Fréttablaðið - 27.04.2010, Blaðsíða 16

16 27. apríl 2010 ÞRIÐJUDAGUR
Baráttan fyrir fullri atvinnu er hornsteinn jafnaðarstefnunn-
ar og forgangsmál við núverandi
aðstæður. Öflugt og fjölbreytt
atvinnulíf er alls staðar undir-
staða velferðar og því lítur Sam-
fylkingin á það sem eitt mikil-
vægasta hlutverk borgarinnar að
efla og styrkja atvinnulífið í borg-
inni. Avinnuleysi er þjóðarböl og
hvert prósentustig í atvinnuleysi
kostar borgarsjóð milljarð króna
á ári.
Alla síðustu öld var Reykja-
vík aflvél í efnahags- og atvinnu-
lífi landsins. Þrátt fyrir mesta
atvinnuleysi í sögu borgarinn-
ar er engu síður rekin afskipta-
leysisstefna í atvinnumálum í
Ráðhúsinu. Þar er þess beðið að
markaðurinn leysi úr málum.
Samfylkingin vill þvert á móti
að Reykjavíkurborg verði miklu
virkari í atvinnumálum, beiti
afli sínu og leiti allra leiða í víð-
tæku samstarfi til að Reykjavík
og Ísland komist sem fyrst út úr
kreppunni.
Nýsköpun og sóknarfæri
Samfylkingin vill styðja við
nýsköpunarsetur, sprota-hótel
og/eða listasmiðjur. Í því skyni
verði kortlagt hvaða tækifæri
geti falist í auðu og óseldu hús-
næði og hvernig tryggja megi
notkun þess í þágu atvinnulífs-
ins og hverfanna.
Einfalda þarf leyfisveitingar og
umsóknarferli fyrir þá sem vilja
stofna til reksturs í Reykjavíkur-
borg. Þeim standi jafnframt til
boða leiðsögn og aðstoð við öflun
nauðsynlegra leyfa til reksturs
sér að kostnaðarlausu. Í þessu
skyni vill Samfylkingin endur-
reisa þróunar- og nýsköpunarfé-
lag Reykjavíkurborgar í atvinnu-
málum. Meðal nýrra áherslusviða
verði verkefni á sviði þekkingar-
iðnaðar, kvikmyndagerðar og
annarra skapandi greina.
Höfuðborgarstofa, viðburða-
og markaðsskrifstofa Reykja-
víkurborgar í ferðaþjónustu
verði opnuð fyrir aðkomu, fjár-
magni og nánara samstarfi við
ferðaþjónustufyrirtæki í Reykja-
vík. Sérstaklega verði kannaður
grundvöllur til að fjölga viðburð-
um sem styðja við markaðssetn-
ingu Reykjavíkur gagnvart ferða-
mönnum utan háannatíma.
Kannaðir verði möguleikar á
eflingu alþjóðlegrar kvikmynda-
hátíðar og aðkomu Reykjavíkur-
borgar að samstarfi um rekstur
kvikmyndahúss í miðborginni
sem myndi helga sig sögu og sýn-
ingum á íslenskum kvikmyndum.
Kanna fýsileika og sóknarfæri
fyrir úthlutun lóðar fyrir alhliða
kvikmyndaver í borgarlandinu.
Samfylkingin vill einnig að
stutt verði við uppbyggingu þekk-
ingar- og heilbrigðistengdra fyr-
irtækja með samstarfi um beina
markaðssetningu á háskóla-
svæðum í Vatnsmýri í samvinnu
við Háskóla Íslands, Háskólann
í Reykjavík og Landspítalann.
Reykjavíkurborg greiði fyrir
skipulagi stúdentaíbúða og ann-
arra innviða sem stuðla að sömu
markmiðum.
Viðhald og verklegar
framkvæmdir
Samfylkingin telur skynsamlegt
að taka lán til að halda uppi fram-
kvæmdastigi í kreppunni í stað
þess að skera framkvæmdir niður
um 70% næstu þrjú ár eins og nú
er ráðgert. Borgarsjóður ræður
við þessar lántökur, hægt er að
fá hagstæð tilboð og forða þannig
algeru hruni í framkvæmda- og
byggingariðnaði.
Sérstaka áherslu á að leggja á
viðhaldsverkefni. Viðhald skap-
ar flest störf og lækkar rekstr-
arkostnað. Samfylkingin vill
tvöfalda viðhald á fasteignum
borgarinnar árin 2011-2012 með
því að flýta brýnum viðhaldsverk-
efnum sem annars hefðu komið til
framkvæmda 2013-2015. Þannig
skapast störf þegar mest þarf á
þeim að halda.
Samfylkingin vill jafnframt
setja fram heildstæða áætlun
fyrir endurnýjun eldri hverfa
að evrópskri fyrirmynd. Í stað
þess að hverfin drabbist niður í
kreppunni verði efnt til tímabærs
viðhalds og endunýjunar á húsum
og opinberum byggingum.
Vaxtarsamningur fyrir Reykjavík
Til að standa undir velferð og
lífskjörum þarf að tryggja 3,5%
meðalhagvöxt í Reykjavík næsta
kjörtímabil. Til þess þarf marg-
þættar aðgerðir sem ekki eru
allar á færi Reykjavíkur heldur
þarf að ná um þær víðtækri sam-
stöðu og samstarfi. Þessi tölulegu
markmið eiga að vera markmið
vaxtarsamnings Reykjavíkur,
ríkisstjórnar, verkalýðshreyfing-
ar, fyrirtækja, stuðningsstofnana
atvinnulífsins og annarra sam-
taka í atvinnulífi. Meginmark-
mið hans yrðu að styrkja sam-
keppnishæfni fyrirtækja í virkri
alþjóðlegri samkeppni, auka
veltu, verðmætasköpun, útflutn-
ingstekjur og skapa þannig grunn
fyrir umtalsverða fjölgun starfa
á næstu misserum.
Fyrsta verk Samfylkingarinn-
ar við stjórn borgarinnar verð-
ur að skilgreina stöðu, styrk-
leika og sóknarfæri atvinnulífs
Reykjavíkurborgar til skamms
og langs tíma. Samfylkingin
flutti tillögu sama efnis þremur
vikum eftir hrun en hún hefur
verið í frestun af hálfu meiri-
hlutans í Ráðhúsinu allar götur
síðan. Meðal áherslusviða verk-
efnisins og sóknarfæra sem horft
verður til verði: Ferðamanna-
borgin Reykjavík, hafnarborgin,
heilsuborgin, kvikmyndaborgin,
orkuborgin og þekkingarborgin
Reykjavík. Tækifærin liggja víða
ef stefnan er framsýn og verkin
látin tala.
Fjölmargar fleiri tillögur og
