Fréttablaðið - 09.11.2010, Blaðsíða 6

6 9. nóvember 2010 ÞRIÐJUDAGUR
Kynningarfundur um
Þróunarsjóð EFTA

Fulltrúar sjóðsins halda sérstakan kynningarfund um áherslur
í starfsemi hans á nýju starfstímabili og möguleika á samstarfi
við styrkþega sjóðsins í utanríkisráðuneytinu, miðvikudaginn 10.
nóvember nk. kl. 10-12.
Þróunarsjóður EFTA er starfræktur til að draga úr efnahagslegu og
félagslegu misræmi milli svæða innan Evrópska efnahagssvæði-
sins. Sjóðurinn er um þessar mundir að hefja nýtt starfstímabil og
mun samtals starfa á 17 áherslusviðum. Þau taka m.a. til endur-
nýjanlegra orkugjafa, umhverfismála, lýðheilsu, jafnréttismála og
varðveislu menningarverðmæta auk þess sem gert er ráð fyrir að
reknar verði áætlanir um rannsóknir og skólastyrki.
Styrkþegar sjóðsins eru auk nýju aðildarríkja Evrópusambandsins
í A-Evrópu Grikkland, Spánn og Portúgal. Annað meginmark-
mið sjóðsins á nýja starfstímabilinu er að styrkja tvíhliða tengsl
milli þessara ríkja og EFTA-ríkjanna sem taka þátt í EES. Ýmsir
möguleikar eru á samstarfi í því skyni, bæði með rekstri sam-
starfsáætlana og þátttöku í fyrirfram skilgreindum verkefnum.
Allir sem áhuga hafa á að kynna sér samstarfsmöguleika við
sjóðinn eru velkomnir á fundinn en þátttaka óskast tilkynnt á
netfangið: gyda.einarsdottir@utn.stjr.is
Nánari upplýsingar um sjóðinn og áherslusvið á nýja starfstíma-
bilinu er að finna á eftirfarandi slóð:
http://www.eeagrants.org/id/1940
Utanríkisráðuneytið
INDÓNESÍA, AP Þúsundir flúðu heim-
ili sín undan rótum eldfjallsins Mer-
api í Indónesíu í gær. Opinber við-
vörun var gefin út um að eldfjallið
gæti gosið aftur hvenær sem væri
og fjölmenntu íbúar inn í rútur, lest-
ir og bíla til að flýja í kjölfarið.
Fjöldaútför var haldin á sunnudag
fyrir þá 141 sem höfðu látið lífið í
eldgosinu á síðustu tveimur vikum,
en þetta er mannskæðasta gos sem
hefur orðið í fjallinu á síðustu 80
árum.
Nálægasti flugvöllur á svæðinu
hefur verið lokaður vegna ösku
síðustu daga. Hefur því umferð til
höfuðborgarinnar Jakarta tvöfald-
ast og er orðin mjög þung. Mörg
flugfélög hafa þó hætt við flug til
höfuðborgarinnar vegna öskufalls.
Merapi er eitt af virkustu eldfjöll-
um heims og hafa gosin á síðustu öld
orðið meira en 1.400 manns að bana.
Á föstudaginn síðasta var tala lát-
inna orðin sú hæsta síðan 1930.
Samkvæmt íslömskum trúar-
brögðum skal grafa hina látnu
eins fljótt og auðið er og fengu ætt-
ingjar fórnarlambanna þrjá daga
til að bera kennsl á ástvini sína.
Var líkunum síðan komið fyrir
í fjöldagröf, sem er algengt í
Indónesíu þegar hörmungar sem
þessar dynja yfir. - sv
Mannskæðasta eldgos Merapi í áttatíu ár:
Þúsundir manna flýja
MERAPI Í INDÓNESÍU Sjálfboðaliði beinir íbúum leið frá rótum eldfjallsins.
FRÉTTABLAÐIÐ/AP
Telur þú að þjóðfundurinn skili
góðum árangri?
