Fréttablaðið - 24.06.2010, Blaðsíða 30

24. JÚNÍ 2010 FIMMTUDAGUR4 ● metan
Fólksbílar, pallbílar, jeppar og
sendibílar af ýmsum gerðum og
tegundum ganga fyrir íslensku
metani í dag og fjölgar í hverri
viku með uppfærslu á núverandi
bílaflota. Reynslan af notkun elds-
neytisins hefur verið mjög góð
enda er íslenskt metan framleitt í
hæsta gæðaflokki með allt að 98%
hreinleika – 125 til 130 oktan elds-
neyti.
Vinir metanvæðingarinnar og
notendur á metaneldsneyti síðast-
liðin tíu ár eru fjölmargir – sveit-
arfélög, stofnanir, fyrirtæki og
einstaklingar – í stafrófsröð má
nefna:
Askja, Borgarholtsskóli, Borg-
arplast, Bílaleiga Akureyrar,
Brimborg, Einn Grænn, Efna-
móttakan, Eðalparket, Frumherji,
Garðyrkjuþjónustan, Gámaþjón-
ustan, GG-járnverktakar, GT verk-
takar, Hafnarfjarðarbær, Ham-
borgarafabrikkan, Hekla, Hreyfill,
Íslandspóstur, Kaninn, Landbún-
aðarháskóli Íslands, Lífsblómið,
Mannvit, Metan, Múli bílrétting-
ar, N1, Nings, Nýsköpunarmiðstöð
Íslands, Olíufélagið, Orkuveita
Reykjavíkur, Rafgeymasalan, REI,
Reykjavíkurborg, Síminn, SORPA,
Sólarfilma, Sparibíll, Sprautun,
Subway, Umhverfisstofnun, Vega-
gerðin, Vélamiðstöðin, Ölgerðin.
Listinn er engan veginn tæm-
andi enda fjölgar metan/bensín-
bílum í umferð daglega – ónefnd-
ir vinir eru beðnir velvirðingar að
þessu sinni.
Reykjavíkurborg hefur sett
fram stefnu sem styður við
notkun vistvænna bifreiða í
borginni.
Reykjavíkurborg hefur mark-
að stefnu sem stuðlar að auk-
inni notkun vistvænna bíla innan
hennar. Guðmundur B. Friðriks-
son, skrifstofustjóri hjá umhverf-
is- og samgöngusviði borgarinn-
ar, er öllum hnútum kunnugur um
málið.
„Stefnan er að stuðla almennt
að notkun orkugjafa sem eru
hvort tveggja í senn visthæfir
og fjárhagslega hagkvæmir, en
draga á móti úr notkun jarðefna-
eldsneytis sem er óvistvænna og
dýrara. Við viljum nýta í meiri
mæli þær auðlindir sem fyrir-
finnast á landinu, vetni, raforku
og metan og verða þannig sjálf-
bærara samfélag. Metan er sem
stendur besti kosturinn í stöðunni,
bæði er það ódýrasti orkugjafinn
og mestur umhverfislegur ávinn-
ingur af notkun þess.“
Inntur eftir því hvort Reykja-
víkurborg hafi áform um að
mæta fyrirsjáanlegri metannotk-
un borgarbúa í framtíðinni, segir
Guðmundur standa til að nýta sem
mest metan úr þeim lífræna úr-
gangi sem fellur til hjá borgarbú-
um. „Búið er að vinna svæðisáætl-
un um meðhöndlun úrgangs. Sam-
kvæmt henni ætlum við að auka
endurvinnslu eins og hægt er, þar
sem það er hagkvæmt út frá bæði
fjárhagslegum og umhverfisleg-
um sjónarmiðum. Framleiðsla á
metangasi kemur þar á eftir. Við
gerð áætlunarinnar leiddi skoðun
á mismunandi höndlun úrgangs í
ljós að brennsla er ekki hagkvæm-
ur kostur. Við munum því í aukn-
um mæli framleiða metangas; það
er framtíðarorkugjafi.“
Guðmundur getur þess að met-
anvinnslan sem fer fram á Álfs-
nesi muni þó uppfylla þarfir borg-
arbúa næstu árin. „Þótt menn séu
að kaupa sér bifreiðar sem ganga
fyrir metani verða þær löngu
orðnar úreltar þegar metangasið
á Álfsnesi klárast. Hins vegar er
stefnt að því að framleiða metan-
gas með mun markvissari hætti í
framtíðinni.“
Einn þáttur í stefnu Reykja-
víkurborgar í að stuðla að notkun
vistvænni orkugjafa felst í því að
helmingur ökutækja innan borg-
arinnar verði umhverfisvænn
eftir tíu ár. Hver verður þáttur
metans í því markmiði? „Metanið
sem við höfum þegar dugar ein-
hverjum þúsundum bíla og í fyrsta
kasti getum við tvöfaldað það með
heimilissorpinu,“ segir Guðmund-
ur. „Í framtíðinni er þó líklegt að
fyrrnefndu markmiði verði náð
með notkun tvinnbíla og ýmissa
vistvænna orkugjafa, vetnis, raf-
magns og metans, sem er nú hag-
kvæmast.“
Vilja fjölga vistvænum
ökutækjum í borginni
„Þetta er klárlega best geymda
leyndarmálið á markaðnum, þótt
það sé ekki nýtt fyrir okkur sem
störfum í bílabransanum,“ segir
Sigurður Kr. Björnsson, markaðs-
stjóri Heklu, þar sem menn eru
þeirrar skoðunar að metan sé einn
besti orkugjafi sem völ er á á mark-
aðnum í dag.