áherslur í atvinnumálum eru í
atvinnustefnu Samfylkingarinn-
ar og kosningastefnuskrá vegna
komandi borgarstjórnarkosn-
inga. Atvinnumálin eru úrslita-
mál í þróun efnahags- og lífsgæða
í borginni á næstu árum og því
mikilvægt að borgarbúar kynni
sér stefnu og tillögur flokkanna í
þessum málaflokki.
Atvinnumálin eru úrslitamál í þró-
un efnahags- og lífsgæða í borginni
á næstu árum og því mikilvægt að
borgarbúar kynni sér stefnu flokkanna
í þessum málaflokki.
Efnahagsleg velsæld þjóða ræðst ávallt af því hvernig þær skipu-
leggja þjóðarbúskap sinn. Þær
þjóðir sem mestum árangri hafa
náð hafa komið sér upp stofnunum
sem styðja með ýmsum hætti við
frjálsan markaðsbúskap. Þær eiga
það jafnframt sammerkt að öflug-
ur hlutabréfamarkaður styður við
hagkerfi þeirra; ein grunnstofn-
ana heilbrigðs markaðsbúskapar
sem knýr hagvöxt. Ásýnd öflug-
ustu hagkerfa heims væri eflaust
önnur ef hlutabréfamarkaðar nyti
ekki við. Þetta er brýnt að hafa í
huga við endurreisn íslensks efna-
hags.
Efniviðurinn er góður
Nokkur af okkar betri fyrirtækj-
um eru nú í fangi bankanna. Mörg
þeirra eru í góðum rekstri, þó að
sum hver hafi verið skuldsett um
of. Í öðrum tilfellum er efnahag-
urinn góður en bankarnir eignast
fyrirtækin sökum þess að móður-
félög þeirra eru illa haldin. Hlut-
verk banka er að vera stuðning-
ur við öll fyrirtæki í rekstri, þeir
eru því ekki heppilegir eignarað-
ilar einstakra fyrirtækja. Sjónar-
mið samkeppni og gagnsæis verða
að vera í forgangi þegar kemur
að heilbrigðum markaðsbúskap.
Hætt er við að núverandi skipu-
lag geti orðið dragbítur á hagvöxt.
Því er brýnt að koma fyrirtækjum
sem fyrst í eðlilegan rekstur á ný
undir stjórn nýrra eigenda, fram-
tíðareigenda.
Hlutabréfamarkaðurinn getur
leikið lykilhlutverk í þessu ferli
með skráningu fyrirtækja á mark-
að. Það bæði flýtir fyrir nauð-
synlegum umskiptum og gefur
almenningi tækifæri á því að njóta
ávinnings af uppsveiflu í íslensku
efnahagslífi.
Hugarfarið
Því er rétt að hafa í huga að við
blasa mörg tækifæri sem við
megum ekki láta tímabundna erf-
iðleika byrgja okkur sýn á. Sem
þjóð höfum við tapað að nokkru því
sjálfstrausti sem áður einkenndi
okkur. Þótt ýmislegt hafi misfar-
ist síðustu 10-15 ár hefur margt
verið rétt gert. Samkeppnisstaða
atvinnuveganna hefur sjaldan ef
nokkru sinni verið betri en nú.
Menntunarstig þjóðarinnar hefur
stóraukist og er óvíða hærra. Sókn
í hreina íslenska orku hefur aukist
og erlendir aðilar vilja, þrátt fyrir
allt, fjárfesta hér á landi. Innvið-
ir og tæknileg þekking eru fyrir
hendi.
Úrlausn Icesave og afnám gjald-
eyrishafta eru vissulega brýn
úrlausnarefni en koma ekki í veg
fyrir að unnið sé af fullum krafti
á heimavelli.
Framtíð íslenskrar kauphallar
Hvaða forsendur höfum við til að
byggja upp öflugan hlutabréfa-
markað hér á landi? Í fyrsta lagi
er virkur hlutabréfamarkaður
ein af grunnforsendum þess að
við komum okkur í fremstu röð á
nýjan leik. En einnig má benda á:
■ Kauphöllin er hluti af NAS-
DAQ OMX, stærstu kaup-
hallarsamstæðu í heimi. Hún
starfar eftir samevrópskum
lögum og reglum um kaup-
hallir. Viðskiptaumgjörð er í
fremstu röð
■ Viðskiptalífið hefur sett sér
nýjar og ítarlegar leiðbeining-
ar um stjórnarhætti
■ Fjárfestar munu veita fyrir-
tækjunum meira aðhald en
áður. Hægt er að rökstyðja
að fjárfestar, þar með talið
stofnanafjárfestar, hafi ekki
nýtt sér að fullu fyrir hrun þá
vernd sem felst í skráningu
verðbréfa. Þau mistök verða
tæplega endurtekin
■ Með áformuðum lögum um
fjármálafyrirtæki, hlutafélög
o.fl. eru leikreglur hertar og
vernd minni hluthafa aukin
■ Nóg af góðum fyrirtækjum
sem eru tilbúin á markað
■ Mikið ónotað innlent fjármagn
er fyrir hendi og mikil eftir-
spurn eftir fjárfestingartæki-
færum
■ Almenningi verður gefinn
kostur á að taka þátt í upp-
sveiflunni í íslensku efnahags-
lífi
■ Skipulag banka er með öðrum
hætti en fyrir hrun. Með sölu
fyrirtækja í þeirra eigu rofna
þau óæskilegu tengsl milli
banka og viðskiptalífs sem
voru viðvarandi fyrir hrun og
voru e.t.v. áhrifamesti þáttur-
inn í hruninu.
Einnig verður ekki litið hjá því
að skoða hvernig aðrir valkost-
ir líta út í samanburði við end-
urreisn hlutabréfamarkaðar. Er
líklegt að áframhaldandi eign-
arhald banka á fyrirtækjum og
sala til valdra fjárfesta stuðli að
heilbrigðara viðskipta- og fjár-
festingarumhverfi en skráning
á markað? Hér er umgjörð verð-
bréfamarkaðar í fremstu röð og
fjárfestar geta nýtt hana og rétt
sinn til upplýsinga og ákvörðun-
artöku. Hví skyldum við ekki feta
braut gagnsæis og trausts þegar
hún stendur til boða?
Sveltur sitjandi kráka en fljúgandi fær
Hlutabréfamarkaður
Þórður
Friðjónsson
forstjóri Kauphallarinnar
Atvinnumál í
Reykjavík og aðgerð-
ir gegn atvinnuleysi
Atvinnumál
Dagur B.
Eggertsson
oddviti Samfylking-
arinnar í borgarstjórn
HugurAx býður t i l
morgunverðarfundar
um stjórnendalausnir

