Fréttablaðið - 09.06.2010, Blaðsíða 43
MIÐVIKUDAGUR 9. júní 2010 27
Það er800 7000 • siminn.is
Facebook, YouTube, Google, tölvupóstur og
fréttamiðlarnir fylgja þér á ferðalaginu á
stærsta 3G dreifikerfi landsins.
Stuð á 3G netinu
í símanum á ferð
um landið
550 5600
Hringdu ef blaðið berst ekki
- mest lesið
HANDBOLTI Úrslitin í Laugardals-
höll í gær ættu ekki að vekja mikla
undrun enda vill jafntefli oft vera
niðurstaðan þegar Ísland og Dan-
mörk eigast við í handbolta. Leik-
urinn endaði 33-33. Venjulega ætti
þó þessi fjöldi skoraðra marka að
duga til sigurs en varnarleikur
íslenska liðsins var ekki upp á það
besta og markverðirnir ekki að
finna sig.
Mikill hraði var í leiknum strax
í byrjun og átti íslenska liðið í
nokkrum vandræðum með hrað-
ar sóknir Dana sem komust fljótt
tveimur mörkum yfir. Íslenska
liðið var ekki nægilega samstillt í
vörninni í blábyrjun en það átti þó
eftir að batna talsvert.
Mikið jafnræði var með liðun-
um og munurinn aldrei meiri en
tvö mörk í fyrri hálfleiknum. Bæði
lið áttu nokkuð margar ónákvæm-
ar sendingar á víxl. Um miðbik
hans var íslenska liðið með tveggja
marka forskot en staðan í hálfleik
var jöfn 16-16.
Seinni hálfleikurinn hófst með
sama jafnræði en með góðum
leikkafla náði Danmörk þriggja
marka forystu 24-27. Það var mesti
munurinn milli liðanna í leiknum.
Björgvin Páll Gústavsson varði
mark Íslands í fyrri hálfleiknum
en Hreiðar Levý Guðmundsson
kom í rammann í þeim síðari.
Hreiðar fann sig ekki og þegar
seinni hálfleikur var rétt rúmlega
hálfnaður kom Björgvin aftur
inn. Eftir að Ísland átti slæm-
an kafla steig Aron Pálmarsson
upp og skoraði þrjú næstu mörk
Íslands, jafnaði fyrst í 28-28 og
kom Íslandi svo yfir strax á eftir.
Aron var besti leikmaður Íslands
í gær.
Lokamínúturnar voru spenn-
andi og staðan jöfn 33-33 þegar
tvær mínútur voru eftir. Vignir
Svavarsson braut af sér og Ísland
lék manni færri á lokasprettinum.
Rétt fyrir leikslok fékk Bo
Spellerberg dauðafæri til að
tryggja Dönum sigur en skot hans
fór í stöngina og enn eitt jafnteflið
niðurstaðan.
Margt jákvætt var í leik íslenska
liðsins í gær, sérstaklega ef miðað
er við þann stutta undirbúning sem
liðið fékk fyrir leik. Þá eru Guðjón
Valur Sigurðsson og Ólafur Stef-
ánsson fjarri góðu gamni en ekki
þarf að fara mörgum orðum um
mikilvægi þeirra fyrir liðið. Það
er þó ýmislegt sem Guðmundur
Guðmundsson getur skerpt fyrir
seinni leik þjóðanna sem verður í
kvöld. elvargeir@frettabladid.is
Jafntefli enn eina ferðina
Strákarnir okkar gerðu 33-33 jafntefli við Dani í fyrri vináttulandsleik þjóð-
anna í gær. Leikurinn var í járnum allan tímann. Liðin mætast aftur í kvöld.
ÓBLÍÐAR MÓTTÖKUR Aron Pálmarsson fær óblíðar móttökur í leiknum í gær. Hann
var markahæstur í íslenska liðinu með átta mörk. FRÉTTABLAÐIÐ/VILHELM
Tölfræði Íslands:
Mörk Íslands: Aron Pálmarsson 8 (12),
Alexander Petersson 7 (11), Róbert Gunn-
arsson 5 (5), Snorri Steinn Guðjónsson
4/3 (6/3), Arnór Atlason 3 (6), Vignir
Svavarsson 2 (2), Sturla Ásgeirsson 2 (3),
Oddur Gretarsson 1 (1), Ásgeir Hallgríms-
son 1 (3).
Varin skot: Björgvin Páll Gústavsson 9,
Hreiðar Guðmundsson 2.