Fréttablaðið - 27.04.2010, Blaðsíða 42
26 27. apríl 2010 ÞRIÐJUDAGUR
FÓTBOLTI Í kvöld ræðst það hvort
þýska liðið Bayern München eða
franska liðið Lyon kemst í úrslit
Meistaradeildarinnar en liðin
mætast þá í seinni undanúrslita-
leik sínum á Stade Gerland í Lyon.
Bayern München vann fyrri leik-
inn 1-0 á heimavelli þrátt fyrir að
hafa misst Franck Ribery út af
með rautt spjald í fyrri hálfleik.
Hollendingurinn Arjen Robben
fékk skráð á sig sigurmarkið þegar
hann skaut í félaga sinn Thomas
Müller og í markið.
„Við vorum of varnarsinnað-
ir í fyrri leiknum og við verð-
um að breyta um taktík ef við
ætlum okkur áfram. Við verðum
að sækja meira,“ sagði Lisandro
Lopez, framherji Lyon, og þjálf-
arinn Claude Puel tók undir þetta.
„Við vorum með handbremsuna
á í München en við eigum enn þá
möguleika á að komast áfram,“
sagði Claude Puel.
„Við fórum til Real Madrid og
komumst áfram. Núna ætlum við
að gera það sama á okkar heima-
velli. Ég er hrifnastur af þessum
kringumstæðum því ég trúi því að
maður spili besta fótboltann þegar
liðið þarf að ná ákveðnum úrslit-
um. Ég er ekki of bjartsýnn en
við höfum möguleika á að komast
áfram ef við spilum okkar besta
leik,“ sagði Puel.
Franck Ribery og Danijel Pranj-
ic eru í banni hjá München auk
þess sem miðverðirnir Martin
Demichelis og Daniel van Buyten
fengu högg um helgina og miðju-
maðurinn Anatoliy Tymoshchuk
glímir við magavírus. Lyon-menn
fengu hins vegar leik sínum við
Mónakó frestað og mæta því fer-
skir til leiks.
„Við erum ekki þannig lið sem
mætir til leiks bara til að halda
hreinu. Liðið hefur aldrei spil-
að þannig undir minni stjórn og
byrjar ekki á því núna. Við erum
með marga meidda menn en það
verða samt ellefu sem byrja leik-
inn,“ sagði Louis van Gaal, þjálf-
ari Bayern.
„Þegar ég var þjálfari í Hollandi
og við þurftum að mæta þýsku liði
varaði ég alltaf mína menn við að
þeir þyrftu að spila leikinn allt
til enda. Okkar lið er byggt upp
á þýskum leikmönnum og mönn-
um sem hafa verið lengi í landinu.
Þetta lið býr því yfir sönnum þýsk-
um anda,“ sagði van Gaal. - óój
Þjálfari Lyon lofar meiri sóknarleik á móti Bayern í seinni undanúrslitaleik liðanna í Meistaradeildinni í kvöld:
Vorum með handbremsuna á í München
MIKILVÆGT MARK Hollendingurinn
Arjen Robben fagnar sigurmarkinu í
fyrri leiknum á móti Lyon ásamt Bastian
Schweinsteiger. MYND/AFP
> Júlíus í viðræðum við Val
Júlíus Jónasson hefur verið í viðræðum við að taka við
liði Vals undanfarna daga. Júlíus sagði við Vísi í gær að
viðræður ættu að klárast á allra næstu dögum. „Viðræð-
urnar hafa ekki staðið lengi yfir,“ sagði Júlíus en þetta
kom fram í dagsljósið sama dag og Valur lék úrslitaleik
við Akureyri um laust sæti í úrslitarimmu Íslandsmóts-
ins. Óskar Bjarni Óskarsson hefur gefið
út að hann hættir með liðið. Júlíus er
einnig þjálfari kvennalandsliðs Íslands.
Aðspurður hvort viðræðurnar snerust
um að finna lendingu í sínum málum
hjá HSÍ sagði Júlíus: „Þetta mál er allt
í algjörri skoðun.“
sport@frettabladid.is
KÖRFUBOLTI „Við vorum ekki að
tapa neinu,“ sagði Ingi Þór Stein-
þórsson, þjálfari Snæfells, eftir
að liðið beið lægri hlut á heima-
velli gegn Keflavík í gær 73-82.
„Við erum að fara í Keflavík á
fimmtudaginn til að vinna.“
Með sigri hefðu Snæfellingar
tryggt sér Íslandsmeistaratitil-
inn en heimavöllur þeirra hefur
ekki reynst þeim mjög happa-
drjúgur í úrslitakeppninni. Stað-
an í einvíginu er nú orðin jöfn 2-2
og því ljóst að bikarinn fer á loft
eftir oddaleik á fimmtudaginn í
Keflavík.
