Fréttablaðið - 24.06.2010, Blaðsíða 62

42 24. júní 2010 FIMMTUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
LÁRÉTT
2. dropa, 6. tveir eins, 8. gagn, 9.
harðæri, 11. átt, 12. hlátur, 14. skrifa,
16. pot, 17. nægilegt, 18. flík, 20. tveir
eins, 21. rell.
LÓÐRÉTT
1. ofneysla, 3. samanburðartenging,
4. ættliður, 5. óhreinka, 7. þverslaufa,
10. bók, 13. persónufornafn, 15.
sóða, 16. ónn, 19. til dæmis.
LAUSN
LÁRÉTT: 2. leka, 6. hh, 8. nyt, 9. óár,
11. na, 12. fliss, 14. stíla, 16. ot, 17.
nóg, 18. fat, 20. ðð, 21. nudd.
LÓÐRÉTT: 1. óhóf, 3. en, 4. kynslóð,
5. ata, 7. hálstau, 10. rit, 13. sín, 15.
agða, 16. ofn, 19. td.
Hversdags er það bara venjulegt
morgunkorn en draumamorgun-
maturinn er hjá ömmu. Heima-
bakaðar vöfflur með sultu og
góður kaffibolli.
Sunna Dögg Ásgeirsdóttir, fatahönnuður
sem er með barnafatamerkið Sunbird.
Hjalti Nönnuson hefur lokið við að
þýða sína fyrstu bók; uppskrifta-
bók stjörnukokksins og Íslands-
vinarins Gordons Ramsey sem á
að koma út í október. Hjalti á ekki
langt að sækja mataráhugann en
hann er sonur Nönnu Rögnvaldar-
dóttur matargúrús. Mataráhuginn
kviknaði samt ekki fyrr en hann
flutti að heiman.
„Mamma benti á mig í þetta
verkefni því hún veit að ég hef
mikinn áhuga á mat og elda-
mennsku og taldi mig vera full-
færan í að þýða þessa bók,“ segir
Hjalti en hann er ekki menntaður
kokkur. Á meðan hann þýddi bók-
ina eldaði Hjalti þær uppskriftir í
bókinni sem honum leist á. „Gor-
don virðist vera mjög hrifinn
af smokkfiski og trúðu því eður
ei, en ég er mjög matvandur og
sneiddi því hjá þeim uppskriftum
í bókinni sem meðal annars inni-
héldu smokkfisk,“ segir Hjalti
hlæjandi og bætir við að fólk verði
oft mjög hissa þegar það uppgötv-
ar að hann sé matvandur kom-
andi af svona miklu matarheimili.
„Systir mín er yfirlýst grænmet-
is æta og ég mundi til dæmis frek-
ar borða hrá dekk en sveppi svo
við mamma erum löngu búin að
komast að samkomulagi í þessum
málum. Hún eldar það sem henni
sýnist og svo verðum við bara að
sneiða fram hjá því sem okkur
líkar ekki.“
Í bókinni Eldað um veröld víða
tekur Gordon Ramsey saman upp-
skriftir frá sínum tíu uppáhalds-
stöðum í heiminum og lögð er
áhersla á hversdagsmat. Maður
ætti því ekki að þurfa að vera
neinn stjörnukokkur til að geta
eldað upp úr bókinni. „Ramsey
vill meina að núna sé matur orð-
inn svo aðgengilegur, maður á að
geta eldað mat frá öllum heimsálf-
unum sama hvar maður er stadd-
ur,“ segir Hjalti.
- áp
Sonur Nönnu í fótspor Ramseys
SJALDAN FELLUR EPLIÐ LANGT FRÁ
EIKINNI Hjalti Nönnuson er liðtækur í
eldhúsinu og hefur nú þýtt kokkabók
Gordons Ramsay. FRÉTTABLAÐIÐ/ARNÞÓR
„Þetta var klikkað! Þetta gekk alveg
rosalega vel,“ segir listamaðurinn Óli
G. Jóhannsson, sem hefur opnað sýn-
ingu sína í Opera gallerí í Seúl, höfuð-
borg Suður-Kóreu.
Óli G. var staddur í Seúl þegar
Fréttablaðið náði í hann. Hann sló í
gegn þegar hann opnaði sýningu sína í
Suður-Kóreu í vikunni og seldi fjölmörg
verk. En varð hann ríkur á einu kvöldi?
„Við skulum segja að gærkveldið hafi
gengið mjög vel fyrir fátækan Íslend-
ing,“ segir Óli. „Það var mikil aðsókn á
sýninguna mína í gær og var það alveg
frábært. Það er mikill áhugi á myndlist
og þá aðallega málverkum hér í Suður-
Kóreu og svo virðist sem mín list sé að
virka.“
Óli hélt fyrstu sýninguna sína árið
1973 og hefur síðan þá haldið reglulega
sýningar, bæði hér heima og erlend-
is. Opera gallerí bauð Óla að opna sína
sýningu eftir að sýningu Damiens Hirt
lauk á dögunum. Málverk eftir Óla var
einnig valið inn á tíu ára afmælissýn-
ingu Opera gallerí í New York. Þar er
hann þess heiðurs aðnjótandi að verk
hans stendur á móti verki eftir Jackson
Pollock.
