Fréttablaðið - 29.10.2010, Blaðsíða 2

2 29. október 2010 FÖSTUDAGUR
Jóhann, ertu nokkuð að koxa
á þessu?
„Alls ekki, ég er ekki vanur að
bregðast þegar ríður á miklu.“
Jóhann Páll Valdimarsson bókaútgefandi
stendur fyrir komu kynlífsfræðingsins
Tracey Cox vegna útgáfu nýrrar bókar frá
henni.
NÁTTÚRA Eyjafjallajökull virð-
ist nú búinn að ná sínum fyrri lit
og blasti hvítur og tignarlegur
við ljósmyndara Fréttablaðsins í
Vestmannaeyjum.
Jökullinn var svartur ásýndar
eftir eldgosið í vor, en með kóln-
andi veðri og snjókomu á fjöllum
er hann aftur orðinn hvítur.
Enn stígur gufa úr jöklinum
enda hitinn lengi að hverfa eftir
gosið. Eldgosinu sjálfu er þó
löngu lokið. - bj
Ásýnd jökuls orðin eðlileg:
Eyjafjallajökull
er hvítur á ný
HVÍTUR Vestmannaeyingar geta nú séð
hvítan jökul á ný. Hér er Bjarnarey í
forgrunni. FRÉTTABLAÐIÐ/ÓSKAR P. FRIÐRIKSSON
SPURNING DAGSINS
SJÁVARÚTVEGUR „Sú ósanngjarna afstaða Nor-
egs og Evrópusambandsins, sem endurspegl-
ast í fáránlegri tillögu þeirra um 3,1 pró-
sents hlutdeild Íslands í makrílveiðunum á
næsta ári, veldur okkur miklum vonbrigðum.
Tillagan er algjörlega óraunhæf og ekki til
þess fallin að stuðla að lausn málsins,“ segir
Tómas H. Heiðar, formaður samninganefnd-
ar Íslands. Viðræður strandríkjanna fjög-
urra, Íslands, ESB, Færeyja og Noregs, hófust
í London á þriðjudag en þeim lauk síðdegis í
gær.
Tilboðið er runnið undan rifjum Norð-
manna, en er stutt af ESB. Það þýðir að kvót-
inn færi úr 130 þúsund tonnum niður í 26
þúsund tonn en veiðar Íslendinga í ár voru 17
prósent af veiðistofni.
Jón Bjarnason sjávarútvegsráðherra sagði
á aðalfundi LÍÚ í gær að tilboðið væri fráleitt.
Tómas segir að tillaga ESB og Noregs bendi
„eindregið til þess að þessir aðilar telji sig í
raun eiga makrílstofninn einir og séu þess
umkomnir að skammta Íslendingum og Fær-
eyingum smávægilega kvóta“.
Tómas segir að það hafi tekið mörg ár
fyrir Norðmenn og ESB að viðurkenna stöðu
Íslands sem strandríkis og sennilega þurfi
þeir að fá svigrúm til að venjast breyttu
útbreiðslu- og göngumynstri makrílsins. Í því
ljósi sé ef til vill óraunhæft að ætla að sömu
aðilar verði fljótir til að viðurkenna sann-
gjarna hlutdeild Íslands í makrílstofninum.
Ákveðið var að halda viðræðunum áfram í
London dagana 8.-12. nóvember. - shá
Norðmenn og Evrópusambandið bjóða Íslendingum 3,1 prósent af veiðistofni makríls:
„Þeir telja sig í raun eiga makrílstofninn“
FÓLK „Það voru nokkur rotin epli
sem skemmdu fyrir hópnum,“
segir Rögnvaldur Gunnar Gunn-
arsson, formaður Orators, félags
laganema, um ferð félagsins á
Þingvelli í síðasta mánuði.
Orator fer árlega með nýnema í
„vísindaferð“ á haustin á Þingvelli.
Jafnan eru einhverjir úr hópi eldri
nema með í förinni. Mörg næstlið-
in ár hefur ölvun verið áberandi í
þessum ferðum. Þingvallanefnd
lýsir ferðinni í síðasta mánuði sem
„skrílslátum“.
Samkvæmt upplýsingum Frétta-
blaðsins drukku leiðangursmenn
Orator margir áfengi ótæpilega á
för sinni um Almannagjá og víðar
um þjóðgarðinn og var framkoma
þeirra í samræmi við það.
„Menn eru eðlilega viðkvæmir
fyrir slíkri hegðun á Þingvöllum
því þetta er heilagur staður í huga
flestra,“ segir Álfheiður Ingadótt-
ir, formaður Þingvallanefndar,
sem kveður alls konar kvartanir
hafa borist vegna framgöngu Orat-
ors-liða og það ekki í fyrsta sinn.
