Fréttablaðið - 29.10.2010, Side 41

Það ættu allir að vita um hvað
Fifa-leikirnir snúast og því algjör
óþarfi að eyða orðum í að útskýra
grunnspilun Fifa-leikjanna. Þess í
stað ætti frekar að einblína á hver
munurinn er á Fifa 10 og Fifa 11.
Helsti munurinn, að minnsta
kosti hvað spilun varðar, er sá
að nú geta leikmenn stjórnað
markvörðunum. Það er tiltölulega
auðvelt að stjórna hinum hanska-
klæddu hetjum, en það verður
að segjast að markvarðarstarfið
í Fifa 11 er með þeim leiðinlegri í
bransanum, sérstaklega á lægri
styrkleikunum þar sem koma varla
skot á markið.
Annað sem hefur verið bætt er
hegðun leikmanna. Varnarmenn
hanga utan í sóknarmönn-
um líkt og smábörn með
aðskilnaðarkvíða og gera
þar af leiðandi sóknarleik-
inn erfiðari.
Einn áþreifanlegur galli
við Fifa 11 er hversu mis-
tæk gervigreind leikmanna
er. Stundum geta liðsfé-
lagar manns spilað eins
og lið sem samanstendur
af tíu Ronaldo-klónum en
þess á milli eru knatt-
spyrnuhæfileikar þeirra til
jafns við geitur sem telja
að besta leiðin fram hjá
varnarmanni sé í gegnum
hann. Þessi galli getur
verið einstaklega pirrandi, en
sem betur fer gerir hann
nánast eingöngu vart við
sig í career-mode, þar sem
einungis einum leikmanni
er stjórnað. Talandi um
career-mode þá hefur
verið pússað upp á það og
nú geta leikmenn hlakkað
til að bíða margar mínútur
á milli leikja og lesa tölvu-
póst um meiðsli liðsfélag-
anna. Langt frá því að vera
spennandi viðbót.
En kjarni Fifa-leikjanna
hefur alltaf verið fótbolt-
inn og þar stendur leikur-
inn rækilega undir vænt-
ingum, ef maður sleppur
við að spila með geitunum.
POPPLEIKUR: FIFA 11
GEITUR KUNNA EKKERT Í FÓTBOLTA
ROO! Ólíkt raunveruleikanum er Wayne Rooney ekki frekt, ofalið og ofvaxið barn í Fifa 11.
Sú var tíðin að Medal of Honor-
leikirnir voru það allra heitasta á
tölvuleikjamarkaðnum. Með tíman-
um döluðu þó gæði leikjanna og sá
síðasti, Medal of Honor: Airborne,
hefði átt að vera leiddur beint fyrir
aftökusveitina í stað þess að vera
hleypt á markaðinn. Nú hefur EA
ákveðið að blása nýju lífi í serí-
una og hefur því gefið út Medal
of Honor, fyrsta leikinn í seríunni
sem gerist ekki í seinni heimsstyrj-
öldinni. Nú hefur serían loksins
losað sig við sagnfræðiblætið og
ræðst á nútímann, nánar tiltekið
hernaðarbrölt Bandaríkjamanna í
Afganistan.
Leikmenn fara í hlutverk nokk-
urra mismunandi hermanna og
fylgja þeim í gegnum 2-3 daga af
hörðum stríðsátökum. Saga
leiksins er svo sem ágæt en
hún er í styttri kantinum,
ekki nema 5-6 klukkutímar.
Til að reyna að vega á móti
þessu kynnir leikurinn til
sögunnar svokallaðan Tier
1 spilunarmöguleika þar
sem leikmenn spila aftur
í gegnum sögu leiksins í
kapp við tímann nema nú
eru checkpoint-ar kvaddir
og erfiðleikastigið stillt í
topp.
Enginn skotleikur með
vott af sjálfsvirðingu vogar
sér að koma á markaðinn
án þess að skarta einhvers
konar netspilun, Medal of Honor
er þar engin undantekning. Menn
geta böðlast um í fjórum
mismunandi leikjategund-
um, með þrjá mismunandi
hermannaklassa, á átta mis-
munandi vígvöllum og er
alveg hægt að hafa gaman
af því í einhvern tíma.
Sem skotleikur er Medal
of Honor meira en viðun-
andi. Hann skilar stuttri, en
hnitmiðaðri sögu sem fer
ekki yfir í yfirgengilegan
kjánaskap eins og Modern
Warfare 2. Framleiðendur
leiksins hafa stýrt þessu
fyrrverandi hernaðarveldi
á rétta braut og eiga skilið
að fá orðu fyrir viðleitnina.
Vonandi verður næsti leikur bara
enn betri.
POPPLEIKUR: MEDAL OF HONOR
ORÐA FYRIR VIÐLEITNI
VOPNAÐUR Þegar barist er fyrir frelsi hins vestræna heims er enginn tími til að raka sig.
karlmanna nota Facebook reglulega. 12% nota ekki Facebook vegna þess að þeim
finnst síðan tilgangslaus.70%
GRAFÍK
HLJÓÐ
SPILUN
NIÐURSTAÐA
ENDING
MEDAL
OF
HONOR
4/5
4/5
4/5
5/5
3/5
GRAFÍK
HLJÓÐ
SPILUN
NIÐURSTAÐA
ENDING
FIFA 11
5/5
4/5
4/5
4/5
4/5
Zoom H4n
kr. 48.900-
Zoom Q3
kr. 59.000-
Zoom H1
kr. 19.800-
Zoom H2
kr. 35.800-
Handhæg up
ptökutæki
frá Zoom á f
rábæru verð
i!
Þér er í
lófa lagið
að taka upp
Hjá okkur fæ
rðu
faglega þjó
nustu,
byggða á þ
ekkingu
og áratuga
reynslu.