Ólafur er með sérstaka kenningu um
velgengnina í Suður-Kóeru. „Ég held að
það aðstoði mig mikið að vera Jóhanns-
son,“ segir hann. „Heimurinn tengir
mig við Kristján Jóhannsson óperu-
söngvara, Barða í Bang Gang og Jóhann
Jóhannsson.“ - ls
Það borgar sig að vera Jóhannsson
ÁNÆGÐUR LISTAMAÐUR Óli G. er að vonum ánægður með hversu vel
opnunin á sýningunni hans gekk. FRÉTTABLAÐIÐ/TEITUR
„Það er alveg æðislegt hvernig
stemningin er fyrir bókinni úti í
Frakklandi,“ segir Stefán Máni Sig-
þórsson rithöfundur.
Franska bókmenntatímaritið
Lire valdi á dögunum bók Stefáns
Mána, Skipið, bestu glæpasögu árs-
ins. Lire gaf bókinni fjórar stjörnur
í nýjasta hefti sínu sem er tileinkað
glæpasögum. Stefán Máni skýtur
öðrum rithöfundum ref fyrir rass
þar sem Skipið er eina bókin sem
fær fjórar stjörnur.
„Ég fékk tímaritið sent frá þeim.
Þetta er svolítið stórt og rosalega
flott tímarit,“ segir Stefán. „Ekk-
ert of akademískt þannig að það
er breiður hópur sem les það. Þeir
velja tíu bestu glæpasögur ársins
og völdu Skipið í fyrsta sæti. Einn-
ig var hún eina bókin sem þeir
gáfu fjórar stjörnur. Það er auðvit-
að alveg magnað þar sem þetta er
fyrsta bókin mín í Frakklandi.“
Gagnrýnendur Lire spara ekki
stóru orðin í umsögnum sínum um
bókina og segja hana meistaraverk.
Þá er bygging sögunnar sögð þrek-
virki sem heldur stöðugri spennu.
Ef þetta er ekki nóg, þá er talað um
að Stefán Máni sé með öllu óhrædd-
ur, textinn sé reiðilegur, harmrænn
og hamslaus. Loks segir gagnrýn-
andi að Stefán ríghaldi lesandan-
um allt að síðustu blaðsíðu. Þegar
hann leggi svo loks bókina frá sér
sé hann ringlaður og viti í raun ekki
hvert eigi að leita.
Stefán segir að sala á Skipinu
hafi rokið upp í kjölfarið á val-
inu og franska forlagið sé búið að
prenta annað upplag. Þá hefur for-
lagið tryggt sér útgáfuréttinn á
bókinni Svartur á leik eftir Stef-
án og lýst yfir áhuga á framtíðar-
verkum hans. „Það koma kannski
100.000 bækur út í Frakklandi á ári
og líftíminn er ekki langur,“ segir
hann. „En þetta hleypti lífi í söluna
aftur sem er mjög flott.“
linda@frettabladid.is
STEFÁN MÁNI: EINA BÓKIN SEM ÞEIR GÁFU FJÓRAR STJÖRNUR
Lire velur Skipið bestu
glæpasöguna í Frakklandi
ÁNÆGÐUR STEFÁN Stefán segir bókmenntamenningu mikla í Frakklandi og því sé þetta einstakur heiður. FRÉTTABLAÐIÐ/ARNÞÓR
ára útgáfusaga
bókatímaritsins
Lire hófst í París.35
Kl
ap
pa
rs
tíg
ur
Laugavegur
Hverfi sgata
29
Rakarastofan
Hárgreiðslustofan
Klapparstíg
Klapparstíg
Klapparstíg 29 • Sími 551 3010
Hver fær bréf
frá þér?
Sendu kveðju til þeirra sem þér þykir
hafa verið til fyrirmyndar.
Kynntu þér hvatningarátak tileinkað
frú Vigdísi Finnbogadóttur og íslensku
þjóðinni á tilfyrirmyndar.is
Jafnréttisstofa gagnrýndi sjón-
varpsstöðvarnar í tilkynningu í gær
fyrir að leita ekki til kvenna þegar
leikirnir á heimsmeist-
aramótinu í fótbolta
eru teknir fyrir. Þáttur
Þorsteins J. á RÚV er
sérstaklega gagn-
rýndur, en þar eru
allir spekingarnir
karlkyns. Sjón-
varpsstöðvunum
til glöggvunar
má benda á
að að lands-
liðs kokkurinn vinsæli, Hrefna Rósa
Jóhannsdóttir Sætran, ku vera
mikill fótboltaunnandi og missir
varla af leik. Hrefna Rósa heldur
með liði Spánverja og yrði kjörin í
spekingsstólinn þegar Spánn mætir
Chile á morgun.
Annars þarf ekki að leita lengi til að
finna konur sem myndu
vafalaust glaðar tala um
fótbolta. Íslendingar
eiga til dæmis landslið
í fótbolta sem hefur
ekki fengið á sig
mark á Laugar-
dalsvelli frá því
að núverandi
þjálfari tók
við. Allir
þessir sig-
urleikir hljóta
að gefa Hólmfríði Magnúsdóttur,
Katrínu Jónsdóttur og Margréti
Láru Viðarsdóttur spekingsleyfi.
Logi Geirsson er orðinn pabbi.
Hann og Ingibjörg unnusta hans
eignuðust lítinn dreng í gær. Mikil
hamingja er á heimilinu, en þau
eru afar samrýnd og kláruðu til að
mynda bæði nám í einkaþjálf-
un frá Keili á dögunum.
Engum sögum fer af
nafni á litla Logason,
en Logi er þekktur fyrir
allt annað en hug-
myndaleysi þannig að
það mun vafalaust
ekki vefjast fyrir
handbolta-
kappanum.
- afb
FÓLK Í FRÉTTUM