JÁ 40,8%
NEI 59,2%
SPURNING DAGSINS Í DAG:
Ætlar þú að kjósa í kosningum til
stjórnlagaþings 27. nóvember?
Segðu þína skoðun á visir.is
MENNTAMÁL SAMFOK, sam-
tök foreldra grunnskólabarna í
Reykjavík, lýsa yfir áhyggjum
af fyrirhuguðum niðurskurði á
menntasviði Reykjavíkurborgar
þriðja árið í röð.
Guðrún Valdimarsdóttir, for-
maður SAMFOK, segir helsta
áhyggjuefnið vera að fjárveiting-
ar til skólanna muni vart duga til
að fylgja ákvæðum grunnskóla-
laga að fullu.
„Við höfum verið í samráði
með niðurskurðinn hingað til og
skiljum þörfina á honum,“ segir
Guðrún. „En nú höfum við mikl-
ar áhyggjur af því að kerfið þoli
ekki meira og að gæði skóla-
starfsins muni skerðast.“ - sv
SAMFOK lýsa yfir áhyggjum:
Telja að gæði
skólastarfs
muni skerðast
Bæjarráð Hafnarfjarðar segir sér ekki
fært að verða við ósk Þórdísar Kötlu
Bjartmarz um fjárstyrk til að sækja
leiðtoganámskeið á Suðurskauts-
landinu í mars á næsta ári.
HAFNARFJÖRÐUR
Suðurskautsfara hafnað
BÚRMA, AP Að minnsta kosti tíu
þúsund manns hafa flúið yfir
landamærin til Taílands vegna
bardaga milli stjórnarhers
Búrma og uppreisnarhers karena.
Bardagar brutust út í kjölfar
þingkosninga í Búrma, sem
haldnar voru um helgina. Kosn-
ingarnar hafa verið harðlega
gagnrýndar, og þykja eingöngu
til þess ætlaðar að styrkja völd
herforingjastjórnarinnar í
Búrma.
Karenar hafa barist, með mis-
löngum hléum, gegn herforingja-
stjórninni áratugum saman. - gb
Átök í kjölfar kosninga:
Þúsundir hafa
flúið frá Búrma
FLÚNIR TIL TAÍLANDS Hópur flótta-
manna kominn yfir landamærin.
NORDICPHOTOS/AFP
ALÞINGI Það er forseta Íslands að
ákveða hvort hann skjóti Icesave-
málinu til þjóðarinnar öðru sinni,
sagði Össur Skarphéðinsson utan-
ríkisráðherra á Alþingi í gær.
Þar svaraði hann fyrirspurn Sig-
mundar Davíðs Gunnlaugssonar,
formanns Framsóknarflokksins.
Sigmundur spurði hvort Össuri
þætti ekki hæpið að ljúka málinu
án þess að þjóðin fengi að eiga síð-
asta orðið, í ljósi þess að þegar hafi
verið gengið til þjóðaratkvæðis um
Icesave-samningana einu sinni.
„Ég tel að þetta mál eigi að
koma til þingsins, og þingið eigi að
afgreiða það. Það er síðan þannig
að forsetinn hefur þennan rétt,
sem hann hefur nýtt sér áður. Ég
spái ekkert í gang himintungla
varðandi niðurstöðu hans,“ sagði
Össur.
Fyrri samningi sem náðist
við Breta og Hollendinga vegna
Icesave-málsins var hafnað í þjóð-
aratkvæðagreiðslu um málið. Það
gerðist í kjölfar þess að Ólafur
Ragnar Grímsson, forseti Íslands,
synjaði því að staðfesta lög rík-
isstjórnarinnar 5. janúar síðast-
liðinn, og skaut málinu þar með í
þjóðaratkvæðagreiðslu. - bj
Forseti ákveður hvort þjóðaratkvæðagreiðsla verður um Icesave segir utanríkisráðherra:
Segist ekki spá í gang himintunglanna
TIL ÞINGSINS Þegar samningar nást í Icesave-málinu eiga þeir að fá afgreiðslu hjá
Alþingi, sagði Össur Skarphéðinsson utanríkisráðherra á Alþingi í gær.
