Fréttablaðið - 27.04.2010, Blaðsíða 8
8 27. apríl 2010 ÞRIÐJUDAGUR
VIÐSKIPTI Sjö fyrrverandi stjórn-
endur Íslandsbanka og einn fram-
kvæmdastjóri Sjóvár-Almennra
fengu 564 milljóna króna lán hjá
Milestone Import Export Ltd. til
kaupa á hlutabréfum í Glitni í maí
árið 2005.
Í rannsóknarskýrslu Alþingis
er vakin athygli á hugsanlegum
hagsmunaárekstrum tengdum
lánveitingunum. Karl Werners-
son, stjórnarformaður Milestone
og Þáttar International, sat á
þessum tíma í stjórn bankans. Þá
hafði stjórn bankans samþykkt,
rúmum mánuði áður en lánin
voru veitt, að selja 66 prósenta
hlut bankans í tryggingafélag-
inu Sjóvá-Almennum fyrir 17,5
milljarða króna. Íslandsbanki
hélt eftir afganginum. Ári síðar
keypti Milestone allan hlut bank-
ans fyrir 9,5 milljarða króna.
Samtals lánaði Íslandsbanki fyrir
rúmum helmingi kaupverðsins.
Þrír stjórnenda bankans sátu
jafnframt í áhættunefnd Glitnis
og fjölluðu um lánamál Milestone
Import Export.
Í skýrslu rannsóknarnefndar-
innar kemur fram að upphaflega
hafi verið áformað að Íslands-
banki fjármagnaði hlutabréfa-
kaup stjórnendanna en frá því
fallið vegna umræðu um málið
í fjölmiðlum. Hlutabréfakaup-
in munu þó hafa verið gangin í
gegn áður en fjármögnun þeirra
var tryggð að fullu. Stjórn bank-
ans leitaði því hófanna hjá öðrum
fjármálafyrirtækjum. Úr varð
að Kaupþing fjármagnaði átta-
tíu prósent kaupverðsins og rann
það til einkahlutafélags í eigu
áttmenninganna. Fjárfestingar-
félagið Milestone Import Export
Ltd. lánaði það sem upp á vant-
aði. Lánin voru á markaðsvöxtum
með álagi. Engar tryggingar voru
fyrir lánunum.
Sjö stjórnenda, sem keyptu bréf-
in á markaðsvirði og seldu aftur
þremur mánuðum síðar, högnuð-
ust um rúmar þrjú hundruð millj-
ónir króna. Bjarni Ármannsson,
þá forstjóri Íslandsbanka, hagn-
aðist um 184 milljónir króna en
hinir um 31 milljón hver.
Steinunn H. Guðbjartsdóttir
í slitastjórn Glitnis, sagði þetta
eitt þeirra mála sem séu í skoð-
un í tengslum við fall bankans
haustið 2008. Hægt verði að leita
nokkur ár aftur í tímann. Telji
slitastjórnin hugsanleg brot hafa
verið framin takmarkast mögu-
leikar hennar til aðgerða við
gjaldþrotalög. jonab@frettabladid.is
Fengu millj-
ónir að láni
hjá Milestone
Félag Karls Wernerssonar lánaði stjórnendum
Íslandsbanka hálfan milljarð á sama tíma og hann
var að semja við bankann um kaup á Sjóvá.
NÝJA STJÓRNIN EFTIR VIÐSKIPTIN Nýir eigendur skiptu um menn í brúnni hjá Sjóvá.
Hér eru þeir Þór Sigfússon, þá verðandi forstjóri, Karl Wernersson, Helgi Bjarnason
aðstoðarforstjóri og Þorgils Óttar Mathiesen, fráfarandi forstjóri tryggingarfélagsins.
FRÉTTABLAÐIÐ/E.ÓL
„Við vitum af þessu máli en höfum ekki komist í að vinna það,“ segir Ólafur
Þór Hauksson, sérstakur saksóknari. Hann segir málin tengd Sjóvá mjög
umfangsmikil og niðurstöðu ekki að vænta fljótlega. Embætti sérstaks
saksóknara hefur haft mál Milestone og Sjóvár til skoðunar í um ár vegna
gruns um að refsiverð háttsemi hafi þar átt sér stað. Félagið lenti í gríðar-
legum rekstrarvanda í fyrra þegar upp komst að bótasjóður Sjóvár hefði
verið misnotaður. Þá vantaði félagið tíu milljarða króna til að uppfylla
lágmarkskröfur um gjaldþol. Eftir fjárhagslega endurskipulagningu lagði ríkið
tryggingarfélaginu til 11,6 milljarða króna til að koma rekstrinum á réttan
kjöl. Þór Sigfússon, sem tók við forstjórastólnum í kjölfar kaupa Milestone á
félaginu, fór frá í fyrra og hafa tveir forstjórar stýrt því síðan þá. Íslandsbanki
setti Sjóvá í söluferli um miðjan janúar á þessu ári.
