Fréttablaðið - 17.06.2010, Blaðsíða 56

44 17. júní 2010 FIMMTUDAGUR
FÓTBOLTI Spánverjar eru dottnir úr
efsta sæti veðmangara yfir þær
þjóðir sem eru taldar líklegastar
til að verða heimsmeistarar. ótrú-
leg úrslit gærdagsins þegar Sviss
vann ríkjandi Evrópumeistara á
HM, 1-0.
Ekkert lið hefur orðið heims-
meistari eftir að hafa tapað fyrsta
leik sínum á HM. Þrjú lið hafa
komist næst því að ná að koma til
baka og vinna heimsmeistaratitil-
inn eftir tap í fyrsta leik. Vestur-
Þýskaland (1982), Argentína (1990)
og Ítalía (1994) töpuðu sínum fyrsta
leik í þessum keppnum en fóru alla
leið í úrslitaleikinn en töpuðu þar.
Sviss er í 24. sæti á styrkleika-
lista FIFA og var ekki einu sinni
með Alexander Frei, fyrirliða og
stórstjörnu í heimalandinu í lið-
inu þar sem hann er meiddur. Þá
fór besti varnarmaðurinn þeirra,
Philippe Senderos sem var að
ganga í raðir Fulham frá Arsenal,
meiddur af velli í fyrri hálfleik.
Þjóðverjinn Ottmar Hitzfeld
stýrir liðinu en hann þjálfaði í
Sviss fyrstu níu ár þjálfaraferils
síns. Hann er þegar orðinn þjóð-
hetja í Sviss.
„Við reyndum á hefðbundinn
hátt og hetjulegan en við náðum
bara ekki að skora markið sem við
þurftum. Þetta var bara ekki okkar
dagur. Við vorum miklu betri allan
leikinn. Núna þurfum við að vinna
næstu tvo leiki,“ sagði Vicente Del
Bosque, þjálfari Spánverja.
Stephan Lichtsteiner, varnar-
maður frá Lazio, var algjörlega
frábær í vörn Sviss, hann henti
sér fyrir allt og gaf stórstjörnunum
engan tíma til að leika listir sínar.
Spánverjar spiluðu reyndar alls
ekki illa en ónákvæmni á síðasta
þriðjungi vallarins kom þeim í
vandræði. Svisslendingar nýttu
annað af tveimur færum sínum,
hitt var skot í stöngina skömmu
síðar, og hirtu stigin. David Villa
gat gert betur en með Fernando
Torres kláran í byrjunarliðið í
næsta leik ætti að lifna yfir sókn-
arlínu Spánverja.
Del Bosque var reyndar gagn-
rýndur fyrir að vera bæði með
Xabi Alonso og Sergio Busquets í
byrjunarliðinu og þar með fimm
manna miðju og tvo djúpa miðju-
menn, í stað þess að nota annan
framherja.
Spánverjar áttu 25 tilraunir að
marki Sviss en hittu rammann
aðeins fimm sinnum. Eitt skot fór
af slánni og út.
Svisslendingar jöfnuðu með
Ítala frá því á HM 1990 en þetta
var fimmti leikurinn í röð í úrslita-
keppni HM sem það heldur marki
sínu hreinu. Sviss datt út í 16-liða
úrslitunum á HM í Þýskalandi eftir
vítaspyrnukeppni án þess að fá á
sig mark alla keppnina.
Spánn vinnur væntanlega
Hondúras en gæti spilað hrein-
an úrslitaleik við Chile um hvor
þjóðin færi áfram með Svisslend-
ingum, að því gefnu að þeir vinni
slakt lið Hondúras líka. Úrslitin
eru þau óvæntustu í langan tíma
og glæða lífi í mót sem mörgum
þykir hafa valdið vonbrigðum til
þessa.
hjalti@frettabladid.is
Þetta var ekki okkar dagur
Ríkjandi Evrópumeistarar töpuðu fyrir Sviss á HM í gær. Stjörnur Spánverja voru ekki á skotskónum fyrir
framan markið og Sviss nýtti annað af tveimur færum sínum. Ein óvæntustu úrslit í sögu HM.
ÓSVIKINN FÖGNUÐUR OG SORG Gelson Fernandes fagnar eftir að hafa skorað af harðfylgi og tryggt Sviss sigur gegn Evrópumeist-
urunum. FRÉTTABLAÐIÐ/AP
1. England 0-1 Bandaríkin (1950)
Fólk á Englandi hélt að blöðin hefðu gleymt einni tölu og leikurinn
hefði endaði 1-10 en ekki 1-0 eins og var raunin. Billy Wright og Tom
Finney voru meðal stjarna Englands sem náðu ekki að skora fram hjá
áhugamönnum Bandaríkjanna.
