Fréttablaðið - 29.10.2010, Blaðsíða 51

• 13
HOLLYWOOD
HVER TEKUR
VIÐ AF PARIS?
Heimurinn stóð á öndinni þegar partídrottningin Paris Hilton lýsti því yfir að hún
væri hætt að djamma. Hilton hefur verið ókrýnd drottning næturlífsins síðustu ár
og goldið fyrir það með fjölmörgum handtökum fyrir ýmis konar brot. Í nýlegu
viðtali talar Hilton um nýja kærastann sinn og dóttur hans, en hún nýtur þess að
eyða tíma með henni í staðinn fyrir að fara út á kvöldin. „Ég held að barneign-
ir séu tilgangur lífsins,“ sagði hún. „Ég vil eignast nokkur börn þegar ég byrja á
því. Það er erfitt að alast upp sem einbirni og ég naut þess að alast upp í stórri
fjölskyldu.“ Heimsbyggðin veltir nú fyrir sér hver tekur við krúnunni af Hilton og
verður nánast daglega í fréttum vegna partístands, eiturlyfjanotkunar og ölvunar-
aksturs. Hver er næsta Paris Hilton?
Kim Kardashian
Aldur: 30
Kardashian á það sameiginlegt með Hilton
að vera erfingi talsverðra auðæfa. Eins og
Hilton komst hún fyrst í fréttirnar þegar
kynlífsmyndband hennar og fyrrverandi
kærasta fór í dreifingu. Hún virðist þó hafa
róast mikið síðan þá og er ekkert sérstak-
lega líkleg til að taka við af Paris Hilton.
Einkunn:
Miley Cyrus
Aldur: 17
Fatastíll Miley Cyrus, líkt og Paris Hilton,
hefur þótt afar ögrandi og jafnvel óviðeig-
andi vegna aldurs hennar. Það verða að telj-
ast góðar líkur á því Cyrus fari sömu slóðir
og Hilton í framtíðinni enda elskar hún að
hneyksla þótt hún hafi ekki enn þá tekið
upp drykkjusiði djammdrottningarinnar.
Einkunn:
Taylor Momsen
Aldur: 17
Taylor Momsen rembist við að ögra í hvert
einasta skipti sem hún fær tækifæri til.
Þrátt fyrir aldur sinn talar hún opinskátt
um kynlíf í viðtölum og komst í fréttirnar
á dögunum þegar hún beraði brjóstin á
tónleikum. Momsen er afar líklegur arftaki
Hilton og mun ekki eiga í erfiðleikum með
að feta í fótspor hennar.
Einkunn:
Snooki
Aldur: 22
Kannski kannast ekki margir Íslendingar
við Snooki, en hún er orðin mjög þekkt í
Bandaríkjunum fyrir skelegga framkomu
í þáttunum Jersey Shore. Hún er sturl að-
ur djammfíkill sem svífst einskis. Það er
aðeins tímaspursmál hvenær kynlífsmynd-
band með henni lekur á netið og það
verður að teljast mjög líklegt að hún feti í
fótspor Hilton, enda er hún þegar byrjuð.
Einkunn: