Fréttablaðið - 27.04.2010, Blaðsíða 10

10 27. apríl 2010 ÞRIÐJUDAGUR
LÖGREGLAN Á SUÐURNESJUM Rannsókn lögreglunnar á þjófnaði á verkfærakistu
leiddi til þess að hún komst á spor manna sem svipt höfðu mann í Reykjanesbæ
frelsinu, haldið honum nauðugum og þvingað hann til að stela kistunni vegna
fíkniefnaskuldar.
LÖGREGLUMÁL Einn þeirra manna
sem grunaðir eru um að hafa
numið karlmann á brott frá heim-
ili sínu í Reykjanesbæ, haldið
honum nauðugum yfir nótt, hótað
honum og meitt, hefur að minnsta
kosti þrisvar hlotið dóma fyrir lík-
amsárásir. Hinir sem taldir eru
eiga aðild að þessu alvarlega máli
eru allir þekktir brotamenn bæði
í fíkniefna,- ofbeldis- og auðgun-
arbrotum. Mennirnir eru allir á
þrítugsaldri, bæði fórnarlambið
og gerendur.
Lögreglan á Suðurnesjum rann-
sakar nú málið sem varðar ætlaða
frelsissviptingu mannsins, lík-
amsmeiðingar, hótanir og þjófn-
aði. Rannsókn þess hófst 9. apríl.
Þá var lögregla kvödd á vettvang
vegna þjófnaðar á verkfærakistu
sem eigandinn hafði lagt frá sér
á bílastæði við leikskóla í Reykja-
nesbæ. Það sást til þjófanna og
bifreiðar þeirra og tókst lögreglu
að finna bifreiðina skömmu síðar
ásamt þýfinu.
Við rannsókn málsins komu
fram upplýsingar um að maður
hefði verið numinn á brott með
valdi frá heimili sínu nóttina
áður, haldið nauðugum í heima-
húsi eins ofbeldismannanna og
sætt þar hótunum, ýmsum lík-
amsmeiðingum og pyntingum af
hálfu fimm manna. Manninum
var haldið nauðugum fram eftir
degi og mun meðal annars hafa
verið þvingaður til að stela verk-
færakistunni.
Ástæða verknaðarins mun hafa
verið innheimta á fíkniefnaskuld,
sem nam fáeinum tugum þúsunda
króna samkvæmt upplýsingum
Fréttablaðsins. Fórnarlambið
mun ekki hafa hlotið alvarlega
áverka af völdum mannanna, en
lögreglan lítur frelsissviptinguna
og nauðungarvist mannsins mjög
alvarlegum augum.
Sex menn voru handteknir
vegna rannsóknar málsins og
húsleitir gerðar á nokkrum stöð-
um. Við húsleitirnar fannst meðal
annars ætlað þýfi. Þrír mannanna
voru úrskurðaðir í gæsluvarðhald
til 16. apríl, en þremur var sleppt
að loknum yfirheyrslum. Gæslu-
varðhald var síðan framlengt um
viku yfir einum mannanna, en sá
sem hlotið hefur líkamsárásar-
dómana, Ólafur Darri, er kominn
í afplánun á tólf mánaða refsingu
sem hann var dæmdur til í lok
febrúar síðastliðinn. Þá var hann
dæmdur fyrir að ráðast inn til
karlmanns og kýla hann ítrekað í
andlit og líkama með mótorhjóla-
hanska með harðri brynju.
jss@frettabladid.is
Þekktir brota-
menn sviptu
mann frelsi
Þekktir brotamenn eru grunaðir um að hafa svipt
karlmann á þrítugsaldri frelsinu í Reykjanesbæ fyrr
í mánuðinum og haldið honum nauðugum klukku-
stundum saman. Voru að innheimta fíkniefnaskuld.
VIÐSKIPTI Íslenska hugbúnaðar-
fyrirtækið Betware skilaði 181
milljónar króna hagnaði eftir
skatta á síðasta ári.
Þetta kom fram á aðalfundi
félagsins, sem er með höfuð-
stöðvar í Kópavogi og skrifstof-
ur í Danmörku, Kanada, á Spáni
og í Póllandi.
Í tilkynningu segir að tekjur
félagsins hafi numið 1.230 millj-
ónum króna og aukist um meira
en 50 prósent frá fyrra ári.
Betware er frumkvöðull í
þróun og framleiðslu á hugbún-
aði og netlausnum fyrir innlend
og erlend ríkislottó og getraunir
og á rætur í fyrirtækinu Marg-
miðlun.
Starfsmenn fyrirtækisins eru
um 100 talsins, þar af um 60 hér-
lendis.
Íslenska fyrirtækið Betware:
Skilar 181 millj-
ónar hagnaði
BANDARÍKIN Talið er að um 160 þúsund lítrar
af olíu leki í hafið á degi hverjum frá olíu-
borpallinum sem sökk til botns á Mexíkó-
flóa í síðustu viku. Til að reyna að draga úr
umhverfisspjöllum vegna olíunnar hafa vél-
menni verið send á dýpið og eiga að gangsetja
búnað sem gæti stöðvað lekann. Borpallurinn
var í eigu breska olíufélagsins, BP, og lögðu