2. Norður-Kórea 1-0 Ítalía (1966)
Fyrsti og eini sigur Norður-Kóreu á HM. Stórlið Ítala var grýtt með
úldnum tómötum við heimkomuna.
3. Alsír 2-1 Vestur-Þýskaland (1982)
Það var einn á móti 1000 að Alsíringar ynnu Vestur-Þjóðverja
sem höfðu aðeins tapað fjórum leikjum á fjórum árum fyrir
þennan leik. Jupp Derwall þjálfari sagði eftir leikinn: „Ég trúi
þessu bara ekki. Þetta er ofar mínum skilningi.“
4. Kamerún 1-0 Argentína (1990)
Argentína átti titil að verja en Maradona og félögum
mistókst að skora gegn þjóð sem var ekki talin líkleg til
að skora í keppninni.
5. Senegal 1-0 Frakkland (2002)
Heims- og Evrópumeistarar Frakka áttu að vinna þennan
leik örugglega, gegn þjóð sem fáir vissu nokkuð um.
Þeir töpuðu og ollu vonbrigðum út mótið áður en þeir
fóru heim án sigurs og án þess að skora.
6. Austur-Þýskaland 1-0 Vestur-Þýskaland (1974)
Fyrsti leikur Austursins og Vestursins í Þýskalandi. Ótrúleg úrslit en
Vestur-Þjóðverjar urðu svo meistarar.
7. Spánn 5-1 Danmörk (1986)
Danmörk hafði unnið alla leikina í fyrstu umferðinni, meðal annars
Úrugvæ 6-1 og Vestur-Þjóðverja 2-0. Undarlegur leikur þar sem Danir
komust yfir áður en Emilio Butragueño skoraði fjögur mörk.
8. Búlgaría 2-1 Þýskaland (1994)
Þýskaland hafði komist í þrjá úrslitaleiki á HM í röð og þegar Lothar
Matthäus kom þeim yfir leit út fyrir að þeir kæmust í undanúrslit.
En tvö mörk á skömmum tíma breyttu draumi þeirra í martröð.
9. Norður-Írland 1-0 Spánn (1982)
Enginn hafði trú á Norður-Írum gegn gestgjöfunum,
sérstaklega eftir að þeir lentu manni undir snemma leiks.
En þeir skoruðu snemma í seinni hálfleik og skutu sér þar
með áfram.
10. Kúba 2-1 Rúmenía (1938)
Ótrúleg úrslit á sínum tíma. Kúba komst reyndar ekki á
HM, en fór á mótið þar sem Mexíkó hætti við þátttöku.
Rúmenía spilaði á HM bæði 1930 og 1934 og þótti
vera með gott lið. Kúba tapaði svo 8-0 fyrir Svíum í
næstu umferð.
10 óvæntustu úrslit í sögu HM:
KARL HEINZ
RUMMENIGGE
H-RIÐILL
Hondúras - Chile 0-1
0-1 Jean Beausejour (34.)
Spánn - Sviss 0-1
0-1 Gelson Fernandes (52.)
STAÐAN
Chile 1 1 0 0 1-0 3
Sviss 1 1 0 0 1-0 3
Hondúras 1 0 0 1 1-1 0
Spánn 1 0 0 1 1-1 0
NÆSTU LEIKIR
Chile - Sviss mánudagur kl. 14.00
Spánn - Hondúras mánudagur kl. 18.30
A-RIÐILL
Suður-Afríka - Úrúgvæ 0-3
0-1 Diego Forlan (24.), 0-2 Diego Forlan, víti
(80.), 0-3 Álvaro Pereira (90.+5)
STAÐAN
Úrúgvæ 2 1 1 0 3-0 3
Mexíkó 1 0 1 0 1-1 1
Frakkland 1 0 1 0 0-0 1
Suður-Afríka 2 0 1 1 1-4 1
NÆSTU LEIKIR
Frakkland - Mexíkó í dag kl. 18.30
Mexikó - Úrúgvæ þriðjudag kl. 14.00
Frakkland - Suður-Afríka þriðjudag kl. 14.00
LEIKIR DAGSINS
Argentína - Suður-Kórea kl. 11.30
Grikkland - Nígería kl. 14.00
Frakkland - Mexíkó kl. 18.30
HM Í GÆR
Allir helstu HM leikirnir í beinni á
karoeke sportbar Frakkastíg 8.
Skemmtilegar uppákomur á milli
leikja og Stór á 450 kr.
Egils gull og Kareoke sportbar
- alvöru HM stemmning !
Egils Gull og Kareoke Sportbar kynna:
FÓTBOLTI Knattspyrnukonan Þór-
unn Helga Jónsdóttir er á sínu
þriðja ári með brasilíska liðinu
Santos og fær nú fótboltaæðið í
Brasilíu beint í æð með því að vera
úti í Brasilíu á meðan heimsmeist-
arakeppnin er í gangi.
