Morgunn - 01.06.1943, Page 24

18
MORGUNN
Þá þaut úrverk þvert yfir gólfið.
Skyndilega fór þungt borð að hreyfast upp af gólfinu-
Maðurinn, sem sat þar hjá, sagði rólega og þó með nokkr-
um hátíðleik: „Borðið er farið!“ Ljósmyndin staðfesti
þetta. Þið sjáið borðið á myndinni, sem ég birti hér í
blaðinu. Ég er reiðubúinn að staðfesta með eiði, að miðill-
inn hreyfðist aldrei úr stólnum sínum. Borðið kom niður
á gólfið aftur í miðjum hringnum. Bók, sem á því var,
hafði ekki haggazt.
Ég staðhæfi, að engin mannleg vera í herberginu snerti
borðið. Ég prófaði þyngd þess eftir á. Það hefði þurft
röskan pilt til að lyfta því.
Hvað stoða rengingarnar ? Hvað stoðar trúleysið?
Ég veit það ekki. Spyrjið mig ekki að því. En reynið
ekki að telja mér trú um, að þessir undarlegu, já, nærri
ægilegu hlutir hafi ekki raunverulega gerzt!
Ég var þarna. Ég sá þetta gerast. Ég kom þangað til
að spotta.
En brosið er að smá-hverfa af andlitinu á mér.
Cassandra“.
2.
Bernard Grey er kunnur blaðamaður við stórblaðið
SUNDAY PICTORIAL. Hann kynntist fyrirbrigðunum
hjá Jack Webber og skrifaði síðan ítarlegar fundarskýrsl-
ur, sem blað hans birti. Hann var áður ókunnur miðla-
fyrirbrigðum, þótt ekki verði séð, að hann væri þeim ánd-
vígur, eins og Cassandra hafði verið, en svo gagntekinn
varð hann af fundunum, sem hann sótti hjá Webber, að
hann skrifaði í fundarskýrslu sinni, er blaðið birti, á
þessa leið:
„Mig vantar nú að eins hina endanlegu sannfæring. Að
fá hana skiptir nú meira máli fyrir mig en Hitler og
möndulveldin, já, meira máli en allar ógnir hernaðarins.
Þess vegna hefi ég beðið ritstjórann að gefa mér frí frá
að skrifa um stjórnmál um stund, svo að ég geti helgað