Morgunn - 01.06.1943, Síða 31

MORGUNN
25
Indriði miðill.
Endurminningar Brynjólfs Þorlákssonar söngkennara.
Þórbergur Þórðarson færði í letur. — Víkingsútgáfan.
Unuhúsi, Garðastræti 15—17. Reykjavík 1942.
Þetta er merkileg bók um merkilegan mann. Hún er
endurminningar nákunnugs og óljúgfróðs manns um einn
bezta miðil, sem uppi hefir verið, — færð í letur af ein-
hverjum snjallasta rithöfundi vorum og samvizkusamasta
frásagnarmanni. Að vísu var margt eða flest af þessu efni
kunnugt áður, en hér fæst óháð staðfesting á hinum mestu
undrum, sem gerðust fyrir miðilsgáfu Indriða, svo sem
handleggshvarfinu og fleiru. Þórbergur hefir einnig gert
bókina fullkomnari með því, að færa sér í nyt fundabækur
Tilraunafélagsins, það sem þær ná, og ennfremur minn-
ingar og frásagnir kunnugra manna annarra, sem hann
hefir náð til, — að því ógleymdu, sem þeir Einar H. Kvar-
an, Guðmundur próf. Hannesson og Haraldur próf. Níels-
son hafa um málið ritað.
Það er að vísu ekki vísindalegt snið á bók þessari, með
tilvitnunum og neðanmálsgreinum, enda örðugt að koma
því við, en hún er í bezta skilningi alþýðlegt fræðirit um
merkilega atburði, sem ollu miklu róti á hugum manna á
sinni tíð og gerðu því miður augljósa afturhaldssemi
sumra og fjandskap þeirra gegn markverðum nýjungum,
en ekki skal farið frekar út í það að þessu sinni.
Búast má við því, að ýmsum þyki ótrúlegt sumt af því,
sem hér er frá sagt, en hliðstæð atvik hafa gerzt og gerast
stöðugt út um allan heim og eru marg-sönnuð. Það er fá-
fræðin ein, sem neitar fyrirbærunum nú orðið, en um
skýringarnar á þeim er það að segja, að flestir þeir menn,
sem lengst hafa rannsakað og bezt kynnt sér þessi efni,
eru þeirrar skoðunar, að spiritistiska skýringin sé lang-
sennilegust og þó að hún skýri ekki öll dularfull fyrir-