Fréttablaðið - 30.03.2010, Síða 34
30. mars 2010 ÞRIÐJUDAGUR6
Freyvangsleikhúsið er starfrækt
í Eyjafjarðarsveit, í um tíu mín-
útna akstursfjarlægð frá Akur-
eyri en starfsemi leikhússins má
rekja aftur til ársins 1957. Sýn-
ingar félagsins hafa vakið mikla
athygli í gegnum tíðina, þrisvar
sinnum hefur sýning frá félag-
inu verið valin athyglisverðasta
áhugaleiksýning ársins og sýning
síðasta árs, Vínland eftir Helga
Þórsson, var auk þess valin til sýn-
ingar á alþjóðlegu leiklistarhátíð-
inni NEATA sem haldin verður á
menningarsetrinu Hofi í ágúst. Nú
er það hins vegar barnaleikritið
Dýrin í Hálsaskógi sem á hug og
hjörtu Norðlendinga.
„Aðsókn hefur farið fram úr
björtustu vonum og uppsetningin
fengið mjög góða dóma. Sýning-
in verður að teljast til þeirra sem
gengið hafa hvað best,“ segir Hall-
dór Sigurgeirsson, formaður Frey-
vangsleikhússins. „Uppselt hefur
verið á meira en tuttugu sýningar
í röð og við erum að reyna að þétta
sýningardagskrána því við erum
með mikið af ungu fólki í sýning-
unni sem þarf að fara í próf í vor
þannig að maður vill ekki halda því
of lengi.“ Leikstjórn er í höndum
Ingunnar Jensdóttur og leikmynd-
in, sem vakið hefur mikla athygli,
er eftir Hallmund Kristinsson.
„Leikhópurinn samanstendur af
reynsluboltum Freyvangsleikhúss-
ins og svo tuttugu börnum og ungl-
ingum en nokkur barnanna hafa
einnig mikla reynslu og hafa leikið
hjá Leikfélagi Akureyrar.“
Halldór segir það ótrúlegt að
áhugaleikhúsið nái slíkri aðsókn.
„Sérstaklega í ljósi þess að flest-
allir sem koma að uppsetningunni
eru vinnandi fólk og því nýtir það
frístundirnar sínar í að sinna þessu
tímafreka og jafnframt krefjandi
áhugamáli. En svona er nú víst leik-
húsbakterían.“ juliam@frettabladid.is
Dýrin slá í gegn
Freyvangsleikhúsið hefur sett upp barnaleikritið Dýrin í Hálsaskógi.
Uppselt hefur verið á meira en tuttugu sýningar.
Bakarameistarinn og bakaradrengurinn eru leiknir af Guðjóni Ólafssyni og Stefáni
Tryggva Brynjarssyni.
Lilli klifurmús sem leikinn er af Óðni Valssyni situr uppi í tré og Stefán Guðmunds-
son í hlutverki Mikka refs bíður fyrir neðan. Arna Ýr Karelsdóttir leikur á fiðlu.