Fréttablaðið - 16.03.2010, Blaðsíða 46

26 16. mars 2010 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
LÁRÉTT
2. margskonar, 6. tveir eins, 8. til
sauma, 9. örn, 11. tveir eins, 12.
þekjast ryði, 14. brestir, 16. pot, 17.
hyggja, 18. stroff, 20. org, 21. hljóm-
sveit.
LÓÐRÉTT
1. fyrir ofan, 3. í röð, 4. hugarró, 5.
hár, 7. kælir, 10. starf, 13. op, 15.
hvolf, 16. einatt, 19. golf áhald.
LAUSN
LÁRÉTT: 2. ýmsu, 6. ff, 8. nál, 9. ari,
11. ll, 12. ryðga, 14. snark, 16. ot, 17.
trú, 18. fit, 20. óp, 21. tríó.
LÓÐRÉTT: 1. ofar, 3. mn, 4. sálarró, 5.
ull, 7. frystir, 10. iðn, 13. gat, 15. kúpa,
16. oft, 19. tí.
„Ég er að gera samning hérna út af upp-
töku á plötu,“ segir söngvarinn Geir
Ólafsson, sem er staddur í Los Angeles.
Síðastliðið föstudagskvöld spilaði hann
á hinum virta tónleikastað The Baked
Potato ásamt eigandanum Don Randi,
fyrrverandi píanista Franks Sinatra, og
hljómsveit hans Quest. Þessir færu hljóð-
færaleikarar koma til Íslands í ágúst
til að taka upp plötu með Geir. Einnig
nota þeir tækifærið og spila á Djasshátíð
Reykjavíkur.
„Hugmyndin er sú að þetta verði gefið
út hérna í Ameríku,“ segir Geir, sem er
ákaflega þakklátur fyrir þetta tækifæri.
„Ég fór í þetta verkefni bara rólegur og
var ekki að biðja um neitt meira. Svo eftir
konsertinn kemur maður til mín sem heit-
ir Don Graham, sem er einn af mörgum
upptökustjórum í Hollywood. Svo var
fundur daginn eftir og tekin ákvörðun
um að taka upp þessa plötu. Mér var bara
boðið þetta og ég þáði það náttúrulega.“
Söngkonan Anna Mjöll sem hefur verið
búsett lengi í Los Angeles var á meðal
gesta á tónleikunum. „Þegar hún mætti þá
leið manni betur fyrir konsertinn,“ segir
Geir, sem tók tónleikana upp. Á nýrri
heimasíðu hans, Geirolafsson.is, verður
hægt að hlýða á hvernig til tókst. Kvöldið
eftir söng hann síðan á þorrablóti Íslend-
inga í Los Angeles og þar var Don Randi,
sem hefur unnið með honum undanfarin
ár, heiðursgestur. - fb
Geir Ólafsson gerir plötusamning í LA
Á THE BAKED POTATO Geir Ólafsson ásamt Don Randi & Quest
á hinum virta tónleikastað The Baked Potato í Los Angeles.
Fulltrúar frá útibúi Top Shop í London
eru væntanlegir til Íslands í tengslum við
Reykjavik Fashion Festival. Þeir ætla að
mæta á sýningu íslenska tískuvörumerkisins
E-label í Kaaber-húsinu á föstudagskvöldið.
Ásta Kristjánsdóttir, einn af eigendum E-
label, staðfestir þetta í samtali við Frétta-
blaðið. „Vonandi sjá þeir einhverja fleiri
hönnuði til að koma á framfæri í verslun
sinni,“ segir Ásta en E-label hefur gert það
gott í Top Shop-versluninni þar. Stórstjarn-
an Beyonce Knowles gerði sér meðal ann-
ars ferð í verslunina ekki alls fyrir löngu og
keypti þá leggings frá merkinu.
Ásta segir mikla stemningu fyrir Reykja-
vik Fashion Festival, um hundrað og
fimmtíu manns leggi nú nótt við dag við
undirbúninginn og flestir þeirra eru í sjálf-
boðavinnu. „Ég held að það hafi sjaldan eða
aldrei verið jafnmikil gróska í íslenskri
hönnun og þetta er rétti tíminn til að koma
henni á framfæri,“ segir Ásta. Fjöldi
erlendra blaðamanna hafa boðað komu sína
á hátíðina enda mikill áhugi á því sem fram
fer á Íslandi um þessar mundir vegna efna-
hagskreppunnar frægu. „Facehunter, tísku-
bloggarinn frægi, ætlar að koma sem og
blaðamenn frá Dazed and Confused, Obser-
ver og breska Elle,“ útskýrir Ásta.
Heilmikil tónlistarhátíð er haldin í kring-
um tískuhátíðina og hefst hún á fimmtudags-
kvöldið. Mesta spennan er þó eflaust fyrir
komu kanadísku tónlistarkonunnar Peaches
en hún hefur, að sögn Ástu, valið sér eina
átta kjóla til að koma fram í. Nánari upplýs-
ingar um hátíðina má finna á heimasíðunni
rff.is. - fgg
Fulltrúar Top Shop á leið til Íslands
Þú færð Blaðberann þinn í
Skaftahlíð 24 alla virka daga
frá kl. 9-17.
...góðar fréttir fyrir umhverfið
Blaðberinn...
Blaðberinn
bíður þín
NJÓSNAÐ Fulltrúar frá útibúi Top Shop í London hafa
boðað komu sína á Reykjavik Fashion Festival. Þeir
ætla að sitja á fremsta bekk á föstudagskvöld þegar
E-label sýnir sitt nýjasta.