28. apríl kl. 8:15 - 10:00 í Golfskálanum Grafarholti
Nú sem aldrei fyrr vilja fyrirtæki hafa greiðan aðgang að upplýsingum úr
rekstrinum. Á það ekki hvað síst við um hvers kyns upplýsingar sem
tengjast vörustjórnun, s.s. birgðastöðu, þróun veltuhraða birgða og
endingar tíma. Kynntu þér hvernig viðskiptavinir HugarAx nýta sér verkfæri
stjórnendalausna í sínum rekstri.
Dagskrá
8:15 - 8:45
Morgunverður að hætti hússins

8:45 - 9:00
Inngangur - Microsoft Stjórnendalausnir HugarAx
Gunnar Ingimundarson - framkvæmdastjóri HugarAx

9:00 - 9:25
Hentar Microsoft BI stjórnendalausn HugarAx stórfyrirtækjum?
Kristján Elvar Guðlaugsson - framkvæmdastjóri fjármálasviðs Ölgerðarinnar

9:25 - 9:45
Ávinningur Fríhafnarinnar af stjórnendalausn HugarAx
Hlynur Sigurðsson - framkvæmdastjóri Fríhafnarinnar

9:45 - 10:00
Spurningar og fundarlok
Skráning er með tölvupósti edda@hugurax.is eða í síma 545 1000