„Fyrir utan Suður-Afríku sjálfa
get ég ekki hugsað mér skemmti-
legri stað til að fylgjast með HM.
Allar götur eru skreyttar gulu
og grænu og brasilíski fáninn er
úti um allt, málaður á göturnar
og veggi og annar hver maður í
brasilísku landsliðstreyjunni og
þar með talin ég,“ segir Þórunn
Helga. Hún horfði á fyrsta leikinn
í heimahúsi með nokkrum vinum
en segir að fæstir í Brasilíu horfi
á leikina heima hjá sér.
„Fótbolti er alltaf stór þáttur
í þjóðfélaginu hérna en á meðan
HM stendur snýst gjörsamlega
allt um keppnina. Öllum verslun-
um, fyrir utan bari og veitinga-
staði sem hafa sjónvörp, er lokað
á meðan leikir Brasilíu standa og
ég held grínlaust að það sé nánast
enginn sem missir af leik. Hvorki
kennurum né nemendum dett-
ur í hug að mæta í skólann á leik-
degi Brasilíu. Ég held að meira að
segja bankarnir loki á meðan á
leik stendur,“ segir Þórunn í létt-
um tón.
Brasilíumenn þurftu að bíða í
55 mínútur eftir fyrsta markinu
á móti Norður-Kóreu í fyrra-
kvöld og enduðu síðan á því að
vinna „aðeins“ 2-1 sigur á hinu
lítt þekkta liði frá lokað-
asta hluta Asíu. „Ef það
var einhver í Brasilíu
ekki að horfa á leikinn
þá hefur honum brugð-
ið þegar fyrsta mark-
ið kom því að lætin
voru eins og á gaml-
árskvöld. Flugeld-
um var skotið upp
og það voru gríðar-
leg gleðilæti,“ sagði
Þórunn. Það var
síðan allt vitlaust
eftir leikinn. Hún
segir Brasilíumenn hafa almennt
verið ánægða með leikinn þótt að
liðið hafi ekki spilað toppleik.
Þórunn Helga heldur að sjálf-
sögðu með Brasilíu á HM. „Ég hef
alltaf stutt Brasilíu á stórmótum en
Brasilíuhjartað er orðið töluvert
sterkara eftir dvölina hérna,“
segir Þórunn. Hún vonast til
að fá að upplifa Brasilíumenn
verða heimsmeistara.
„Ég vona svo mikið að ég
fái að vita það. Ég get rétt
svo ímyndað mér lífið á
götunum. Algjör gleði.
Þetta hefur svo sem
líka skuggahliðar því
að ef að Brasilía vinn-
ur ekki verður hér
þjóðarsorg,“ sagði
Þórunn að lokum. - óój
Þórunn Helga Jónsdóttir fær Heimsmeistarakeppnina beint í æð þar sem hún spilar með Santos í Brasilíu:
Flugeldar á loft við fyrsta mark Brassanna
ÞÓRUNN HELGA
JÓNSDÓTTIR
MYND/PEDRO ERNESTO GUERRA
AZEVEDO
MIKIL STEMNING Í RÍÓ Brasilíumenn
hópast saman í heimalandinu þegar
landsliðið spilar á HM. MYND/AP
FÓTBOLTI Diego Forlan átti stórleik
og skoraði tvö mörk í 3-0 sigri
Úrúgvæ á heimamönnum í Suður-
Afríku í fyrsta leiknum í annarri
umferð riðlakeppninnar á HM í
Suður-Afríku í gær en tapið þýðir
að gestgjafarnir eru komnir í
mjög slæm mál í riðlinum.
„Sem framherji þá vil ég alltaf
skora mörk en það mikilvægasta
var að vinna þennan leik. Liðið
okkar er gott og við spiluðum
einnig vel á móti Frökkum. Við
erum mjög þéttir,“ sagði Diego
Forlan eftir leikinn.
Forlan skoraði fyrra markið
sitt með glæsilegu langskoti en
seinna markið hans kom úr víta-
spyrnu á 80. mínútu eftir að
markvörðurinn Itumeleng Khune
braut á Luis Suarez og hlaut að
launum rautt spjald. Álvaro Per-
eira innsiglaði síðan sigurinn í
uppbótartíma.
Carlos Alberto Parreira, þjálf-
ari Suður-Afríku, sparaði dóm-
aranum ekki kveðjuna. “Busacca
er versti dómarinn í keppninni til
þessa og ég þarf vonandi ekki að
horfa upp á hann aftur í keppn-
inni,“ sagði Parreira en Suður-
Afríkumenn voru mjög ósáttir
með vítapsyrnudóminn og rauða
spjaldið sem gerði endanlega út
um leikinn. - óój
Úrúgvæ vann heimamenn:
Forlan með tvö
DIEGO FORLAN Er orðinn markahæsturá
HM 2010. FRÉTTABLAÐIÐ/AP