Fréttablaðið - 17.05.2010, Blaðsíða 21

FASTEIGNIR.IS
17. MAÍ 201020. TBL.
Heimili fasteignasala hefur til sölu mikið endur-
nýjað 190 fermetra endaraðhús að Látraströnd
28 á Seltjarnarnesi.
H úsið er á þremur pöllum en komið er inn á neðsta pallinn. Þar er anddyri með flísum og stórum fataskáp. Gestasnyrting er flísalögð í
hólf og gólf með skáp og innréttingu. Hol/gangur með
parketi. Tvö barnaherbergi með parketi eru á pallin-
um. Gengið er út á lóðina úr öðru herbergi. Þvottahús
er með flísum á gólfi, innréttingu og þar má einnig
ganga út á lóðina. Miðpallurinn er opin stofa með mik-
illi lofthæð, parketi á gólfi og útgangi á lóðina. Falleg-
ur arinn er í stofunni.
Komið er upp á efsta pallinn úr stofunni. Þar er
rúmgóð parketlögð borðstofa. Eldhús með flísum og
fallegri innréttingu, hvít og úr eik. Sólskáli tengir á
skemmtilegan hátt saman borðstofuna og eldhúsið. Á
svefnherbergisgangi er hjónaherbergi með parketi,
tvö herbergi með parketi og skápum, stórt baðherbergi
flísalagt í hólf og gólf, sturta og stórt nuddbaðkar.
Húsið hefur verið mikið endurnýjað síðastliðin ár.
Að sögn eiganda var húsið klætt að utan fyrir um 5
árum og frárennsli endurnýjað. Rafmagnstafla er ný
og rafmagn yfirfarið og endurnýjað að mestu. Innfelld
lýsing er í hluta hússins. Fyrir 2-3 árum voru nánast
öll gólfefni, innréttingar, innihurðir, baðherbergi o.fl.
endurnýjað. Ágætt útsýni.
Sölusýning verður haldin í dag klukkan 16:30.
Mikið endurnýjað enda-
raðhús á þremur pöllum
Fallegur arinn er í stofunni.
Húsið er mikið endurnýjað bæði að innan og utan.