Ölvun hafi um margra ára skeið
verið áber-
andi í þessum
haustferðum.
Álheiður
segir að hún
og Ólafur Örn
Haraldsson
þjóðgarðs-
vörður hafi í
kjölfarið rætt
við formann
og varafor-
mann Orat-
ors.
„Við erum mjög ánægð með það
samtal sem við áttum og stjórn
Orators hefur ákveðið hvernig
að þessu verður staðið framveg-
is. Næsta haust þegar laganem-
ar koma til Þingvalla þá verður
tekið á móti þeim eins og tekið er
best á móti gestum þjóðgarðsins.
Við viljum taka á móti laganem-
um sérstaklega á Þingvöllum með
viðeigandi hætti,“ ítrekar formað-
ur Þingvallanefndar.
„Við fórum á fund með þjóð-
garðsverði og formanni Þing-
vallanefndar og erum búin að setja
nýjar reglur um þessa ferð. Þannig
að þetta mun aldrei gerast aftur
og við erum búin að biðjast afsök-
unar. Okkur brá auðvitað og það
verður ekki leyft að hafa áfengi
um hönd í þessum ferðum fram-
vegis,“ segir formaður Orators og
undirstrikar að félagið snúist alls
ekki um áfengisdrykkju.
„Við veitum almenningi til
dæmis ókeypis lögfræðiaðstoð öll
fimmtudagskvöld og höfum stað-
ið fyrir málþingum um ýmis merk
mál á borð við gengistryggingu
lána og mansal,“ segir Rögnvald-
ur Gunnar Gunnarsson.
gar@frettabladid.is
Laganemar á teppið
eftir ferð á Þingvelli
Vísindaferð Orators, félags laganema, á Þingvelli endaði á teppinu hjá formanni
Þingvallanefndar og þjóðgarðsverði. Ástæðan er ofurölvun og skrílslæti. Stjórn
Orators baðst afsökunar. Laganemar lofa að vera allsgáðir á Þingvöllum að ári.
ÁLFHEIÐUR
INGADÓTTIR
Á ÞINGVÖLLUM Framkoma ölvaðra laganema í vísindaferð á Þingvöllum 10. september síðastliðinn varð til þess að fulltrúar
stjórnar félagsins þurftu að biðjast afsökunar á félögum sínum. FRÉTTABLAÐIÐ/
TÓMAS H. HEIÐAR
Formaður íslensku
samninganefndar-
innar segir tillögu
Noregs og Evrópu-
sambandsins hafa
valdið miklum
vonbrigðum.
FJÖLMIÐLAR Sigurður Elvar Þór-
ólfsson hefur verið ráðinn frétta-
stjóri íþrótta hjá 365 miðlum.
Hann mun hafa yfirumsjón með
íþróttafréttum
á Vísi, í Frétta-
blaðinu og í
fréttatímum
Stöðvar 2 og
Bylgjunnar.
Íþróttafrétta-
menn allra
þessara miðla
munu heyra
undir hann.
Þessi ráðstöf-
un er þáttur í vaxandi samvinnu
miðlanna. Með aukinni samvinnu
og samnýtingu starfskrafta á að
nýta betur sérþekkingu íþrótta-
fréttamannanna, að því er fram
kemur í frétt frá útgáfufélaginu.
Sigurður Elvar er menntað-
ur íþróttakennari og lauk fram-
haldsnámi frá Íþróttaháskólanum
í Ósló. Hann hefur starfað sem
íþróttafréttamaður á Morgun-
blaðinu og mbl.is síðastliðin tíu ár,
síðustu tvö árin sem fréttastjóri
íþróttafrétta.
Íþróttafréttastjóri 365 miðla:
Sigurður Elvar
ráðinn til starfa
SJÁVARÚTVEGUR Grundvöllur afla-
markskerfisins er brostinn fari
ríkisstjórnin fyrningarleiðina í
sjávarútvegi,
sagði Adolf
Guðmunds-
son, formað-
ur Landssam-
bands íslenskra
útvegsmanna, á
aðalfundi sam-
bandsins í gær.
Hann sagði
að undan-
farin ár hafi
verið dregið verulega úr veið-
um á mörgum fiskistofnum til að
byggja þá upp. Til lítils hafi verið
barist nái hugmyndir stjórnvalda
fram að ganga.
Adolf sagði marga sem vilja
nú breyta reglum eða skattleggja
sjávarútveginn sérstaklega segj-
ast drifnir áfram af sanngirni,
jafnræði og mannréttindum.
