Fréttablaðið - 09.11.2010, Blaðsíða 27

lífsstíll ● fréttablaðið ●ÞRIÐJUDAGUR 9. NÓVEMBER 2010 7
● BETRA AÐ BORGA MEÐ
REIÐUFÉ Fólk sem borgar með
korti í matvöruverslunum er lík-
legra til að kaupa óhollustu en
fólk sem greiðir með reiðufé.
Þetta er niðurstaða vísindamanna
við Cornell- og New York háskóla.
Rannsókn þeirra náði til eitt
þúsund þátttakenda sem fylgst
var með um sex mánaða skeið.
Fólkinu var skipt í tvo hópa og var
því gert að versla ávallt í sömu
verslun. Annar hópurinn greiddi
með korti en hinn með reiðufé.
Þeir sem notuðu kortin voru
líklegri til að setja óhollustu í inn-
kaupakörfuna sína en þeir sem
greiddu með reiðufé og héldu
þeir sig síður við innkaupalistann.
Þeir sem greiða með reiðufé í mat-
vöruverslunum tína síður óhollustu
ofan í innkaupakörfuna.
● NÝSTÁRLEG HÖNNUN Ron Arad er ísraelskur arkitekt, hönnuður og
listamaður sem þekktur er fyrir nýstárlega hönnun. Hann hefur meðal annars
hannað ljósakrónur fyrir Swarowski sem sýna sms með díóðum. Einnig er hann
þekktur fyrir að hafa hannað fyrsta ilmvatnsglasið fyrir Kenzo. Þessi skemmtilega
bókahilla, sem ber nafnið Bókaormur og er frá árinu 1993, er dæmigerð fyrir
húsgagnahönnun Arads, en hann hefur meðal annars hannað borð sem liðast
upp veggi í stað þess að standa á fjórum fótum á gólfinu.
Ron Arad stundaði nám við Bezalel Academy of Art and Design í Jerúsalem
frá 1971 til 1973 og The Architectural Association in London frá 1974 til 1979 og
var yfirmaður vöruhönnunardeildar The Royal College of Art í London frá 1997-
2009. Hann á tvær dætur og er nágranni Gwen Stefani í London.
Sýnishorn af hönnun hans má skoða á vefsíðunni www.ronarad.co.uk.
Bókaormurinn liðast fagurlega upp
vegginn.
● DETOX JÓNÍNU VERÐUR HEILSUHÓTEL ÍSLANDS
Detox Jónínu Ben hefur fengið nýtt nafn og heitir nú Heilsuhótel
Íslands. Nýir eigendur eru komnir að rekstrinum ásamt Jónínu og
eru það þau Ragnar Sær Ragnarsson framkvæmdastjóri,
Anna Katrín Ottesen, sjúkraþjálfari og Chad Keilen, lífs-
stílsráðgjafi og nuddfræðingur. Meðal nýjunga sem
boðið verður upp á er Heilsuskóli til lífsstílsbreytinga,
sem hugsaður er sem þjónusta fyrir fyrirtæki og stofn-
anir sem vilja styðja við heilsurækt starfsfólks síns. Þá
var nýlega gengið frá viðamiklum samningi um rann-
sókn á árangri félagsins sem mun hefjast í árslok og
standa yfir næstu þrjú árin. Árangursmatið er unnið
af dr. Ásgeiri Helgasyni við Karólínska sjúkrahúsið í
Stokkhólmi og samstarfsfólki hans.
● ORKUDRYKKUR Í
SKAMMDEGINU Hvernig
væri að gefa skammdegis-
myrkrinu langt nef og byrja
daginn á heimalöguðum orku-
drykk? Þessi drykkur er fljótlag-
aður og kemur blóðinu á hreyf-
ingu. Rífðu niður sirka 10 senti-
metra af engiferrót með rifjárni
út í sjóðandi vatn. Pressaðu saf-
ann úr hálfri sítrónu út í og
bættu við örlitlu af cayenne-
pipar. Láttu sjóða augnablik og
drekktu í einum teyg á meðan
drykkurinn er heitur.
Þessi drykkur eykur brennsl-
una, virkar úthreinsandi og
bólguhemjandi samkvæmt
heilsublaði Alt for damerne.
www.lyfja.is
- Lifið heil
Heilnæm mýkt og
hreinlæti fyrir alla fjölskylduna
DANATEKT eru hágæða húðvörur fyrir
alla fjölskylduna. Þær eru ofnæmisprófaðar
og innihalda ekki aukaefni á borð við ilmefni,
litarefni eða parabena. Vörurnar frá Danatekt
eru svansmerktar, sem tryggir gæði, heilnæmi
og umhverfisvæna framleiðslu.
Í DANATEKT línunni er krem og húðmjólk sem nærir
húðina og hlífir henni og hársápan er svo mild að hana
má nota á allan líkamann.
Danatekt
Lágmúla - Laugavegi - Garðatorgi - Smáralind - Smáratorgi - Setbergi - Borgarnesi - Grundarfirði - Stykkishólmi - Búðardal - Patreksfirði - Ísafirði - Bolungarvík - Blönduósi - Hvammstanga
Skagaströnd - Sauðárkróki - Húsavík - Kópaskeri - Raufarhöfn - Þórshöfn - Egilsstöðum - Seyðisfirði - Neskaupstað - Eskifirði - Reyðarfirði - Fáskrúðsfirði - Höfn - Laugarási - Selfossi - Grindavík - Keflavík
Nánari upplýsingar á www.portfarma.is
Danatekt Intim
DANATEKT INTIM er hreinsikrem og hlífðarkrem
fyrir viðkvæmustu staði líkamans. Intim hentar
allri fjölskyldunni, einnig ungabörnum. Danatekt
brjóstakremið þarf ekki að þurrka af fyrir gjöf og
er eina svansmerkta brjóstakremið á markaðnum.