Fréttablaðið - 17.06.2010, Blaðsíða 39
FIMMTUDAGUR 17. júní 2010 27
Gámaþjónustan hf. var með sölu-
átakið Tré fyrir tré um síðustu
jól, þar sem því var lofað að gróð-
ursetja eitt jólatré fyrir hvert sem
stöðin safnaði. Laugardaginn 19.
júní er komið að því að efna lof-
orðið og því verða fimm hundruð
tré gróðursett í Heiðmörk í sam-
starfi við Skógræktarfélag Reykja-
víkur.
Gróðursetningin stendur yfir
frá klukkan 16 til 18 í Hjalladal,
jólaskóginum í Heiðmörk, og eru
allir boðnir hjartanlega velkomn-
ir. Í dalnum er góð aðstaða fyrir
börnin til leikja og pylsur verða
grillaðar að verki loknu.
Gróðursetja
500 jólatré
LOFORÐIÐ EFNT Gróðursetningin hefst í
Hjalladal klukkan 16. FRÉTTABLAÐIÐ/PJETUR
Útflutningsráð Íslands hefur tekið
á leigu gólfsvæði á fatahönnunar-
sýningunni CPH vision í Öxne-
hallen, sem fram fer dagana 12.
til 14 ágúst næstkomandi í Kaup-
mannahöfn. Þetta kemur fram í
tilkynningu frá ráðinu.
Sex hönnuðir verða valdir inn á
sýninguna og mun Fatahönnunar-
félag Íslands og Hönnunarmiðstöð
koma að valinu ásamt Útflutnings-
ráði. Áhugasamir eru beðnir um að
senda inn umsókn til Berglindar
Steindórsdóttur á netfangið berg-
lind@utflutningsrad.is eða í síma
511 4000. Umsóknareyðublöð má
finna á vefsíðunni icetrade.is.
Sex hönnuðir
á CPH vision
KAUPMANNAHÖFN Frá CPH vision
sýningunni árið 2007.
„Liðinu hefur gengið mjög vel,
myndinarnar okkar hafa verið
að skora rosalega hátt í hverri
viku,“ segir Ragnheiður Hrönn
Björnsdóttir um góðan árangur
liðs tíu íslenskra áhugaljósmynd-
ara í alþjóðlegu ljósmyndasam-
keppninni DP League sem hald-
in er á vegum vefsíðunnar www.
dpchallenge.com.
DP Challenge fór af stað með
ljósmyndakeppnina þann 12.
apríl síðastliðinn og í upphafi
voru 48 lið um hituna. „Síðan þá
hafa verið haldnar tvær þema-
tengdar keppnir á viku þar sem
öllum skráðum notendum vefsíð-
unnar gefst færi á að gefa hverri
mynd stig. Samanlögð stig fimm
efstu ljósmynda frá hverju liði
telja. Við höfum bara verið að
fá alveg fullt af stigum og erum
nú komin í átta liða úrslit,“ segir
Ragnheiður, sem sjálf á ljós-
mynd sem hefur lent í þriðja
sæti af 328 í einni af keppnun-
um.
Spurð hvað sé í verðlaun, segir
Ragnheiður það fyrst og fremst
vera heiðurinn. „Svo vekur
góður árangur auðvitað alltaf
athygli og sem dæmi um það
var liðstjórinn okkar Bragi J.
Ingibergsson í kjölfar þátttöku í
sams konar keppni valinn staf-
rænn ljósmyndari ársins 2009 af
hinni virtu vefsíðu www.telegr-
ap.co.uk. Það er frábær árang-
ur.“
Örlög íslenska liðsins munu
svo ráðast 12. júli en þá verða
úrslitin í keppninni kunngjörð
eftir að kosningu á vefsíðunni
lýkur.
- rve
Íslenskir ljósmyndarar í úrslit
LONELY BIRTHDAY Þessi ljósmynd eftir
Ragnheiði skoraði hátt í keppninni.
Til hamingju Ísland,
Jón Sigurðsson og Skjal ehf.
Þjóðhátíðardagurinn 17. júní er merkilegur afmælisdagur.
Lýðveldið Ísland er 66 ára í dag, Jón Sigurðsson forseti
hefði orðið 199 ára og þýðingastofan Skjal er 10 ára.
Þýðingar, textagerð og prófarkalestur eru
mál málanna hjá okkur og við erum þakklát
öllum þeim frábæru viðskiptavinum og
samstarfsaðilum sem hafa verið samferða
okkur fyrsta áratuginn.
Þinn texti er okkar sérgrein:
· Almennar þýðingar og málfarsráðgjöf
· Tæknitextaskrif og hugbúnaðarþýðingar
· Viðskiptagögn og ársskýrslur
· Auglýsinga- og kynningarefni
Austurstræti 17, 101 Reykjavík · Sími 530 7300 · Fax 530 7301 · Tölvupóstur skjal@skjal.is