Kylfingur - 01.01.1944, Page 55

KYLFIXGUR
53
færir kappleika og aðrar gerðir sínar, og skrifa allir við-
staddir nefndarmenn undir hverja fundargjörð.
2. gr .
Sambandsstjórn, í samráði við hlutaðeigandi klúbb-
stjórn, ákveður ,,par“ á golfvöllum, en klúbbstjórn setur sér-
reglur í samráði við kappleikanefnd. Kappleikanefnd gerir
tillögur um þátttökugjald í kappleikum til klúbbstjórnar,
og afhendir það að hverjum kappleik loknum til gjald-
kera klúbbsins. Klúbbstjórn getur falið henni að sjá um
prentun á golfkortum, enda ber henni að gera klúbbstjórn
aðvart, ef hún verður þess áskynja að upplag golfkorta nægi
ekki til næsta mánaðar.
3. gr.
Kappleikanefnd auglýsir kappleika leikársins þegar er
séð verður að vorinu hvenær leikar muni geta hafist, og
ekki síðar en við opnunarkeppni leikársins. Skal hún til-
kynna bréflega öllum félögum klúbbsins leikskrá sumarsins
og auk þess festa hana örugglega upp á töflu í klúbbhúsinu
og ennfremur í ytri forstofum þess, svo að aðkomu leik-
endur, sem ekki hafa aðgang að húsakynnum klúbbsins,
geti séð hvenær þeir geti fengið aðgangskort til leika. Ber
að taka greinilega fram á tilkynningum, að vallarafnot séu
ekki leyfð öðrum en keppendum meðan kappleikur stendur
yfir. Ætla skal hún rúm fyrir aukakeppnir og á sínum tíma
færa þær inn á hinar uppfestu tilkynningar áður en þær
eru haldnar. (Sjá 4. gr.)
4. gr.
Ekki má breyta eða færa til auglýsta keppni, né fresta
henni eða fella hana niður, nerna illviðri eða ónóg þátttaka
hamli. Hinsvegar má bæta inn í smákeppnum um helgar,
þar sem engar keppnir voru auglýstar í leikskrá ársins. Þær
keppnir skal þá auglýsa í dagblöðunum eða á annan áber-
andi hátt með 1—2 sólarhringa fyrirvara. Æskilegt er að
nefndin geti án mikils kostnaðar, látið minna félaga á aug-
lýsta keppni, jafnóðum og þær nálgast.