Fréttablaðið - 24.06.2010, Blaðsíða 19
FIMMTUDAGUR 24. júní 2010
Lög nr. 38 um vexti og verð-tryggingu voru samþykkt
á Alþingi 19. maí 2001 með
atkvæðum 36 þingmanna, 19
sátu hjá, 8 voru fjarverandi.
Lögin eru skýr. Í greinargerð
með frumvarpinu stendur: „Í
13. gr. frumvarpsins er fjallað
um gildissvið kafla um verð-
tryggingu sparifjár og lánsfjár.
Í 1. mgr. er lagt til að heimild-
ir til að binda skuldbindingar
í íslenskum krónum við gengi
erlendra gjaldmiðla verði felld-
ar niður. ... Samkvæmt 13. gr.
og 1. mgr. 14. gr. frumvarps-
ins verður ekki heimilt að binda
skuldbindingar í íslenskum
krónum við dagsgengi erlendra
gjaldmiðla. Er talið rétt að taka
af allan vafa þar að lútandi.“
Vilji löggjafans gat varla skýr-
ari verið.
Hvað voru þau að hugsa?
Meðal þeirra, sem tryggðu
framgang málsins á Alþingi
með atkvæði sínu, voru Davíð
Oddsson forsætisráðherra, Geir
H. Haarde fjármálaráðherra,
Halldór Ásgrímsson utanríkis-
ráðherra og Valgerður Sverris-
dóttir viðskiptaráðherra. Hinir
þingmennirnir 32, sem sam-
þykktu gengisbindingarbannið á
Alþingi, voru Arnbjörg Sveins-
dóttir, Árni R. Árnason, Árni
Johnsen, Ásta Möller, Björn
Bjarnason, Drífa Hjartardótt-
ir, Einar K. Guðfinnsson, Einar
Oddur Kristjánsson, Guðjón
Guðmundsson, Guðjón A. Kristj-
ánsson, Guðmundur Hallvarðs-
son, Guðni Ágústsson, Gunn-
ar Birgisson, Halldór Blöndal,
Hjálmar Árnason, Hjálmar
Jónsson, Ísólfur Gylfi Pálma-
son, Jón Kristjánsson, Katrín
Fjeldsted, Kristinn H. Gunnars-
son, Magnús Stefánsson, Ólafur
Örn Haraldsson, Páll Magnús-
son, Páll Pétursson, Pétur H.
Blöndal, Sigríður A. Þórðardótt-
ir, Sólveig Pétursdóttir, Sturla
Böðvarsson, Sverrir Hermanns-
son, Tómas Ingi Olrich, Vil-
hjálmur Egilsson og Þorgerður
K. Gunnarsdóttir.
Enginn þessara 36 þingmanna
brást við, þegar bankarnir og
önnur fjármálafyrirtæki hófu
nokkru síðar að binda lán í stór-
um stíl við gengi erlendra gjald-
miðla í blóra við lögin. Eng-
inn þarf lengur að velkjast í
vafa um ásetning bankanna og
annarra fjármálafyrirtækja.
Skýrsla Rannsóknarnefnd-
ar Alþings lýsir því, hvern-
ig þau prönguðu gengisbundn-
um lánum við lágum vöxtum
inn á viðskiptavini sína vitandi
vits um, að gengi krónunnar
hlaut að falla og viðskiptavin-
irnir mundu þá sitja eftir með
sárt ennið. Bankarnir veðjuðu
sjálfir á, að krónan myndi falla,
enda var hún allt of hátt skráð
fram að hruni, þótt þeir héldu
öðru fram við grunlausa við-
skiptavini. Varan var svikin.
Vörusvik varða við lög auk þess
sem sjálf gengisbindingin var
ólögleg.
