Fréttablaðið - 02.01.2010, Page 8

8 2. janúar 2010 LAUGARDAGUR
Landsbankinn óskar viðskiptavinum sínum og landsmönnum öllum farsældar á nýju ári
með þökkum fyrir viðskiptin á liðnu ári.
Útibú Landsbankans eru opin mánudaginn 4. janúar milli kl. 11 og 16.
N
B
I h
f.
(L
an
d
sb
an
ki
n
n
),
k
t.
4
71
0
0
8
-0
2
8
0
.
E
N
N
E
M
M
/
S
ÍA
/
N
M
40
36
7
Gleðilegt nýtl ár
LÖGREGLUMÁL Tollgæslan á Keflavíkurflugvelli
handtók um miðjan desember karlmann á þrítugs-
aldri sem flutti með sér amfetamín til landsins.
Maðurinn situr nú í gæsluvarðhaldi.
Maðurinn var handtekinn við komuna í Leifs-
stöð frá Berlín 14. desember. Samkvæmt heimild-
um Fréttablaðsins var hann með tæp fjögur kíló af
amfetamíni falin í farangri sínum. Ekki hafa fengist
nánari upplýsingar um aldur mannsins en að hann
sé á milli tvítugs og þrítugs.
Maðurinn var daginn eftir handtökuna úrskurð-
aður í gæsluvarðhald í þrjár vikur, og rennur það
því út næsta þriðjudag. Hann kærði ekki úrskurðinn
til Hæstaréttar.
Heimildir Fréttablaðsins herma að rannsókn lög-
reglunnar á Suðurnesjum beinist ekki síst að því
hverjir vitorðsmenn smyglarans eru og hvort hann
hafi aðeins verið burðardýr eða átt stærri þátt í
skipulagningunni. Af þeim sökum fást afar tak-
markaðar upplýsingar um málið frá lögreglu. - sh
Ungur maður handtekinn um miðjan desember við komuna frá Berlín:
Með tæp fjögur kíló af amfetamíni
LEIFSSTÖÐ Maðurinn var að koma frá Berlín þegar hann var
handtekinn. FRÉTTABLAÐIÐ / VALGARÐUR
FÉLAGSMÁL Öll börn sem fæðast á
þessu ári munu fá handprjónaða
húfu að gjöf frá Kvenfélagasam-
bandi Íslands. Kvenfélagskonur
um land allt hafa ákveðið að ráð-
ast í þetta verkefni í tilefni af 80
ára afmæli sambandsins. Fyrstu
húfurnar voru afhentar á fæðing-
ardeild Landspítalans í vikunni.
Gert er ráð fyrir því að um fimm
þúsund börn fæðist á þessu ári.
Fæðingar fara fram á tíu stöðum
og munu ljósmæður sem annast
fæðingarnar afhenda foreldrum
húfurnar. Með þessu vilja konur í
kvenfélögunum senda hlýja kveðju
til nýrra þjóðfélagsþegna og vekja
athygli á því mikla og hljóðláta
starfi sem unnið er af kvenfélög-
um um landið allt.
Hverri húfu mun fylgja heilla-
óska kort með nafni þeirrar konu
sem hana prjónaði og nafni kven-
félagsins sem hún tilheyrir. Einn-
ig hafa margir sem ekki tilheyra
kvenfélögum boðist til að prjóna
húfur. - þeb
Kvenfélagasambandið heldur upp á 80 ára afmæli:
Öll nýfædd börn fá
handprjónaða húfu
FYRSTA HÚFAN Rósa G. Bragadóttir ljós-
móðir heldur á nýfæddum dreng sem
fékk húfu frá Ásu Atladóttur úr stjórn
Kvenfélagasambands Íslands.
ÍSRAEL, AP Maður sem á árum
áður upplýsti um kjarnorku-
leyndarmál Ísraela og sat í fang-
elsi fyrir það hefur nú verið
handtekinn á ný.
Samkvæmt upplýsingum ísra-
elsku lögreglunnar var Morde-
chai Vanunu handtekinn vegna
gruns um að hann hefði hitt
útlendinga, en með því hafi hann
brotið gegn skilyrðum lausnar
hans úr fangelsi árið 2004. Færa
átti Mordechai fyrir dómara
síðdegis í gær.
Mordechai sat í fangelsi í átján
ár. Hann var lágt settur tækni-
maður í ísraelsku kjarnorkuveri
og lak upplýsingum um starf-
semina til Sunday Times í Lond-
on árið 1986. Af gögnunum gátu
sérfræðingar ráðið að Ísrael ætti
sjötta stærsta kjarnorkuvopna-
búr heims.
