Fréttablaðið - 27.04.2010, Blaðsíða 2
2 27. apríl 2010 ÞRIÐJUDAGUR
SPURNING DAGSINS
HEYRNARSTÖ‹IN
Læknastö›in, Kringl
unni • Sími 568 7777
• heyrnarstodin.is
LÖGREGLUMÁL Karlmaður viður-
kenndi við yfirheyrslur hjá lög-
reglu í fyrradag að hafa fals-
að þúsund króna seðla og keypt
ýmsar vörur fyrir.
Lögreglunni bárust fyrir
nokkrum dögum tilkynningar
frá fyrirtækjum um að falsað-
ir þúsund króna seðlar væru
í umferð. Seðlarnir voru illa
gerðir samkvæmt upplýsingum
Fréttablaðsins, þannig að auð-
velt var að sjá að þeir væru fals-
aðir. Það breytti því þó ekki að
maðurinn gat verslað fyrir þá
á tíu til fimmtán stöðum. Hann
keypti sér smáræði, aldrei fyrir
meira en þúsund krónur.
- jss
Keypti fyrir falsaðar krónur:
Peningafalsari
handtekinn
VIÐSKIPTI Skilanefnd Glitnis er að
kanna hvort nokkuð sé því til fyr-
irstöðu að birta upplýsingar um
styrkveitingar Glitnis til stjórn-
málamanna með sama hætti og
skilanefndir Kaupþings og Lands-
banka Íslands hafa gert.
Í siðferðishluta skýrslu rann-
sóknarnefndar Alþingis kemur
fram að ekki sé hægt að birta
upplýsingar um styrki Glitnis til
stjórnmálamanna.
„Frá Glitni bárust gögnin mjög
seint og þau voru mun verr flokk-
uð en frá hinum bönkunum,“
segir í skýrslunni. Birtar eru upp-
lýsingar Landsbankans og Kaup-
þings til bæði stjórnmálamanna
og stjórnmálasamtaka á árunum
2003-2008. Hvað varðar Glitni
fékk rannsóknarnefndin aðeins
nothæfar upplýsingar um styrki
til stjórnmálasamtaka.
Árni Tómasson, formaður skila-
nefndar Glitnis, sagði við Frétta-
blaðið að hann hefði ekki skýring-
ar á þessari afgreiðslu Glitnis á
beiðni rannsóknarnefndarinnar
um upplýsingar. Eftir samtal við
Fréttablaðið lét Árni afla upplýs-
inga um málið og sagðist síðan
vera að kanna hvort nokkuð sé
því til fyrirstöðu að birta þessar
upplýsingar með sama hætti og
hinir bankarnir hafa gert.
-pg
Rannsóknarnefndin fékk ónógar upplýsingar frá Glitni um stjórnmálastyrki:
Skilanefnd kannar hvort birta
megi styrki til stjórnmálamanna
GLITNIR Árni Tómasson, formaður
skilanefndar Glitnis, kannar möguleika á
að birta upplýsingar um styrki bankans
til stjórnmálamanna líkt og skilanefndir
hinna föllnu viðskiptabankanna hafa gert.
STJÓRNMÁL Þingmenn eru á þingi
fyrir kjósendur sína. Telji grasrót
flokksins að þingmaður eigi ekki
erindi á þing þá á hann einfaldlega
ekki erindi þar.
Svo segir Katrín Júlíusdóttir, iðn-
aðarráðherra Samfylkingar, spurð
álits á tillögu flokkssystur sinnar,
Steinunnar Valdísar Óskarsdótt-
ur. Steinunn hefur sagt að komist
nýskipuð umbótanefnd flokksins
að þeirri niðurstöðu „að menn hafi
brugðist á þessum tíma“ eigi allir
þeir þingmenn flokksins sem sátu
á þingi fyrir hrun að segja af sér.
Krafa um þetta hafi heyrst innan
flokksins.
„Ég er ekki á því að allir sem einn
eigi að víkja. Það er mismunandi í
hverju menn hafa staðið. En það
eru kjósendurnir sem ráða þessu.
Það eru kjósendurnir sem völdu
mig í forvali. Ef grasrótin í mínum
flokki gerði þá kröfu þá myndi ég
að sjálfsögðu víkja,“ segir Katrín.
Fyrrnefnd umbótanefnd teljist til
grasrótar flokksins.
