Fréttablaðið - 05.05.2010, Page 21

Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
VeStfirðir í máli og myndum verða
til umfjöllunar á námskeiði á vegum �ndur�
menntunar �ásk�la �slands sem �efst mánu�
daginn 10. maí næstkomandi. Nánar á end�
urmenntun.�i.is.
„Ég dvaldi í litlum háskólabæ sem
heitir Hannover í New Hampshire
en mágkona mín býr þar. Við heim-
sóttum þau yfir hrekkjavöku og
það var rosalega skemmtileg upp-
lifun,“ segir Dagmar Heiða, hjúkr-
unarfræðingur og annar eigandi
Fullfrísk líkamsræktar.
Fjölskyldan klæddi sig öll í bún-
inga, skar út grasker og gekk í hús,
en Dagmar á tvö börn, fimm ára
son og tveggja ára dóttur. „Ég var
norn, maðurinn minn Dexter með
blóðsletturnar úti um allt, sonur
minn Bósi ljósár og sú yngsta,
sem þótti þetta ekki síst skemmti-
legt, var grasker,“ segir Dagmar
en hrekkjavökudagurinn byrjar á
því að húsið er skreytt í hrekkja-
vökustíl.
„Sum húsin í hverfinu voru
eins og í leikhúsi. Ein fjölskyld-
an í nágrenninu var til dæmis
búin að útbúa húsið þannig að það
leit út eins og kirkjugarður og
lét klessa bíl á tré og setti reyk-
vél inn í bílinn til að skapa sem
raunverulegasta stemningu. Við
mágkona mín skárum út grasker
og þeim var raðað út og kerti sett
í. Fræin voru svo sett inn í ofn,
með salti og olíu, sem var meiri
háttar gott.“
Seinnipartinn er gengið í hús
í nánasta umhverfi og ef fólk er
ekki heima til að svara og gefa
sælgæti eru körfur úti á palli með
sælgæti. „Það var meiri háttar
gaman að prófa að ganga í hús og
sum heimilin voru búin að kaupa
heilu kassana af nammi. Þannig
voru margir sem biðu spenntir
eftir því að fá krakkana í heim-
sókn í búningunum og vel tekið á
móti okkur alls staðar.“
Um kvöldið hittist fólk og borð-
aði saman pitsur en þónokkrir
Íslendingar búa í bænum. „Þetta
var æðisleg ferð í það heila, við
höfum komið þarna saman áður
fyrir nokkrum árum en maðurinn
minn bjó þarna þegar hann var
lítill og bærinn er virkilega vina-
legur og skemmtilegur. Hrekkja-
vakan sjálf kom manni líka mikið
á óvart og miklu skemmtilegri
en öskudagur, þar sem fullorðna
fólkið tekur líka svo virkan þátt í
hátíðahöldunum.“
juliam@frettabladid.is
Skar út grasker og gekk
í hús með fjölskyldunni
Dagmar Heiða reynisdóttir upplifði hvernig alvöru amerísk hrekkjavaka gengur fyrir sig en hún tók full-
an þátt í deginum með eiginmanni og börnum þegar hún dvaldi hjá skyldfólki í Bandaríkjunum.
Dagmar Heiða Reynisdóttir segir hrekkjavöku vera skemmtilega fyrir þær sakir að fullorðna fólkið tekur ekki síður þátt en börnin,
bæði með því að skreyta heimilin og ganga í hús. Hér er Dagmar á vinnustaðnum. FRÉTTABLAÐIÐ/GVA
UPPLÝSINGAR O