Fréttablaðið - 27.02.2010, Blaðsíða 25
LAUGARDAGUR 27. febrúar 2010
➜ ALLT SAMHENGI VANTAR Í MÁLIÐ
Svavar fór fyrir samninganefndinni
sem náði samningum um Icesave
í júní í fyrra. Hann hefur orðið fyrir
hörðum árásum eftir þann samning.
Svavar segir þeim spurningum
ekki hafa verið svarað hvað hefði
gerst ef málið hefði verið klárað
strax. Ljóst er að atvinnuleysi væri
mun minna, vextirnir lægri og geng-
ið hagstæðara. Hagspá ASÍ, sem
kynnt var á fimmtudag, hefði litið
mun betur út. Þá telur hann málið
ekki hafa verið sett í samhengi
þegar til þjóðaratkvæðagreiðslu
kemur.
„Þjóðaratkvæðagreiðslan út af
fyrir sig getur verið ágæt, en hún
þarf þá að vera um heild, ekki eitt
atriði af mörgum. Icesave-málið er
eitt atriði af mörgum í efnahagsvél-
inni. Það að leggja það fyrir þjóðar-
atkvæði eitt og sér, það er eins og
að leggja tekjuhlið fjárlaga sér og
gjaldahlið sér fyrir þjóðina.
Auðvitað mundu allir hafna tekju-
hliðinni, af því að menn vilja ekki
borga skatta. En menn myndu segja
já við gjaldahliðinni af því menn
vilja gjarnan fá skóla og sjúkrahús
og vegi.“
sína og allt það. Nú þarf að spyrja
alla flokka, hvernig sjáið þið
afkomu fólksins fyrir ykkur í
þessu landi?“
Svavar segir grundvallaratriði
þess að hægt sé að koma á afkomu-
tryggingu að efnahagslífið kom-
ist á réttan kjöl. Ekki sé hægt að
skilja á milli velferðarkerfisins
og efnahagslífsins, auðveldara sé
auðvitað að fjármagna velferðina
sé efnahagslífið í blóma.
„Það þarf að setja upp heildar-
stefnu fyrir þjóðina um það hvern-
ig afkomutrygging einstakling-
anna og þjóðarinnar til frambúðar
verður tryggð. Ég vil, sem kjós-
andi, spyrja flokkana, hvað eruð
þið með?
Einn ríkisbanka
Svavar telur skynsamlegt að
starfrækja einn ríkisbanka hér
á landi. Það muni tryggja saman-
burð í rekstri og virkni í fjárfest-
ingu. Þá þurfi að velta því fyrir
sér hvort bankarnir eigi sjálfir að
kaupa hluti í atvinnulífinu. Það sé
óheimilt í Danmörku og því settar
skorður í Þýskalandi.
„Ég tel óhemju mikilvægt að það
verði tekið á því að sparifjáreig-
endur geti treyst því að farið sé
eðlilega með peningana þeirra. Ég
tel að Íslendingar eigi að ákveða að
taka þátt í alþjóðlegum trygginga-
sjóðum banka og sparifjáreigenda.
Kapítalið er alþjóðlegt, það er nú
gömul saga, en vinnuaflið á í raun
heldur engin landamæri.
Vill alþjóðasáttmála
Svavar telur að á næstu tíu til
tuttugu árum þurfi að koma á fót
þremur alþjóðlegum samningum
um grundvallaratriði.
„Í fyrsta lagi samning gegn
fátækt þar sem auðæfum heimsins
sé skipt jafnar. Það þarf að tryggja
að Afríkuríki geti selt vörur sínar
hömlulaust á markaði okkar auð-
kýfinganna, sem við Íslendingar
tilheyrum. Að koma á fót alþjóð-
legri fríverslun en þó með eftirliti
þannig að ekki sé hægt að hindra
eðlileg samskipti í þágu ríkra
landa.
Þá þarf að koma á fót sáttmála í
friðar- og öryggismálum og í þriðja
lagi sáttmála um umhverfismál.
Maður þarf að sjá fyrir sér ver-
öldina á næstu tíu til tuttugu árum
með þessum þremur regnhlífar-
samningum og innan þeirra séu
aðrir þættir og bandalög svæða,
til að mynda.
Ég hefði viljað sjá að flokkarnir
hér heima kæmu sér upp alþjóða-
stefnu í efnahags-, umhverfis- og
friðar- og öryggismálum. Að þeir
hugsi sín mál þannig og kynni
þau.“ Svavar segir þetta geta verið
tengt afkomutryggingu á þann hátt
að horft verði til einstaklinganna
og þess hver eru til dæmis þeirra
umhverfisspor.
Nýja hugsun
Hugmyndir Svavars eru kannski
útópískar, segir hann, en menn
verði einfaldlega að sjá eitthvert
ljós, sýna neista framtíðarinn-
ar. Flokkarnir þurfi að svara því
hvernig á að komast úr kreppunni
til framtíðar.
„Það gerum við ekki með því að
segja, nú byggjum við hér 23 álver.
Það er gamla hugsunin eins og var
hér eftir stríð.
Það einkenndist í mismælum
frambjóðanda Alþýðuflokksins í
Eyjafirði sem sagði: Okkar stefna
er nýsköpunartogara á hvert heim-
ili. Þá hugsuðu menn ofan frá og
að ríkið gæti bara reddað þessu
öllu og keypt togara. Það sama
á við um að byggja álver. Blaða-
menn, sem ganga atvinnulausir,
gætu eins sagt: ríkið gefur bara
út dagblað, stækkum Lögbirtinga-
blaðið.
Það er ekki sú aðferð sem mér
hugnast. Ég vil nota markaðsþjóð-
félagið eftir reglum sem eru lýð-
ræðislega ákveðnar af sanngjörnu
og öflugu framkvæmdarvaldi. Og
við þurfum Fjármálaeftirlit sem
þorir að vera Fjármálaeftirlit og
Seðlabanka sem þorir að vera
Seðlabanki.“
Mán. - föstud. 10 - 19. Laugardaga 10 - 18. Sunnudaga 12 -18
Í Intersport Bíldshöfða er opinn um helgina!
ÞOR Svavar segir að Fjármálaeftirlitið þurfi að þora að vera Fjármálaeftirlit.
FRÉTTABLAÐIÐ/VALLI