- óká
Frelsaður uppljóstrari í Ísrael:
Tekinn fyrir að
hitta útlendinga
DÓMSMÁL Karlmaður á fertugs-
aldri, Óskar Svanur Barkarson,
hefur í Héraðsdómi Reykjaness
verið dæmdur í þriggja ára fang-
elsi fyrir stórfellt fíkniefnalaga-
brot.
Hann stóð, þriðjudaginn 16.
desember árið 2008, að innflutn-
ingi á tæplega 1,5 kílói af kóka-
íni. Efnið ætlaði hann til sölu-
dreifingar í ágóðaskyni hér á
landi. Fíkniefnin flutti maður-
inn til Íslands frá Amsterdam,
sem farþegi með flugi. Tollverð-
ir fundu þau falin í botni ferða-
tösku mannsins við komu hans til
Keflavíkurflugvallar. Maðurinn
játaði sök fyrir dómi. - jss
Karlmaður á fertugsaldri:
Þrjú ár fyrir
smygl á kókaíni
1. Hversu háa styrki utan
ríkisframlaga fékk Framsóknar-
flokkurinn árið 2006?
2. Hvaða þáttur kemur aftur á
dagskrá Skjás eins í febrúar?
3. Við hvaða knattspyrnufélag
samdi Gunnar Heiðar Þorvalds-
son á dögunum?
SVÖRIN ERU Á SÍÐU 58
ÍRAN Mir Hossein Mousavi, helsti
stjórnarandstöðuleiðtogi Írans,
segist ekki vera hræddur við að
deyja fyrir málstað sinn. Þetta
sagði hann í yfirlýsingu á heima-
síðu sinni, en það var í fyrsta
skipti sem hann tjáði sig opinber-
lega síðan frændi hans var meðal
þeirra sem voru drepnir í mót-
mælum seint í síðasta mánuði.
Mousavi setti einnig fram í
yfirlýsingunni fimm þrepa lausn
við ástandinu sem ríkt hefur í
Íran frá því eftir forsetakosning-
ar í júní síðastliðnum. Hann segir
ríkisstjórnina, þingið og dómstóla
þurfa að taka ábyrgð á ástandinu.
Þau þurfi líka að gera gegnsæ lög
til að tryggja sanngjarnar kosn-
ingar, leysa pólitíska fanga úr
haldi, viðurkenna fjölmiðlafrelsi
og frelsi fólks til að mótmæla.
Mousavi segir nauðsynlegt að
stjórnvöld viðurkenni að alvarleg
krísa ríki í landinu. Þangað til það
sé gert sé ekki mögulegt að ráða
fram úr vandanum. Þá segir hann
að verði hann eða aðrir stjórnar-
andstöðuleiðtogar handteknir eða
drepnir muni það ekki róa ástand-
ið. Hann væri þó ekki hræddur
við að deyja fyrir vilja fólksins.
Þannig svaraði hann hótunum
klerka, sem sumir hverjir hafa
krafist þess að stjórnarandstöðu-
leiðtogar verði teknir af lífi fyrir
að hlýða ekki valdstjórninni.
Mousavi minntist þó ekki
beint á lát frænda síns í þessu
samhengi. Hann hét Seyed Ali
Mousavi, og var meðal þeirra
sem létu lífið þegar lögreglu-
menn skutu á mótmælendur sem
söfnuðust saman í Teheran 27.
desember. Hann var skotinn í
bakið, en stjórnvöld hafa neitað
því að hann hafi verið skotinn af
lögreglumönnum. Líkum þeirra
sem voru drepnir var haldið á
spítala og þannig var komið í veg
fyrir að hægt væri að jarðsetja
þau strax, eins og venja er. Fjöl-
skylda Mousavis segir lík hans
hafa verið tekið án leyfis fjöl-
skyldunnar, til þess að koma í veg
fyrir að jarðarför hans yrði notuð
í mótmæli. Líkinu var skilað í vik-
unni gegn því að fjölskyldan héldi
jarðarförina í kyrrþey.
thorunn@frettabladid.is
Tilbúinn að
deyja fyrir
málstaðinn
Mir Hossein Mousavi segist reiðubúinn að deyja í
baráttunni fyrir umbótum í Íran. Ekki muni róa
ástandið að handtaka stjórnarandstöðuleiðtoga.
MÓTMÆLI Þúsundir streymdu á götur Teheran á miðvikudag til stuðnings ríkisstjórn-
inni. FRÉTTABLAÐIÐ/AP
VEISTU SVARIÐ?