Samt hreyfði enginn þing-
mannanna 36 andmælum gegn
gengisbindingu lánasamninga
í tugþúsundatali. Hvað voru
þau að hugsa? Hvar var nefnd-
in, sem samdi frumvarpið og
greinargerðina með því? Hver
hélt á pennanum? Hvers vegna
gaf hann sig ekki fram eða
hún? Hvar var Seðlabankinn
með heila lögfræðideild á sínum
snærum? Hvar var Fjármála-
eftirlitið? Og hvar voru ráðherr-
arnir fjórir, sem höfðu forustu
um að banna gengisbundnar
lánveitingar með lögum og lyftu
síðan ekki litla fingri til að
stöðva lögbrotin? (Einn þeirra
var einmitt í Seðlabankanum.)
Hvað ætli Dönum finnist um
Ísland? Hvað finnst þér?
Endurskoðun sjálftekinna eftir-
launa
Eigum við virkilega að halda
áfram að greiða þessu fólki
margföld sjálftekin eftirlaun
þrátt fyrir svo grófa vanrækslu
í starfi? Alþingi hefur nú ein-
stakt tækifæri til að sýna hug
sinn í verki með því að sam-
þykkja þingsályktunartillögu
Þráins Bertelssonar. Hún hljóð-
ar svo: „Alþingi ályktar að fela
forseta Alþingis eða ríkisstjórn-
inni að samið verði að pólskri
fyrirmynd frumvarp að lögum
um endurskoðun eftirlauna
og skyldra hlunninda þeirra
manna sem rannsóknarnefnd
Alþingis telur hafa „sýnt van-
rækslu“ í aðdraganda banka-
hrunsins, og annarra eftir
atvikum.“ Tillagan hefur legið í
salti á Alþingi síðan 14. maí og
liggur þar enn. Enginn þing-
maður hefur sýnt henni snefil
af áhuga nema flutningsmað-
urinn, sem stendur einn að til-
lögunni. Fólkið í landinu ætti
að brýna þingmenn til að fylkja
sér um tillögu Þráins. Látum
þau finna til tevatnsins.
Uppgjör hrunsins þarf að
hvíla á tveim stoðum. Armur
laganna þarf að ná til margra
bankamanna og annarra.
Dómur Hæstaréttar í gengis-
bindingarmálinu bendir til, að
stjórnmálastéttin og bankarn-
ir geti ekki lengur reitt sig á
þægilega dóma, þegar mikið
liggur við, líkt og gerðist til
dæmis í Vatneyrardómi Hæsta-
réttar í kvótamálinu 2001.
Rétturinn sneri þá við blað-
inu og beygði sig undir vilja
ríkisstjórnarinnar. Nú hefur
Hæstiréttur ríkari ástæðu til
að óttast reiði almennings en
vesælt andvarp máttlausrar
ríkisstjórnar. Meira þarf til en
dóma yfir lögbrjótum. Löggjaf-
inn hefur í hendi sér að taka á
þeim, sem hafa brotið af sér,
þótt vanræksla þeirra varði
ekki endilega við lög. Endur-
skoðun sjálftekinna eftirlauna
og skyldra hlunninda stjórn-
málamanna og embættismanna,
sem hafa gert sig seka um grófa
vanrækslu í starfi, er fær leið
að því marki eins og ný lög í
Póllandi vitna um. Þingsálykt-
unartillaga Þráins Bertelssonar
miðar að slíkri endurskoðun.
Ekki steinn
yfir steini
Þorvaldur Gylfason
prófessor
Í DAG
Hvað voru þau að hugsa? Hvar var
nefndin, sem samdi frumvarpið og
greinargerðina með því? Hver hélt á
pennanum? Hvers vegna gaf hann sig
ekki fram eða hún?
Allir Samfylkingarfélagar velkomnir
Samfagnaður að fundi loknum
Skilaboð kjósenda
Flokksstjórnarfundur Samfylkingarinnar í Félags-
heimili Seltjarnarness, laugardaginn 26. júní
kl. 10.00 Setning
Jóhanna Sigurðardóttir, forsætisráðherra og formaður Samfylkingarinnar
kl. 10.10 Kosningaúrslitin, hvað má lesa úr þeim? Hver eru skilaboð kjósenda?
