Fréttablaðið - 24.06.2010, Blaðsíða 36
24. JÚNÍ 2010 FIMMTUDAGUR10 ● metan
Orkuveita Reykjavíkur á í sam-
starfi við Metan hf. um notkun
metans á bíla.
Orkuveita Reykjavíkur hefur í
mörg ár unnið markvisst að því
að draga úr umhverfisáhrif-
um í starfsemi sinni og er mikil
áhersla lögð á umhverfismál.
Daglegur rekstur og verk eru
unnin í takt við vottað umhverf-
isstjórnunarkerfi. Umhverfis-
skýrsla kemur út árlega og þar
er meðal annars gerð grein fyrir
losun gróðurhúsalofttegunda í
rekstri fyrirtækisins, sem og
öðrum þáttum sem orkuvinnsla
hefur í för með sér. Árið 2004
hlaut OR Kuðunginn, umhverf-
isverðlaun umhverfisráðuneyt-
isins.
Árið 2006 setti stjórn fyrirtæk-
isins því þau markmið, að 55 pró-
sent af bílaflota þess yrðu knúin
vistvænu eldsneyti árið 2013 og
síðan yrði haldið áfram á þeirri
braut.
Í samræmi við þá stefnu hefur
Orkuveita Reykjavíkur undanfar-
in ár notað bíla sem ganga fyrir
vistvænu eldsneyti. Um er að
ræða rafbíla og metangasbíla, en
fyrirtækið hefur verið í samstarfi
við Metan hf. um notkun metans
á bíla. Nú eru 24 metanbílar af
ýmsum gerðum í notkun hjá fyr-
irtækinu og hefur rekstur þeirra
gengið afar vel.
Metan og Orkuveita
Reykjavíkur í samstarfi
Orkuveitan hefur í mörg ár unnið að því að draga úr umhverfisáhrifum í starfsemi sinni og hlaut meðal annars Kuðunginn,
umhverfisverðlaun umhverfisráðuneytisins, árið 2004.
Orkuveitan hefur á síðustu árum notað bíla sem ganga fyrir vistvænu eldsneyti.
● METANSTRÆTÓ VERÐUR Á SVÆÐINU Í DAG „Við viljum
leggja okkar af mörkum í notkun vistvænna, endurnýjanlegra orkugjafa.
Við höfum verið að skoða leiðir til að stuðla að endurnýjun vagnflotans
í þessa átt og erum að marka stefnu í umhverfismálum. Strætó bs. hefur
átt í góðu samstarfi við Metan hf. og horfir meðal annars til frekari nýt-
ingar á metangasi,“ segir Reynir Jónsson, framkvæmdastjóri Strætó bs.
Fyrirtækið hefur verið með tvo metanvagna af Scania-gerð í rekstri und-
anfarin fjögur ár og tekur þátt í Metandeginum með því að sýna annan
metanvagninn hjá N1 á Bíldshöfðanum.
Múli bílaréttingar ehf., í sam-
starfi við Sprautun ehf., fjár-
festi í metan-sprautuklefa frá Ít-
alíu árið 2004 með það að mark-
miði að gera starfsumhverfið eins
umhverfisvænt og hægt væri. Að
sögn eigenda, Sigurðar og Sigrún-
ar, hefur búnaðurinn reynst vel í
alla staði.
Notast er eingöngu við íslenska
orku á vinnustaðnum þar sem ís-
lenska metanið leysir af hólmi
innflutt eldsneyti sem annars er
notað við sambærileg störf. Um
er að ræða eina verkstæðið á sínu
sviði á Íslandi sem stigið hefur
græn spor með notkun á íslensku
metani með þessum hætti. Múli er
til húsa á Tunguhálsi 8 í Reykja-
vík – heimasíða fyrirtækisins er
muli.is.
Umhverfisvæn bílasprautun
Múli bílaréttingar ehf. er eina verkstæðið á sínu sviði hérlendis sem hefur stigið græn
spor með því að fjárfesta í metan-sprautuklefa.
Nýsköpunarmiðstöð Íslands, Orku-
stofnun, Ísor og verkfræðistofurn-
ar Mannvit og Verkís fóru af stað
síðastliðið haust með námskeið-
ið, Viltu verða orkubóndi? Orku-
bóndinn er námskeið fyrir áhuga-
fólk um orkubeislun og hvernig
hægt er að nýta tilfallandi end-
urnýjanlega orku. Farið var á tíu
staði vítt og breitt um landið, en
um 900 manns sóttu námskeiðið og
viðtökur fóru langt fram úr björt-
ustu vonum skipuleggjenda.
Á námskeiðunum var m.a.
rætt um tækifæri í landbúnaði til
að framleiða metaneldsneyti úr
mykju og öðrum lífmassa sem til
fellur í landbúnaði. Að sögn for-
svarsmanna var mikinn áhuga að
finna hjá þátttakendum um allt
land fyrir metanframleiðslu.
Á einu námskeiðinu voru frum-
kvöðlar heimsóttir að Hraungerði
í Flóa, feðgarnir Guðmundur Stef-
ánsson og Jón Tryggvi tæknifræð-
ingur. Þeir höfðu þá komið sér
upp vísi að metanverksmiðju sem
framleiða mun metaneldsneyti úr
mykju sem til fellur á búi þeirra.
Framtak þeirra er aðdáunarvert,
enda hafa þeir að mestu byggt
upp aðstöðu sína af eigin ramm-
leik og notið velvildar og aðstoðar
frá Sorpu bs., Metani hf. og Land-
búnaðarháskóla Ísland. Árangur
Guðmundar og Jóns varpar skýru
ljósi á þau tækifæri sem leynast
víða um land.
Orkubændur búa til
eldsneyti úr mykju
Guðmar Finnur Guðmundsson, staðarstjóri á Álfsnesi, ræðir hér við Jón Tryggva og
Guðmund Stefánsson í vinnuaðstöðu feðganna í 20 feta skipagámi.
Guðmar og Jón Tryggvi skoða hér vatns-
þvegilsturninn í Hraungerði sem skilar
frá sér hreinsuðu metaneldsneyti sem
nýta má á ökutæki og vinnuvélar eða til
rafmagnsframleiðslu og húshitunar ef
það ætti við.