Kylfingur - 01.01.1944, Page 32

30
KYLFINGUR
Eins og álykta má af framanrituðu, krafðist völlur þessi all ítar-
legra sérreglna. Var og margs að gæta við samningu þeirra. Aður
hefur verið frá því skýrt, að landiö er aðal bithagi Valla og voru
því hestar og kýr jafnan þar á beit. Voru kýrnar einkum áhugasamir
áhorfendur og virtist svo sem þeim þætti mikið til koma hinna fögru
og litskrúðugu flatarflagga, enda héldu þær sig mjög í námunda við
þau. Jafnan hopuðu þær þó fyrir hinum herskáu kylfingum, en við
bar, að þær skyldu eftir all hvimleiðar menjar komu sinnar þar og
yllu leikendum nokkurrar fyrirhafnar. En skylt er að geta þess, að
kappleikanefndin sá við þessu sem öðru, af mikilli framsý/ii, eins
og sjá má af sérreglunum, sem hér fara á eftir:
Sérreglur fyrir golfvöllinn að Völlum í Shagafirði.
1. gr.
Ef bolti fellur í tað eða mykju á vellinum má taka hann upp
og láta hann falla skv. St. Andrew’s golfreglum.
2. gr.
Ef bolti lendir í sandgryfju, sem merkt er með tréhæl, má t;.ka
hana upp og láta hana falla skv. St. Andrew’s golfreglum.
3. gr.
Ef bolti grefst í sand má sópa sandinum af efri helming hans,
áður en hann er sleginn.
4. gr.
Fótspor og aðrar ójöfnur eftir keppendur í sand-hindrunum ber að
jafna út og afmá.
5. gr.
Ef vafi telst á, hvort bolti sé ósláanlegur eða ekki, ber að slá
hann eins og hann liggur, en láta jafnframt annan bolta falla skv.
St. Andrew’s golfreglum og leika báðum í liolu, en síðan láta dóm-
nefnd skera úr um vafann.
6. gr.
Melar, sem ekki eru merktir með tréhæl, eru hindranir, sem slá
verður úr. Þó er melbakkinn meðfram Vötnunum ekki hindrun, heldur
vallartakmörk, og er því bolti utan vallar, ef hann fellur út fyrir
þennan melbakka (á 1., 2., 3., 4., og 9. braut).
7. gr
Á 4. og 5. braut má hreyfa bolta með kylfunni um 1 kylfu-
lengd, en ekki nær holu.
8. gr.
Á 7. og 8. braut má á sama hátt hreyfa bolta, er fellur og grefst
í mýri.