talsmenn hans áherslu á að aðgerðin væri svo
flókin að ekki væri víst að hún tækist. Leif-
arnar af pallinum eru á rúmlega 1.500 metra
dýpi.
Óttast er að nái olían til bandarískr-
ar strandar verði meiri háttar umhverfis-
slys. Borpallurinn var einungis 112 kíló-
metra undan Bandaríkjaströnd en í innan
við 50 kílómetra fjarlægð er eyjaklasi sem
er áfangastaður farfugla. Sérfræðingar ótt-
ast mjög áhrifin sem olían gæti haft á lífríki
stranda, eyja og votlendis berist hún að landi.
Vindar hafa verið hagstæðir til þessa og olíu-
straumurinn legið frá landi.
Nú þegar hefur olíubrákin breitt sig yfir
svæði sem eru 1.550 ferkílómetrar að stærð.
Alls 30 skip eru á vettvangi og vinna að
hreinsun hennar.
Stefnt er að því að loka olíulindinni sem
borpallurinn var yfir, en það getur tekið frá
nokkrum tímum til margra mánaða. Borpall-
urinn var 121 metra langur og 78 metra breið-
ur. Ellefu manns úr áhöfn hans er enn saknað.
- sbt
160 þúsund lítrar leka í hafið á degi hverjum frá olíuborpallinum sem sökk:
Vélmenni stöðvi gríðarlegan olíuleka
OLÍUBRÁKIN Nær nú þegar yfir 1.550 ferkílómetra.
NORDICPHOTOS/AFP
LÚXEMBORG, AP Auka þarf sam-
vinnu Evrópusambandsins
(ESB) og Atlantshafsbandalags-
ins (NATO) við þjálfun lögreglu
í Afganistan. Þetta segir Anders
Fogh Rasmussen, framkvæmda-
stjóri NATO. Hann ávarpaði fund
27 utanríkis- og varnarmálaráð-
herra ESB í gær.
Eftir fundinn sagði Fogh Rasm-
ussen að tillagan hefði fengið
„jákvæðar undirtektir. Engum
andmælum var hreyft“.
Rasmussen lagði til verkaskipt-
ingu þar sem ESB annaðist upp-
byggingu og þjálfun lögreglu-
liðs Afganistan. Núna reka bæði
ESB og NATO samhliða áætlan-
ir í málaflokknum sem báðar líða
fyrir skort á leiðbeinendum. Að
sögn Rasmussens þyrfti NATO eitt
að ráða 450 leiðbeinendur í viðbót.
- óká
Aukið samstarf í Afganistan:
Evrópusamband sjái
um þjálfun lögreglu
ANDERS FOGH RASMUSSEN Fram-
kvæmdastjóri NATO vill auka samstarf
við Evrópusambandið.
Hópur fólks hefur ákveðið að efna til
framboðs í Reykjavík, í borgarstjórnar-
kosningunum 29. maí næstkomandi,
undir nafninu Reykjavíkurframboðið.
Innan fjórflokksins svokallaða er vonlaust
að vinna að mörgum helstu verkefnum í
borginni með hagsmuni Reykvíkinga að
leiðarljósi. Augljósasta dæmið er flugvöll-
urinn, sem Reykvíkingar kusu burt úr
Vatnsmýri. Ekki er möguleiki fyrir forystu-
fólk flokkanna að framkvæma vilja borgar-
búa því hagsmunir þeirra á landsvísu eru
öndverðir borgarhagsmunum. Það sama má
segja um mörg önnur mál: Tekjur af umferð í
Reykjavík renna að mestum hluta í vega-
framkvæmdir utan borgarinnar. Sundabraut
er dottin út af áætlun, Skerjabraut er ekki á
blaði og nú skal reisa flugstöð í Reykjavík við
flugvöllinn, sem við kusum burt fyrir 9 árum.
Það hefur verið Reykvíkingum dýrt að geta
ekki nýtt sitt besta og verðmætasta bygg-
ingarland öll þessi ár.
Við vonumst til að sem flestir mæti til að
kynna sér stefnu framboðsins og taka þátt í
að móta framtíðina, stefnuna og framboðs-
listann.
Dagskrá:
Ástæður fyrir óháðu framboði í borginni
Friðrik Hansen Guðmundsson
Kostir þéttrar byggðar
Örn Sigurðsson
Auðæfin í Vatnsmýri
Baldvin Jónsson

Fyrirspurnir og umræður að loknum
stuttum framsöguerindum.

Fundarstjóri: Páll Ásgeir Davíðsson
lögfræðingur.
Reykjavíkur-
framboðið
– óháð framboð um hagsmuni Reykvíkinga
Reykjavíkurframboðið heldur framhaldsstofnfund í kvöld, 27. apríl,
kl. 20.00 í Iðnó, 2. hæð.
Mætum og höfum áhrif á framtíðina!
Undirbúningshópur um Reykjavíkurframboðið
Í JEMEN Sérfræðingar lögreglu í Jemen
rannsaka vettvang þar sem sjálfs-
morðssprengjuárás var gerð á bílalest
breska sendiherrans í gær. Sendi-
herrann slapp naumlega, en að sögn
lögreglu meiddust tveir vegfarendur.
NORDICPHOTOS/AFP