FRÉTTABLAÐIÐ/ANTON
Fyrsta og annars árs
nemar í Kvikmynda-
skóla Íslands eru nú
að leggja lokahönd
á verkefni sín. Kvik-
myndagerðarfólk
framtíðarinnar
fékk það verkefni
að undirbúa svo-
kallaðan „pilot“
eða prufuþátt
fyrir sjónvarp. Þeir fá til liðs við sig
þjóðþekkta leikara og leikstjóra.
Meðal þeirra sem leggja hönd á
plóg þetta árið eru Hilmar Oddsson
og Silja Hauksdóttir.
Jón Þór Birgisson, best þekktur
sem Jónsi í Sigur Rós, var í ítarlegu
viðtali við breska stórblaðið Inde-
pendent á sunnudaginn. Þar greinir
hann meðal annars frá því að eftir
vinsældir lagsins Hoppípolla hafi
liðsmenn Sigur Rósar
nánast flúið vinsæld-
irnar og haldið sig
heima á Íslandi. Jónsi
segist hins vegar í
dag sætta sig betur
við þetta og hefur
blaðamaður á orði að
söngvarinn geti
meira að segja
haldið uppi sam-
ræðum á ensku,
það sé af sem áður
var.
Ljósmyndarinn Rebekka Guðleifs-
dóttir er stödd í New York þessa
dagana, en sýning á myndum
hennar var haldin í galleríi á
Manhattan um helgina. Eins og
Fréttablaðið greindi frá fyrir nokkr-
um vikum vann hún til verðlauna
í ljósmyndakeppni samtakanna
Artists Wanted og var þemað
sjálfsmyndir. Ferðalag Rebekku
gekk ekki áfallalaust fyrir sig. Þegar
hún kom út hætti síminn hennar
að virka og í þokkabót kom hún
að læstum dyrum gistiheimilisins.
Henni var hleypt inn af
gesti, en þegar hún
náði í starfsfólkið var
henni tjáð að hún
ætti ekki pantað fyrr
en daginn eftir. Allt
blessaðist þó að
lokum og margir
komu á sýning-
una um helgina.
- fgg, afb
FRÉTTIR AF FÓLKI
„Það er Tokkata og fúga,
orgelverkið mikla eftir Bach og
svo Ingibjörg Þorbergsdóttir,
þegar ég er í stuði.“
Magnús Skarphéðinsson, skólastjóri
Sálarrannsóknaskóla Íslands.
„Willi segir ekki eitt orð um Ice-
save eða fjármálakrísur,“ segir
framleiðandinn Heimir Jónasson.
Framleiðslufyrirtæki Heimis,
Icelandic Cowboys Entertainment,
hefur nýlokið framleiðslu á fimm
þátta röð um Ísland ásamt þýskum
framleiðendum. Þættirnir fjalla
um ævintýraeyjuna Ísland og bera
yfirskriftina „Leiðangurinn til
Íslands“. Stjarna þáttanna heitir
Willi Weitzel og er að sögn Heim-
is hinn þýski Sveppi; margverð-
launuð barnastjarna sem nýtur
mikilla vinsælda. Þættirnir voru
frumsýndir á sjónvarpsstöðvun-
um Kinderkanal og ARD og ferð-
ast í kjölfarið um sjónvarpsstöðv-
ar þýska málsvæðisins.
„Þættirnir eru gott dæmi um
mjög vandað sjónvarpsefni fyrir
alla fjölskylduna og eru bæði
fræðandi og hafa mikið skemmt-
anagildi,“ segir Heimir og bætir
við að verið sé að skoða að gera
90 mínútna kvikmyndaútgáfu af
þáttunum. „Þetta eru eins konar
ævintýra- og vísindaferðaþættir.
Willi ferðast um framandi slóð-
ir, spyr spurninga sem fólk þyrst-
ir í að fá svör við, eins og um það
hvers vegna eldgos séu svo tíð
á Íslandi eða af hverju íslenska
vatnið sé svona gott. Willi vill fá
að vita hvernig Íslendingar hita
upp húsin sín, skoðar hvali, hittir
huldufólk, fer á hestbak og baðar
sig úti í guðsgrænni náttúrunni.
Svo gerir hann vísindatilraunir á
einfaldan hátt sem útskýra hvern-
ig veröldin virkar.“
Þáttur Willa hefur verið sýnd-
ur í þýsku sjónvarpi í átta ár og
var valinn sjónvarpsþáttur ársins
í sínum flokki á Adolf-Grimme-
Preis sjónvarpsverðlaunahátíðinni
í Þýskalandi á dögunum. Heimir
tók að sér hlutverk í þáttunum á
Íslandi og leikur besta vin Willa.
Hann er sem sagt fyrir Willa það
sem Villi er fyrir Sveppa, ef svo
má að orði komast. Hann segist
ekki geta dæmt um frammistöðu
sína, en hafa skemmt sér mjög vel
í hlutverkinu. „Þeir orðuðu við mig
að gera nokkra þætti með þeim
úti,“ segir Heimir og bætir við að
það myndi hann gera til gamans.
„Það myndi örugglega skapa mér
fullt af góðum samböndum til að
ná fleiri verkefnum til Íslands.“
Heimir efast ekki um að þætt-
irnir verði góð landkynning og
laði þýska, svissneska og austur-
ríska ferðamenn að í stórum stíl.
„Með sérlega jákvæðri umfjöllun
um allar þær gersemar og ævin-
týri sem Ísland hefur upp á að
bjóða,“ segir hann að lokum.
atlifannar@frettabladid.is
HEIMIR JÓNASSON: WILLI WEITZEL ER HINN ÞÝSKI SVEPPI
Þýsk fjölskylduþáttaröð
um ævintýraeyjuna Ísland
WILLI OG STROKKUR Willi Weitzel nýtur mikilla vinsælda í Þýskalandi og er marg-
verðlaunaður.