Dr. Ólafur Þ. Harðarson, prófessor við Háskóla Íslands
kl. 10.50 Málstofur um stöðu Samfylkingarinnar
Samfylkingin í sveitarstjórnum
Umsjón: Ragnheiður Hergeirsdóttir og Gunnar Svavarsson
Samfylkingin í ríkisstjórn
Umsjón: Friðjón Einarsson og Helena Þ. Karlsdóttir
Innra starf Samfylkingarinnar
Umsjón: Guðrún Helgadóttir og Kjartan Valgarðsson
Hrunið og rannsóknarskýrsla – viðbrögð og aðgerðir
Umsjón: Stefán Benediktsson og Rannveig Guðmundsdóttir
kl. 12.30 Matarhlé
kl. 13. 15 Verkefni Samfylkingarinnar á nýjum tímum
Jóhanna Sigurðardóttir, forsætisráðherra og formaður Samfylkingarinnar
kl. 13.40 Kynning á vinnuferli umbótanefndar Samfylkingarinnar
Jón Ólafsson, prófessor við Háskólann á Bifröst
kl. 13.50 Kaffi hlé
kl. 14.00 Almennar umræður og afgreiðsla tillagna
kl. 16. 15 Næstu skref
Dagur B. Eggertsson, varaformaður Samfylkingarinnar
kl. 16.30 Önnur mál
Fundarstjórn: Margrét S. Björnsdóttir, formaður framkvæmdastjórnar
Margrét Lind Ólafsdóttir, bæjarfulltrúi á Seltjarnarnesi
www.xs.is
Sumarskóli TBR
Sumarskóli TBR hefur verið starfræktur í yfir 20 sumur. Þetta er alhliða íþróttaskóli og eru fjölmargar
íþróttagreinar á dagskrá. Badmintoníþróttin skipar þó veglegan sess, enda er hún aðalíþrótt TBR. Við
starfrækjum íþróttaskóla fyrir 6-13 ára börn í sumar. Skipt er í hópa eftir aldri.
Á námskeiðinu er stefnt að því að kynna
nemendum helstu grunnatriði
badmintoníþróttarinnar.Kennslan fer bæði
fram á leikjaformi og í formi tækniæfinga
og skiptist erfiðleikastig þeirra eftir aldri
og getustigi þátttakenda. Einnig kynnast
nemendur helstu leikreglum.
Námskeiðið er fjölbreytt, spennandi og
skemmtilegt og við nýtum okkar frábæru
staðsetningu í Laugardalnum, auk þess að
fara í stuttar ferðir með strætó út fyrir
dalinn. Á hverju námskeiði er m.a. farið í
Fjölskyldu- og Húsdýragarðinn, í sund í Laugardalnum, ratleik í Elliðaárdalnum, Nauthólsvík heimsótt o.s.frv.
Hverju námskeiði lýkur með hátíðardagskrá með ýmsum skemmtilegum viðburðum.
Boðið verður upp á bæði heils- og hálfsdagsvistun, frá 9-13 og 9-16. Möguleiki er á gæslu frá 8-9 og frá 16-17.
Boðið er upp á léttan hádegisverð fyrir börn sem eru í heilsdagsvistun.
Þjálfarar eru m.a. Skúli Sigurðsson íþróttakennari, Broddi Kristjánsson íþróttakennari, Árni Þór Hallgrímsson
badmintonþjálfari, Ragna Ingólfsdóttir leiðbeinandi o.fl.
Námskeið 2 28. júní - 9. júlí
Námskeið 3 3. ágúst - 16. ágúst
Öll börn í Sumarskólanum fá jafna viðurkenningu fyrir þátttöku og verðlaunapening
eins og stefna ÍSÍ í þjálfun barna og unglinga segir til um.
Verð er kr. 9.000 fyrir námskeið kl. 9-13
og kr. 17.000 fyrir námskeið kl. 9-16.
Upplýsingar og innritun í síma 581-2266.
TENNIS- OG BADMINTONFÉLAG REYKJAVÍKUR
Gnoðarvogi 1, 104 Reykjavík, Sími: 581-2266 tbr@tbr.is www.tbr.is