Kylfingur - 01.01.1944, Qupperneq 58

50
KYLFINGUR
til aðalgjaldkera klúbbsins, skv. síðari greinum. Launaða að-
stoð fær nefndin greidda og fastlaunaða starfsmenn getur
stjórn klúbbsins falið vallarnefnd að ráða. (sjá 7. gr.)
2. gr.
Starf vallarnefndar er að annast friðun og vörzlu golf-
vallarins allt árið, undirbúa völlin til leika jafnskjótt og
tíðarfar leyfir notkun hans, halda vellinum í leikhæfu standi
meðan tíðarfar leyfir golfleik á vellinum, og búa völlinn
undir veturinn. Vallarnefnd ber sérstaklega að sjá um, að
völlurinn verði ekki notaður, ef alvarlegar skemmdir á hon-
um eru fyrirsjáanlegar vegna holklaka eða vatnsaga.
3. gr.
Vallarnefnd ber að gera allar hugsanlegar ráðstafanir
til þess að girða fyrir að skepnur komist á völlinn, einkum
þegar vorar og grasvörðurinn er meir og ræturnar viðnáms-
litlar. Hún á heimtingu á að allir félagsmenn veiti henni
aðstoð í þessu, með því að tilkynna henni ef þeir verða var-
ir við skepnur á vellinum, og ef þeir hafa hugboð um hvar
og með hverjum hætti þær hafi kamist inn.
Vallarnefnd ber að sjá um að halda við girðingunum,
hafa þær í lagi, stigaþrep á þeim þar sem vænta má að
kylfingar þurfi um að ganga til að ná boltum utan vallar,
og að koma í veg fyrir átroðning og skemmdir af óviðkom-
andi fólki.
4. gr.
Vallarnefnd ber að fylgjast með hvenær frost byrjar að
fara úr vellinum á vorin, til þess að geta bannað leik á
honum, valtað hann þegar hann þiðnar, en áður en hann
verður of þurr, og láta dreifa á hann áburði. Hún lætur,
eftir því sem kostur er, flatir fá sérstaka meðferð, sem þeim
tilheyrir (topdressing) og sérstaklega góða völtun. Hún und-
irbýr flögg, stengur og potta í flatirnar og brautir og teiga
undir leik, og vinnur með kappleikanefnd að opnun leik-
ársins. Allt leikárið sér hún um slátt brauta og flata og und-
irbúning þeirra undir kappleiki (völtun, slátt og h’oluflutn-
ing). Að haustinu býr hún völlinn undir veturinn.