Aðspurð segist ráðherra ekki
hafa hugsað um að segja af sér,
enda sé hún á bólakafi í verkefn-
um. „En auðvitað kemur manns
tími einhvern tíma. Ég er ung og á
eftir að gera heilmikið annað en að
vera í þessu. Ég verð að á meðan ég
geri gagn og síðan taka aðrir við,“
segir Katrín.
Ásta R. Jóhannesdóttir, forseti
Alþingis, segist ekki sammála hug-
mynd Steinunnar:
„Ég tel að það sé mjög mikil-
vægt að inni á þingi sé fólk með
reynslu og hef verið þeirrar skoð-
unar að endurnýjunin á þingi hafi
jafnvel verið of hröð. Þar eru innan
við tuttugu þingmenn með þriggja
ára reynslu eða lengri. Ég vil hafa
ferskt blóð í bland við reynslumikið
fólk,“ segir hún.
Ásta vill ekki ræða umbótanefnd-
ina og segist ekki hafa hugsað um
að segja af sér. „Ég hef nýlega feng-
ið endurnýjað umboð í kosningum,“
segir hún.
Guðbjartur Hannesson, formað-
ur fjárlaganefndar, segir þessi
mál í farvegi bæði umbótanefndar
flokksins og sérstakrar þingnefnd-
ar. Þeim farvegi eigi að fylgja.
„Það er mjög mikilvægt að þess-
ar nefndir komi með niðurstöður og
tillögur og síðan metum við þær. Ég
tel eðlilegt að við bíðum eftir því.
Annars þyrftum við ekki þessar
nefndir,“ segir hann.
Spurður hvort hann hafi leitt
hugann að því að hætta, segir Guð-
bjartur: „Ég hef alveg síðan ég kom
á þing velt því fyrir mér hvort ég
sé að gera gagn þar eða ekki og ég
var auðvitað að meta það fram til
2009 hvort ég ætti að fara í slag-
inn. En rannsóknarskýrslan hefur
engu breytt um það. Hún bara hvet-
ur okkur til dáða.“
klemens@frettabladid.is
Þingmenn sitji ekki í
óþökk grasrótarinnar
Iðnaðarráðherra segist ekki hafa annað umboð en kjósenda. Forseti Alþingis
telur að þingmenn sem voru á þingi 2008 eigi ekki endilega að hætta. Endurnýj-
un hafi jafnvel verið of hröð. Formaður fjárlaganefndar vill bíða tillagna.
PÓLLAND Jaroslaw Kaczynski
lýsti því yfir í gær að hann hygð-
ist bjóða sig fram til embættis
forseta landsins. Tvíburabróð-
ir hans, Lech Kaczynski, sat á
forsetastóli
er hann lést í
flugslysi 10.
apríl ásamt
fjölda pólskra
ráðamanna.
„Pólland er
okkar sameig-
inlega og mikla
ábyrgð,“ sagði
í yfirlýsingu
hans þar sem
hann sagðist
vilja axla þá ábyrgð þrátt fyrir
sorglegar aðstæður.
Jaroslaw Kaczynski sem er 60
ára varð forsætisráðherra árið
2006. Hann var þá í forsvari
bandalags hægriflokka en þeir
bræður stofnuðu flokkinn Lög
og réttur árið 2001.
Jaroslaw var einungis forsæt-
isráðherra í eitt ár.
Forsetakosningar í Póllandi:
Tvíburabróðir-
inn fer fram
LECH KACZYNSKI
REYKJAVÍK Unnið er að undirbún-
ingi nýs framboðs til borgar-
stjórnarkosninga 29. maí, Reykja-
víkurframboðsins.
Tilgangur framboðsins er að
vinna að helstu verkefnum með
hagsmuni borgarbúa að leiðar-
ljósi, sem er vonlaust innan fjór-
flokksins svokallaða, segir í til-
kynningu.