Fjárhúsið í Stykkishólmi var
orðið þétt setið um klukkutíma
fyrir leik og áhorfendum komið
fyrir á öllum mögulegum og
ómögulegum stöðum í salnum.
Stemningin var mikil.
Snæfell byrjaði betur, komst
strax í 10-2 og var með sjö stiga
forystu að loknum fyrsta fjórð-
ung. Þar voru þriggja stiga körfur
og vítaskot í aðalhlutverki. Sókn-
arleikur Keflvíkinga var hikst-
andi í upphafi og Nick Bradford
litlu að skila.
Gestirnir fundu betri takt
í öðrum leikhluta og komust í
fyrsta sinn yfir þegar fjórar mín-
útur voru liðnar af honum. Lyk-
ilmenn Snæfellsliðsins voru ekki
að finna sig og um tíma virtist
þeim illmögulegt að koma bolt-
anum ofan í körfuna.
Jeb Ivey hélt Snæfellingum
á floti á þessum kafla en tvær
þriggja stiga körfur Harðar Axels
Vilhjálmssonar fyrir Keflavík
rétt fyrir hálfleik gerði það að
verkum að þeir höfðu sex stiga
forystu þegar gengið var til bún-
ingsherbergja, staðan 34-40.
Þriðji leikhluti einkenndist af
mikilli hörku og fengu tveir Snæ-
fellingar að finna vel fyrir Herði
Axel sem blóðgaði bæði Sigurð
Þorvaldsson og Emil Þór Jóhanns-
son. Þurftu báðir aðhlynningu og
sárabindi um höfuðið. Baráttan
var allsráðandi og fékk Hörð-
ur sína fjórðu villu fyrir síðasta
fjórðunginn.
Keflvíkingar náðu mest ellefu
stiga forystu snemma í leikhlut-
anum en heimamenn voru ekki
dauðir úr öllum æðum og þar fóru
fremstir í flokki Hlynur Bærings-
son ásamt Ivey. Staðan var 57-60
fyrir síðasta fjórðunginn.
Gestirnir náðu svo níu stiga
forystu 61-70 en þá hitti Jón Ólaf-
ur Jónsson niður mögnuðum
þristi og kveikti í Snæfellingum
á ný. Ivey bætti öðrum þristi við
í kjölfarið og munurinn orðinn
aðeins þrjú stig en lengra komust
heimamenn ekki. Keflavík var
með frumkvæðið og lét það ekki
af hendi, vann níu stiga sigur.
„Harkan var mikil í þessum
leik og stundum var þetta aðeins
of mikið af því góða,“ sagði Ingi
Þór. „Þrátt fyrir að hafa spilað
fína vörn í byrjun þá náðum við
ekki að skilja þá eftir og fyrir
vikið komust þeir á bragðið. Þeir
fengu hærri framlög frá fleirum
í sínu liði og nú er bara að snúa
bökum saman.“
elvargeir@frettabladid.is
Keflvíkingar börðu fram oddaleik
Það var mikil harka í fjórða leik Snæfells og Keflavíkur sem fram fór í Stykkishólmi í gær. Heimamenn
gátu með sigri tryggt sér Íslandsmeistaratitilinn en gestirnir mættu baráttuglaðir til leiks.
ANNAÐ ÁRIÐ Í RÖÐ Nick Bradford er
kominn í oddaleik um titilinn annað
árið í röð. FRÉTTABLAÐIÐ/DANÍEL
ÞAKKAÐ FYRIR STUÐNINGINN Leikmenn Keflavíkur þakka hér áhorfendum sínum fyrir stuðninginn í Hólminum í gær en Keflavík
tryggði sér þar hreinan úrslitaleik um titilinn á heimavelli sínum í Keflavík. FRÉTTABLAÐIÐ/DANÍEL
KÖRFUBOLTI Það var mikið undir
í leiknum í Hólminum í gær og
hvorugt liðið gaf þumlung eftir.
Þrír leikmenn fengu slæm högg
í leiknum í Hólminum í gær
þannig að fossblæddi úr þeim
öllum.
Keflvíkingurinn Jón Norðdal
Hafsteinsson meiddist fyrst um
miðjan annan leikhluta eftir að
hafa fengið högg í baráttu um
frákast við Hlyn Bæringsson. Jón
Norðdal yfirgaf húsið en sneri
aftur eftir að seinni hálfleikurinn
var byrjaður.
