga hafa leit-
að til slysadeildar. Sá síðasti kom þangað rétt
fyrir kvöldmat í gær með brunasár. „Í þeim
rimmum sem urðu manna á milli slasaðist eng-
inn alvarlega og ekki heldur þeir sem lentu
í flugeldasprengjum. Það var aðeins rólegra
yfirbragð yfir þessu miðað við það sem verið
hefur áður,“ segir Friðrik.
Hjá lögreglunni á höfuðborgarsvæðinu feng-
ust þær upplýsingar að talsvert hafi verið að
gera fram undir milli átta og níu á nýársmorg-
un. Engin alvarleg mál hafi komið upp. - gar
Talsverðar annir hjá lögreglu, slökkviliði og slysadeild en engin alvarleg mál komu upp um áramótin:
Gamlárskvöld og nýársnótt stórslysalaus
BRENNAN Á GEIRSNEFI Engin alvarleg slys urðu á fólki
þegar landinn fagnaði nýju ári. FRÉTTABLAÐIÐ/PJETUR
ERLENT Talið er að um níutíu
manns hafi látið lífið í sjálfs-
morðsárás í Pakistan í gær. Fjöldi
annarra er alvarlega særður.
Árásin var gerð þar sem fram
fór blakmót í norðvesturhluta
Pakistans. Talið er að árásarmað-
urinn hafi sprengt um 250 kílóa
sprengju sem var í ökutæki sem
hann ók inn á blakvöllinn. Auk
þess að stráfella þá sem voru í
kring hrundu nærliggjandi hús
undan krafti sprengjunnar og ótt-
ast var að fólk væri grafið undir.
Frá því að ríkisstjórnin í Pakistan
fyrirskipaði í október hernum
sókn gegn talibönum í Suður-Waz-
iristan hafa um 500 manns farist.
- gar
Blóðbað á blakvelli í Pakistan:
Banaði níutíu í
sjálfsmorðsárás
FÓLK Fyrsta barn ársins 2010
fæddist þegar 28 mínútur voru
liðnar af nýja árinu. Það var
stúlka sem fæddist á fæðingar-
deild Landspítalans.
Stúlkan vó rúmlega sextán
merkur og er 52 sentimetrar á
lengd. Hún er þriðja barn for-
eldra sinna, sem eiga tvo drengi
fyrir. Að sögn ljósmóður í
Hreiðrinu gekk fæðingin ljóm-
andi vel og mæðgunum heilsast
vel. Fjölskyldan fór heim til sín í
gærmorgun. - þeb
Fæðingardeild Landspítalans:
Fyrsta barnið
16 marka stúlka
EFTIR ÁRÁSINA Slasaður maður er flutt-
ur á sjúkrahús í Bannu í Pakistan.
FRÉTTABLAÐIÐ/AP
SPURNING DAGSINS