„Augljósasta dæmið er flug-
völlurinn, sem Reykvíkingar
kusu burt úr Vatnsmýri,“ segir
þar. Fulltrúar fjórflokksins geti
ekki farið eftir þessum vilja íbúa,
því það fari gegn hagsmunum
flokkanna á landsvísu. Formaður
bráðabirgðastjórnar framboðs-
ins er Örn Sigurðsson, arkitekt
og einn stofnefnda Samtaka um
betri byggð. - kóþ
Nýtt Reykjavíkurframboð:
Vill hagsmuni
íbúa í forgang
STJÓRNMÁL Stjórn fulltrúaráðs Samfylkingar-
innar í Reykjavík lagði það til árið 2006, fyrir
prófkjör vegna alþingiskosninga 2007, að
prófkjörskostnaður mætti ekki fara fram úr
einni milljón króna. Einnig áttu frambjóðend-
ur að sýna háttvísi í baráttunni og gera grein
fyrir kostnaði að henni lokinni.
„Þessu var breytt eftir umræður á fulltrúa-
ráðsfundunum tveimur og upphæðin tekin út.
Stjórnin var með þessa tillögu um milljón og
það var mikil umræða um þetta. En það voru
ýmsir sem töldu að það yrði erfitt að fylgja
því eftir,“ segir Páll Halldórsson, sem þá var
formaður fulltrúaráðsins. Fólk hafi óttast að
reglan yrði brotin. Páll segist aðspurður ekki
muna hverjir hafi haft af
þessu mestar áhyggjur.
Samkvæmt samþykktu
reglunum átti þó að stilla
kostnaði í hóf og skila yfir-
liti um tekjur og gjöld.
Spurður hvort þessum
reglum hafi verið fylgt
eftir, segir Páll:
„Ég var ekki í kjörstjórn-
inni og veit ekki hvernig
það var, en ég geri ráð fyrir
því að menn hafi eitthvað skoðað þetta.“ Hann
muni ekki eftir sérstakri umræðu um það.
- kóþ
Tillaga stjórnar fulltrúaráðs Samfylkingarinnar í Reykjavík um reglur í prófkjöri 2006:
Hámarksupphæð var tekin út úr reglum
Hrafn, eru lífeyrissjóðirnir
stefnulausir?
„Nei, þetta stefnir allt upp á við.“
Hrafn Magnússon, framkvæmdastjóri
Landssambands lífeyrissjóða, sagði í
samtali við Fréttablaðið í gær lífeyrissjóð-
ina vilja leysa deilur um uppgjör gjald-
eyrisskiptasamninga án þess að þurfa að
stefna bönkunum.
Stúlkurnar tvær sem létust í
bílslysi á Suðurnesjum á laug-
ardag hétu Unnur Lilja Stef-
ánsdóttir, fædd árið 1991, og
Lena Margrét Hinriksdóttir,
fædd 1992.
Þriðja stúlkan liggur enn
alvarlega slösuð á gjörgæslu-
deild Landspítalans. Sam-
kvæmt upplýsingum frá lækni
á gjörgæsludeild í gærkvöldi
var henni enn haldið sofandi í
öndunarvél.
Létust
í bílslysi
AFSAGNIR Tveir stjórnmálafræðingar sögðu í viðtali við RÚV í gær að mikið lægi á því
að styrkjamálin væru uppgerð. Grétar Þór Eysteinsson prófessor sagði að flokksforysta
Samfylkingar og Sjálfstæðisflokks ættu jafnvel að krefjast afsagna þingmanna áður en
nefndir innan flokksins komast að niðurstöðu um hvort slíkt eigi að gera.
PÁLL
HALLDÓRSSON
Sex núverandi þingmenn Samfylkingarinnar tóku þátt í
prófkjörinu í Reykjavík 2006:
kostnaður
Ásta R. Jóhannesdóttir 1,4 millj.
Helgi Hjörvar 5,6 millj.
Jóhanna Sigurðardóttir 530.000.
Steinunn Valdís Óskarsdóttir 4,7 millj.
Valgerður Bjarnadóttir 750.000.
Össur Skarphéðinsson 3,6 millj.
*Miðað við upplýsingar frá frambjóðendunum sjálf-
um á vef Ríkisendurskoðunar.
Tveir undir milljón
Drakk stíflueyði
Maður var fluttur á slysadeild um
klukkan hálfníu í gærkvöldi eftir að
hann hafði drukkið stíflueyði í Húsa-
smiðjunni í Skútuvogi. Starfsmenn
Húsasmiðjunnar kvöddu sjúkralið á
vettvang. Maðurinn var mjög veikur
enda um baneitrað efni að ræða sem
getur brennt innyfli sé það innbyrt.
LÖGREGLUMÁL