„Við komumst að þessari niður-
stöðu í kjölfar hrunsins þegar leita
þurfti leiða til að sporna við minnk-
andi bílasölu á Íslandi. Í framhaldi
spannst umræða um aðra, ódýrari
og umhverfisvænni valkosti en
jarðefnaeldsneyti. Það varð til þess
að við hjá Heklu fórum að kynna
okkur betur þann orkugjafa sem
nóg er af hérlendis og fellur ljós-
lega í þennan flokk, það er metan-
gas,“ útskýrir Sigurður.
Hann segir að af þessum sökum
leggi Hekla sig fram við að kynna
þennan valkost fyrir viðskipta-
vinum sínum. „Við bjóðum nú
bæði upp á fólksbíla og atvinnu-
bíla frá Volkswagen í metanút-
færslum, Volkswagen EcoFuel, en
þessir bílar eru umhverfisvænir,
á hagstæðu verði og aukabúnaður-
inn tekur ekkert pláss. Ég vil því
hvetja bíleigendur að kynna sér og
fá að prufukeyra þennan ódýra og
umhverfisvæna kost.“
Best geymda leyndarmálið
Hjá Heklu telja menn að metan sé einn besti orkugjafi sem völ er á að sögn Sigurðar.
FRÉTTABLAÐIÐ/VILHELM
Guðmundur segir stefnu Reykjavíkurborgar vera að stuðla að notkun vistvænna bíla
innan borgarinnar. „Í því samhengi get ég nefnt að borgin hefur sett fram skilgrein-
ingu á vistvænum bílum og þeir fá frítt í bílastæði, þar með talið sparneytnir dísil- og
bensínbílar sem losa lítið af gróðurhúsalofttegundum.“ FRÉTTABLAÐIÐ/ARNÞÓR
Vinum metanvæðing-
ar fjölgar daglega
Bílaumboðið Askja hefur hafið
sölu á einum umhverfismildasta
fólksbíl á markaðnum, Merced-
es-Benz B 180 NGT. Hann brennir
bæði bensíni og metangasi og er
einn af þremur bílum B-línunnar
sem uppfyllir markmið Merced-
es-Benz um að draga úr eldsneyt-
isnotkun og losun gróðurhúsaloft-
tegunda. Grunnverð B 180 NGT er
hjá Öskju 4.310.000 krónur.
Með B 180 NGT fær ökumaður
val um hvort bíllinn gangi fyrir
bensíni eða metangasi. Með því
að þrýsta á rofa á fjölaðgerðastýri
bílsins skiptir hann yfir á metan-
gas eða öfugt án þess að þess verði
vart í vinnslu bílsins.
Að sögn Sigurðar P. Sigfússon-
ar, sölustjóra Mercedes-Benz hjá
Öskju, þá notar bifreiðin aðeins 4,9
kg af metangasi (6,8 Nm3) á hverja
100 km. Á metangasi er hægt að
aka 300 km og á bensíni um það
bil 700 km eða allt að 1.000 km á
eldsneytisbirgðum. „Fyrstu bílarn-
ir sem komu til landsins eru seldir
en afgreiðslutími er skammur og
við fáum fleiri bíla í sumar,“ segir
Sigurður, fullviss um að hér séu
ein bestu bílakaupin á markaðn-
um í dag.
Umhverfismildir bílar
Mercedes-Benz B 180 NGT er kominn til landisns. Á næstunni mun Askja svo kynna
ýmsar nýjungar á stærri NGT metan/bensínbílum og einstaka þróun Mercedes Benz
á margvíslegum gerðum og útfærslum af Sprinter NGT metan/bensínbílum; farþega-,
grindar- og pallbíla með stórauknu ferðafrelsi á metanbirgðum og auknu afli.
Síðan 1996 hefur viðskiptavinum
Brimborgar gefist kostur á að taka
visthæf skref með Brimborg. Ýmis
verkefni hafa verið studd þar sem
aðrir orkugjafar en bensín eða dísil
eru notaðir, meðal annars metan,
vetni, rafmagn og etanól.
Nú er í reynsluakstri á megin-
landinu nýjung frá Volvo, dísil/
metan vörubíll, búinn fullkomnustu
tækni sem uppfyllir Euro 5-meng-
unarstaðalinn. Með slíkum vörubíl
væri mögulegt að spara gríðarleg-
ar fjárhæðir með orkuskiptum öku-
tækja í þessum flokki.
Volvo tvíorkuvörubíll gæti dreg-
ið úr útblæstri um allt að 80% en
einnig myndi langdrægni vörubíl-
anna aukast um nær fimmtíu pró-
sent vegna auka eldsneytistanka.
Þá er ótalin sú gríðarlega lækkun
á eldsneytiskostnaði sem fæst með
verðmismuni á metani og dísilolíu.
Með fjölgun afgreiðslustöðva
fyrir metan getur metanknúnum
ökutækjum fjölgað hratt í landinu
og er náið fylgst með þróun þessara
mála hjá Brimborg í takt við vist-
hæf skref fyrirtækisins.
Nýjung frá Volvo
Vörubíllinn frá Volvo er búinn tækni sem
uppfyllir Euro 5-mengunarstaðalinn.