UTANRÍKISMÁL Íslensk stjórnvöld
fara fram á að fá upplýsingar um
eftirlit bandaríska sendiráðsins hér
á landi með íslenskum borgurum,
og hvort samráð hafi verið haft við
stjórnvöld vegna þessa.
Össur Skarphéðinsson utanríkis-
ráðherra segir að engin gögn um
eftirlitið finnist í skjölum ráðuneyt-
isins og starfsmenn kannist ekki
við samráð af nokkru tagi. Hann
segir að óskað verði eftir upplýs-
ingum um eðli eftirlitsins.
„Mér geðjast illa að því ef erlend
ríki hafa afskipti af íslenskum
þegnum eða innanríkismálum hér,
hvað þá að menn séu að snuðra um
fólk eða njósna,“ segir Ögmundur
Jónasson dómsmála- og mannrétt-
indaráðherra.
Hann hefur óskað eftir upp-
lýsingum frá ríkislögreglustjóra
um hvort slíkt samráð hafi verið
haft. Ögmundur segir aðspurður
að honum þætti afar óeðlilegt hafi
íslensk lögregluyfirvöld tekið þátt
í slíku eftirliti.
Talsmaður bandaríska sendi-
ráðsins hefur staðfest að eftirlits-
hópur á vegum sendiráðsins sé
starfræktur hér á landi.
Vilja upplýsingar um eftir-
lit bandaríska sendiráðsins
Bandaríska sendiráðið á Íslandi starfrækir hóp sem fylgist með ferðum fólks. Geðjast illa að snuðri og njósn-
um segir dómsmálaráðherra. Ekki leynilegt verkefni eða hluti af leyniþjónustu segir talsmaður sendiráðsins.
„Þetta er ekki leynilegt verkefni
og ekki hluti af starfsemi leyniþjón-
ustu,“ segir Laura Gritz, talsmað-
ur bandaríska sendiráðsins. Hún
segir hlutverk hópsins að fylgjast
með ferðum fólks við sendiráð-
ið og nærri starfsmönnum sendi-
ráðsins.
Eftirlitssveitir bandarískra
sendiráða komust í hámæli á hinum
Norðurlöndunum eftir að upp-
lýst var um tilvist þeirra nýver-
ið. Stjórnvöld í Noregi, Svíþjóð og
Finnlandi hafa óskað eftir skýr-
ingum bandarískra stjórnvalda á
eftirlitinu.
Spurð hvort íslensk stjórnvöld
hafi vitað af eftirlitinu segir Gritz:
„Við munum ræða við íslensk
stjórnvöld vegna málsins og svara
þeirra spurningum, en það munum
við ekki gera í gegnum fjölmiðla.“
Hún gat ekki upplýst um þjóð-
erni þeirra sem gegnt hafi eftirlit-
inu. Norskir fjölmiðlar staðhæfa
að norskir borgarar hafi sinnt eft-
irliti fyrir sendiráðið í Osló, gjarn-
an fyrrverandi lögreglumenn.
Gritz segir að slíkir eftirlitshóp-
ar séu starfræktir í öllum sendiráð-
um Bandaríkjanna. Tildrög þess
séu hryðjuverkaárásir sem gerð-
ar hafi verið á sendiráð landsins í
Tansaníu og Kenía árið 1998. Í ljós
hafi komið að hryðjuverkamenn-
irnir hafi fylgst með sendiráðunum
í nokkurn tíma áður en þeir létu til
skarar skríða. brjann@frettabladid.is
LAUFÁSVEGUR Upplýst hefur verið að bandaríska sendiráðið hefur fylgst með fólki í
nágrenni sendiráðsins við Laufásveg í Reykjavík. FRÉTTABLAÐIÐ/HARI
FR
ÉT
TA
B
LA
Ð
IÐ
/P
JE
TU
R
KJÖRKASSINN