Kylfingur - 01.01.1944, Page 54

52
KYLFINGUR
netto skor og plús/mínus mismunur hvers keppanda í hverj-
um kappleik, svo að skýrt megi sjá í hverri keppni eftir
aðra hvernig hann ver forgjöf sína.
5. gr.
Nefndinni ber að bóka fundargerðir sínar stuttlega í
bók, er stjórnin leggur til og ber öllum viðstöddum fundar-
mönnum að rita nöfn sín undir í lok fundarins. Bókina ber
að geyma ásamt öðrum skjölum nefndarinnar í geymslu. er
félagsmenn eiga ekki beinan aðgang að og stjórnin leggur
henni til. Ber nefndinni að afhenda stjórninni þau skjöl
öll í lok leikárs.
6. gr.
Veigamiklar kærur og ágreiningsatriði út af forgjöfum
ber nefndinni að leggja fyrir stjórn klúbbsins til úrskurð-
ar. Ber nefndinni að geyma öll útfyllt golfkort til loka leik-
ársins og láta þau stjórn klúbbsins í té hvenær sem hún óskar.
Starfsreglur.
(Samþykktar á golfþinginu, 1944).
Kappleikanefnd er skipuð af stjórn klúbbsins á fyrsta
stjórnarfundi eftir aðalfund. I hana skal skipa 3—5 áhuga-
sama iðkendur golfleika. Formaður nefndarinnar getur,
ásamt formanni og ritara klúbbsins, skipað varamenn um
stundarsakir, ef ekki mæta nægilega margir til að sjá um
kappleik, annars skipar stjórn klúbbsins varamenn eða uýja
menn, eftir því sem formaður nefndarinnar óskar, ef ein-
hver nefndarmanna forfallast eða sinnir ekki kalli um
nefndarstörf.
Nefndin kýs sér formann, ritara og gjaldkera og bók-