Sjóvá hjá sérstökum saksóknara
Nafn Staða
Bjarni Ármannsson forstjóri
Þorgils Óttar Mathiesen framkvæmdastjóri Sjóvár-Almennra
Tómas Kristjánsson framkvæmdastjóri fjármálasviðs
Finnur Reyr Stefánsson framkvæmdastjóri markaðsviðskipta
Haukur Oddsson framkvæmdastjóri viðskiptabanka- og rekstrarsviðs
Jón Diðrik Jónsson framkvæmdastjóri fjárfestinga- og alþjóðasviðs
Frank Ove Reite framkvæmdastjóri Íslandsbanka í Noregi
Einar Sveinsson formaður bankaráðs
Stjórnendurnir
Þarft þú að ná
utan um verkefni?
Alþjóðleg vottun í verkefnastjórnun í umboði
alþjóðasamtaka verkefnastjórnunarfélaga (IPMA).
Skemmtilegir nemendur og heimsþekktir kennarar.
Opnar starfsvettvang víða í íslensku samfélagi og
um allan heim.
Tveggja ára nám samhliða starfi.
Kynningarfundur um meistaranám
í verkefnastjórnun miðvikudaginn
28. apríl kl. 17 í Námunni, sal
Endurmenntunar Háskóla Íslands,
Dunhaga 7.
Vor í íslenskri verkefnastjórnun
Við vekjum einnig athygli á ráðstefnu um
verkefnastjórnun sem fram fer á Hótel Sögu
föstudaginn 21. maí kl. 13–17.
Nánari upplýsingar um MPM-námið
færðu á mpm.is
www.mpm.is
Spennandi kostur fyrir þá sem hafa áhuga
á mjög hagnýtu stjórnunarnámi.
MPM-nám:
Inntökuskilyrði:
B.A./B.S./B.Ed. eða sambærilegt.
Minnst þriggja ára reynsla úr atvinnulífinu.
Reynsla við verkefnavinnu æskileg.
Umsóknarfrestur er til 17. maí
PI
PA
R\
TB
W
A
\ S
ÍA
1
01
05
9
Félag atvinnurekenda boðar til ráðstefnu um framtíð
heilbrigðisþjónustu á Íslandi. Ráðstefnan verður haldin
á Grand hóteli fimmtudaginn 29. apríl kl. 8.30–12.00.
Dagskrá:
1. Framtíð frumlyfja á íslenskum heilbrigðismarkaði
Robin Turner, forstjóri Roche í Danmörku
2. Mikilvægi heimamarkaðar fyrir Actavis
Jónína Guðmundsdóttir, framkvæmdastjóri Medís og
Ólöf Þórhallsdóttir, markaðsstjóri Actavis á Íslandi
3. Ný tækifæri í heilbrigðisþjónustu
Gunnar Ármannsson, framkvæmdastjóri Primacare
4. LSH – stefnumótun og framtíðarsýn
Björn Zoëga, forstjóri LSH
5. Lækningatæki á Landspítala
Gísli Georgsson, deildarstjóri á Heilbrigðis- og
upplýsingatæknideild LSH
6. Ríkið í hlutverki kaupanda lyfja og
heilbrigðistækja – útboðsmál á Íslandi
Páll Rúnar M. Kristjánsson yfirlögfræðingur FA
Boðið verður upp á léttan morgunverð og kaffiveitingar.
Fundargjald: kr. 4.000,-
Skráning á atvinnurekendur@atvinnurekendur.is
eða í síma 588-8910.
Heilbrigðisþjónusta á Íslandi
Langtímahugsun eða skaðlegar skammtímareddingar?
Félag atvinnurekenda er hagsmunasamtök fyrirtækja í inn- og útflutningi, heildsölu og smásölu. Innan
vébanda félagsins eru m.a. fyrirtæki sem veita fjölda fólks atvinnu við innflutning, sölu og
markaðssetningu á lyfjum og heilbrigðisvörum.
FRÉTTASKÝRING: Xxxxxxx