Fréttablaðið - 27.04.2010, Blaðsíða 38
22 27. apríl 2010 ÞRIÐJUDAGUR
folk@frettabladid.is
Um 170 manns mættu í
kokkteilboð sem Útón hélt
í Los Angeles til að kynna
íslenska tónlist fyrir Banda-
ríkjamönnum. Emilíana
Torrini söng þar fimm lög
við góðar undirtektir.
Boðið var haldið á heimili Lanette
Phillips, sem er einn virtasti fram-
leiðandi tónlistarmyndbanda í
heiminum. Tilgangurinn var að
kynna íslenska tónlist fyrir þeim
sem koma tónlist að í kvikmynd-
um, auglýsingum og sjónvarpsþátt-
um í Bandaríkjunum. Mætingin í
boðið var enn betri en í fyrra þegar
það var haldið í fyrsta sinn. Þá var
Jónsi í Sigur Rós hálfgerður full-
trúi íslenskrar tónlistar á svæðinu
en í þetta sinn var það Emilíana
Torrini og stóð hún sig með mikl-
um sóma. Á meðal erlendra gesta
var Eric Grunbaum, sem er yfir-
maður Media Arts Lab, fyrirtækis
sem býr til allar auglýsingar fyrir
Apple. Einnig var þar Dilly Gent
sem framleiddi Live Earth-verk-
efnið sem Al Gore stóð fyrir. Að
auki hefur hún unnið með hljóm-
sveitinni Radiohead við mynd-
bandagerð. freyr@frettabladid.is
Vel heppnað kokkteilboð
GESTGJAFINN Lanette Pillips ásamt Safta
Jaffrey sem uppgötvaði hljómsveitina
Muse og rekur umboðsskrifstofu fyrir
upptökustjóra.
SÖNG FYRIR GESTI Emilíana Torrini söng fyrir gesti með aðstoð gítarleikarans Péturs Hallgrímssonar. Eins og Fréttablaðið hefur
greint frá gengur Emilíana með fyrsta barn sitt.
ÁSAMT ERIC OG DILLY Emilíana Torrini
ásamt Eric Grunbaum, yfirmanni hjá
markaðsfyrirtæki Apple, og framleiðand-
anum Dilly Gent.
„Þetta er stórglæsilegt að fá
svona mikinn fjölda,“ segir Jón
Þór Eyþórsson hjá Cod Music.
Lokað var fyrir innsendingar á
efni í lagakeppnina Þorskastríð-
ið 2010 um síðustu helgi og tóku
alls 92 flytjendur þátt. Í fyrra
tóku 135 flytjendur þátt í keppn-
inni en þá mátti syngja á hvaða
tungumáli sem er. Rúmlega 30 lög
voru þá á íslensku og því er fjölg-
unin mikil í ár á íslensku lögunum.
„Ég hefði verið sáttur við 40 til 50
lög. Ég bjóst ekki við að fá mikið
meira en það,“ segir Jón Þór. Hann
bætir við að innsendu lögin séu af
ýmsum toga. „Eins og venjulega
er þetta öll flóran og allar stefn-
ur. Þarna inni eru nýgræðingar
og aðrir sem hafa verið í tónlist í
mörg, mörg ár.“
Dómnefnd fer nú yfir öll lögin
og verður sigurvegari kynntur í
beinni útsendingu á Rás 2 á föstu-
daginn. Auk Jóns Þórs sitja í dóm-
nefndinni Ólafur Páll Gunnarsson
og Matthías Már Magnússon frá
Rás 2 og Jón Týril, framkvæmda-
stjóri G Festival.
Í verðlaun eru hljóðverstímar til
að fullklára þrjú lög, ársbirgðir af
þorskalýsi og svo verður sigurveg-
aranum flogið til Færeyja þar sem
hann mun koma fram á tónlistar-
hátíðinni G festival 15. til 17. júlí.
- fb
92 lög keppa í Þorskastríðinu
MYSTERIOUS MARTA Mysterious Marta
vann síðasta Þorskastríð. Nýr sigurvegari
verður kynntur á föstudaginn.