Lítið fari hins vegar fyrir áherslu
á mannréttindi þeirra sem starfi
í sjávarútvegi. - bj
LÍÚ gagnrýnir fyrningarleiðina:
Grundvöllur
kerfis brostinn
SIGURÐUR ELVAR
ÞÓRÓLFSSON
ADOLF
GUÐMUNDSSON
GRÆNLAND Jonathan Motzfeldt,
fyrrverandi formaður græn-
lenska Siumut-flokksins, féll frá í
gær, 72 ára að
aldri.
Motzfeldt
hafði glímt við
krabbamein,
en var í gær
lagður inn á
sjúkrahús með
lungnabólgu.
Þar lést hann af
völdum heila-
blæðingar, að
því er fram kemur á fréttavefnum
Sermitsiaq.
Motzfeldt var formaður Siumut
frá 1977 til 2002, með þremur
stuttum hléum. Hann sat á græn-
lenska landsþinginu frá 1979 til
2009. Hann var formaður lands-
stjórnarinnar frá því Grænland
fékk heimastjórn árið 1979, allt til
ársins 1991, og aftur frá 1997 til
2002. - bj
Virtur leiðtogi kveður:
Jonathan Motz-
feldt fallinn frá
JONATHAN
MOTZFELDT
DÓMSMÁL Hæstiréttur hefur
dæmt Jón Dagbjartsson í tveggja
ára fangelsi fyrir kynferðisbrot
gegn ungri stúlku sem var vist-
uð á meðferðarheimilinu Árbót í
Aðaldal. Jón, sem er 42 ára, var
þar starfsmaður. Hann á jafn-
framt að greiða stúlkunni 1.250
þúsund krónur í skaðabætur.
Héraðsdómur Norðurlands
eystra hafði áður dæmt Jón í
tveggja og hálfs árs fangelsi og
sömu skaðabóta. Maðurinn var
sýknaður af ákæru um brot gegn
annarri stúlku sem vistuð var á
Árbót. -jss
Fyrrum starfsmaður dæmdur:
Braut gegn
stúlku á með-
ferðarheimili
FJÖLMIÐLAR Bleiki hnefinn –
aðgerðahópur róttækra kynvill-
inga skorar á Ríkisútvarpið (RÚV)
að taka upp orðið transfólk í stað
orðsins kynskiptingur. Þetta á við
þegar fjallað er um þá einstakl-
inga sem falla ekki að hefðbundn-
um hugmyndum um tvískiptingu
kynjanna.
Samtökin Trans-Ísland hafa
farið þess á leit við RÚV að hætta
notkun á orðinu kynskiptingur, þar
sem sumum einstaklingum þyki
það niðrandi og neikvætt. Einnig er
tekið fram í tilkynningu sem Bleiki
hnefinn sendi frá sér að með notk-
un á orðinu sýni RÚV fram á virð-
ingarleysi þar sem sumum þyki
orðið særandi.
Ásgrímur Angantýsson, málfars-
ráðunautur RÚV, kannast ekkert
við málið og fullyrðir að það hafi
aldrei komið inn á borð til sín. Ef
honum hefði borist slík beiðni hefði
hann svarað henni og tekið hana til
fullrar athugunar. Hann fagnar því
að heyra þessa tillögu lagða fram
og sér ekkert því til fyrirstöðu um
að taka upp orðið transfólk í stað-
inn fyrir orðið kynskiptingar.
„Ég sé enga ástæðu til þess að
útiloka það að notkun á orðinu
verði tekin upp, alls ekki,“ segir
Ásgrímur. „Þetta er notað, sums
staðar í formlegu samhengi eins
og í lagafrumvarpi og víðar.“ - sv
Aðgerðahópur skorar á Ríkisútvarpið að hætta notkun á orðinu kynskiptingur:
Notkun orðsins þykir særandi
ÚTVARPIÐ Málfarsráðunautur útilokar
ekki notkun orðsins transfólk.
FRÉTTABLAÐIÐ/GVA
KÍNA, AP Hraðasta ofurtölva heims
er í Kína, samkvæmt tilkynningu
á vef kínverskra tölvurannsókna í
gær. Tölvan heitir Tianhe-1 og er
í Þjóðarmiðstöð fyrir ofurtölvur í
hafnarborginni Tianjin.
Tölvan ræður við samfelldan
útreikning 2.507 petafloppa, sem
sagður er samsvara 2.507 trillj-
ónum útreikninga á sekúndu.
Á toppi opinbers lista yfir ofur-
tölvur, TOP500, trónir nú tölva
orkumálaráðuneytis Bandaríkj-
anna, Cray XT5 Jaguar. Sá listi
er uppfærður á hálfsársfresti. - óká
Skilar 2.507 petafloppum:
Hraðasta ofur-
tölvan er í Kína