Tveir Snæfellingar meiddust
síðan með stuttu millibili eftir
samskipti við Keflvíkinginn Hörð
Axel Vilhjálmsson í þriðja leik-
hluta, fyrst Sigurður Þorvalds-
son og svo Emil Þór Jóhanns-
son. Báðir fengu skurð í kringum
auga og um dágóða stund sátu
þeir hlið við hlið fyrir aftan Snæ-
fellsbekkinn á meðan gert var
að sárum þeirra. Sigurður kom
aftur inn í leikinn en bæði Jón
Norðdal og Emil höfðu lokið leik
eftir þessi högg. - óój
Hart barist í Hólminum:
Fossblæddi úr
þremur í gær
BORINN ÚT AF Jón Norðdal Hafsteinsson
var einn af þeim sem fékk slæmt högg í
gær. FRÉTTABLAÐIÐ/DANÍEL
FÓTBOLTI Landsliðsmarkvörður-
inn Þóra Björg Helgadóttir hefur
byrjað ferilinn vel með LdB FC
Malmö í sænsku úrvalsdeildinni
í fótbolta.
Þóra hélt marki sínu hreinu í
þriðja sinn í fjórum leikjum um
helgina og LdB FC Malmö er nú
eitt í efsta sæti deildarinnar með
fullt hús stiga. LdB FC Malmö
hefur þriggja stiga forskot á Jitex
BK og markatala liðsins er 12-
1. Eina markið sem Þóra hefur
fengið á sig var í 6-1 sigri á móti
Jitex BK í annarri umferð en
hún hefur síðan haldið markinu
hreinu í 257 mínútur.
Það er ekki eins og það hafi
ekkert verið að gera hjá Þóru í
leikjunum því hún
hefur varið 24
skot í þessum fjór-
um leikjum eða 96
prósent þeirra
skota sem
hafa komið á
hana. - óój
Byrjun Þóru í Svíþjóð:
Með 96 prósent
markvörslu
EITT MARK
Á SIG Þóra
Björg Helga-
dóttir spilar vel.
FRÉTTABLAÐIÐ/ANTON
„Það kom ekkert annað til greina en að vinna,“ sagði Sverrir Sverris-
son, leikmaður Keflavíkur, eftir sigurinn í Hólminum. „Við erum búnir
að vera skelfilegir og vorum komnir með bakið upp við vegg. Við
þurftum að sýna að það er karakter í okkur og að við erum alvöru
keppnismenn.“
Það var mjög hart barist í leiknum í gær. „Þetta eru hörð
lið, það eru naglar í báðum liðum og þannig er þetta bara
gaman. Menn voru grimmir og við vorum að taka slatta af
lausum boltum. Vörnin var góð og hún ásamt grimmdinni
skilaði þessum sigri. Sóknin var líka þokkaleg en hún
kemur með ef hinir tveir þættirnir eru til staðar,“ sagði
Sverrir. „Við vitum alveg hvað við þurfum að gera gegn
Snæfelli. Þetta er sálrænt, þetta er ekki spurningin um
að tala um hlutina heldur framkvæma þá.“
Snæfellingar hefðu tryggt sér Íslandsmeistaratitilinn
með sigri en nú er ljóst að á fimmtudagskvöld verður
alvöru oddaleikur í Keflavík. „Við komum ekki hingað
til að taka þátt í sigurhátíð sem þeir voru búnir að plana. Við
sáum til þess að það þurfti að fresta henni. Það er frábært að
komast í oddaleik og verður gaman að taka þátt í honum.“
Sverrir býst við rosalegum leik á fimmtudag. „Þetta eru
svaðaleg stuðningslið sem bæði lið eiga og þetta verður líf og
fjör,“ sagði Sverrir.
Guðjón Skúlason, þjálfari Keflvíkinga, var virkilega
ánægður með varnarleik síns liðs. „Menn voru mjög
einbeittir á það sem við þurftum að laga. Við héldum
forystunni frá miðjum öðrum leikhluta. Stóru strákarnir
stóðu sig vel og dreifingin í liðinu var mjög góð. Það
er ekki einn leikmaður sem vinnur svona leiki held-
ur lið,“ sagði Guðjón.
„Við verðum ánægðir í kvöld en svo förum
við að spá í hvað við þurfum að gera til að
taka dolluna á fimmtudaginn. Það verður bara
gaman.“
KEFLVÍKINGURINN SVERRIR ÞÓR SVERRISSON: ÁTTI FRÁBÆRA INNKOMU AF BEKKNUM Í GÆR
Komum ekki til að taka þátt í sigurhátíð hjá þeim