> NÁTTÚRULEGA UNG
Leikkonan Demi Moore hefur
ávallt þrætt fyrir að hafa nokk-
urn tímann lagst undir hnífinn
til að halda unglegu útliti. Ný-
lega sagðist hún aldrei hafa
litað á sér hárið, enda væru
gráu hárin svo fá að hún
gæti plokkað þau burt.
Simon Cowell er nú í strangri
megrun fyrir væntanlegt brúð-
kaup sitt í sumar og fylgist unn-
usta hans, förðunarfræðingurinn
Mezhgan Hussainy, vel með gangi
mála. Samkvæmt heimildarmönn-
um er Cowell mjög upptekinn af
holdafari sínu og innbyrðir aðeins
ávaxtadrykki í öll mál. Nýlega
sást til Cowells og unnustu hans
þar sem þau deildu með sér litl-
um fiskiforrétti á veitingastað en
slepptu aðalréttinum.
Parið kynntist við tökur á Amer-
ican Idol-sjónvarpsþáttunum þar
sem Hussainy starfar sem sminka,
þau trúlofuðu sig í febrúar á þessu
ári.
Simon í megrun
„Mamma er ansi afkastamikil í
saumaskapnum,“ segir tónlistar-
maðurinn Skúli mennski.
Hann gaf nýlega út sína fyrstu
sólóplötu, Skúli mennski og hljóm-
sveitin Grjót, og hefur móðir hans
hjálpað honum að sauma umslagið,
sem er úr gallabuxnaefni. „Hún er
alltaf tilbúin að aðstoða son sinn við
eitthvað uppbyggilegt. Ég hef verið
að sníða ofan í hana. Ég sauma örlít-
ið sjálfur og ætla að gera meira ef
þörf krefur, sem vonandi verður,“
segir hann. Mæðginin hafa þegar
saumað tvö hundruð eintök en
geisladiskurinn sjálfur var prentað-
ur í eitt þúsund stykkjum.
Á útgáfudegi plötunnar spilaði
Skúli á fjórtán stöðum í Reykja-
vík til að kynna plötuna. Loka-
tónleikarnir voru á Rosenberg
um kvöldið. „Þetta gekk rosa
vel. Það var vel af þessu látið
alls staðar sem ég kom,“ segir
Skúli.
Nýja platan hans hefur að
geyma tíu þægileg djass- og
blússkotin lög í amerískum þjóð-
lagastíl og eru þau öll eftir Skúla.
Hann er uppalinn á Ísafirði og
heldur tónleika þar 26. maí til að
kynna plötuna. Næstu tónleikar
hans í Reykjavík verða á Horninu
í Hafnarstræti á miðvikudag. Þar
kemur einnig fram Gísli Rúnar
Harðarson. - fb
Mamma saumar umslagið
SKÚLI MENNSKI Saumar umslag nýju plötunn-
ar, Skúli mennski og hljómsveitin Grjót, með
mömmu sinni. MYND/JULIA STAPLES
UMSLAGIÐ
Umslag plöt-
unnar er úr
gallabuxna-
efni og hefur
mikil vinna
farið í gerð
þess.
Aðalfundur Hugarfars verður haldinn
í Hátúni 10, 105 Reykjavík, í dag
þriðjudaginn 27. apríl kl. 20:00.
Dagskrá fundar eru hefðbundin aðalfundarstörf en
undir liðnum önnur mál mun Auður Axelsdóttir frá
Hugarafl i segja frá sínu félagi og niðurstöður skoðana-
könnunar sem Hugarfar stóð fyrir verða kynntar.
Stjórnin
Félag fólks með heilaskaða
og aðstandenda þess
500,-
1.000,-
ÚTSÖLU
MARKAÐURINN
VERÐIÐ Í ALGJÖRU RUGLI!
AÐEINS TVÖ VERÐ!
LOKADAGAR!
VERÐHRUN
. VERÐHRUN
. VERÐHRUN
.
Hlíðasmári 14 - Kópavogur
Opið 12 - 18 alla daga