Fréttablaðið - 09.11.2010, Blaðsíða 24
9. NÓVEMBER 2010 ÞRIÐJUDAGUR4 ● fréttablaðið ● lífsstíll
Verslunin Kailash, sem opnuð
var síðasta laugardag að
Strandgötu 11 í Hafnarfirði,
sérhæfir sig í vörum frá Tíbet og
Nepal. Bergþór Morthens, eig-
andi Kailash, segir hugmyndina
að versluninni hafa sprottið
upp úr pílagrímsferð til Tíbet.
„Við fórum mikla reisu austur í
ágúst, Tolli bróðir og ég. Við geng-
um meðal annars kringum fjallið
Kailash en það er miðja alheimsins
í hugum innfæddra og margra ann-
arra,“ segir Bergþór, sem heillaðist
af landi og þjóð á ferðalaginu um
Tíbet en þeir bræður ferðuðust, í
félagi við tvo aðra, í heilan mánuð
um landið.
„Þetta er stórmerkileg þjóð sem
hefur úr litlu að spila því þarna er
mikil fátækt. Það sem greip mig var
að fólkið var alltaf brosandi og gaf
sér alltaf tíma. Þegar maður kemur
héðan frá Íslandi þar sem erfitt er
að fá bros frá fólki og lítill er tím-
inn þá fer maður hvað hugsa hvað
er það sem Tíbetbúar hafa sem
við gætum haft gagn af? Þeir hafa
stundað hugleiðslu í hundruð ára og
ég vildi opna gluggann til austursins
fyrir þá sem vilja reyna það á eigin
skinni,“ segir Bergþór en vöruúrval-
ið í versluninni byggir á hugleiðslu-
vörum. Þar er meðal annars hægt
að kaupa Búddastyttur, talnabönd,
skartgripi, reykelsi, herðaslár, hug-
leiðsludiska og myndlist og íslenskt
handverk, unnið úr ull og silki.
„Við ætlum að reyna að miðla
einhverju af því sem við fengum
að upplifa, ég held að Íslendingum
veiti ekki af andlegu fóðri núna eins
og ástandið í þjóðfélaginu er í dag.
En fólki er líka velkomið að líta hér
við og þiggja tebolla, þótt það ætli
ekkert að versla,“ segir Bergþór,
sem stendur sjálfur bak við borðið í
Kailash. - rat
Heillaðist af fólkinu í Tíbet
Bergþór Morthens ásamt Helgu Guðlaugu Einarsdóttur við opnun verslunarinnar Kailash á laugardaginn en Bergþór heillaðist af landi og þjóð á ferða-
lagi um Tíbet í sumar. FRÉTTABLAÐIÐ/DANÍEL
Hugleiðsluvörur eru uppistaðan í vöruúrvali verslunarinnar. FRÉTTABLAÐIÐ/DANÍEL
Skart frá Tíbet og Nepal. MYND/BERGÞÓR
Allir regnbogans
litir og asískur und-
irtónn í fögrum klæð-
um voru áberandi á tísku-
vikunni í Jakarta, höfuð-
borg Indónesíu, sem hófst
með pompi og prakt á
laugardaginn var.
Yfir hundrað innlend-
ir hönnuðir, bæði ungir og
upprennandi sem og þekktari
og reyndari taka þátt í tískuvikunni
sem fer nú fram í þriðja sinn í ár
og er hugsuð sem eins konar svar
Indónesíu við tískuvikum Parísar,
Rómar og New York.
Asísk áhrif voru augljós um
helgina, þar sem engum duldist
að hönnuðirnir sóttu í hefðbundin
klæði og efni frá Indónesíu þrátt
fyrir að einblína á nútíð og framtíð
í hönnun sinni.
Tískuvikan stendur yfir til föstu-
dagsins næstkomandi. - jbá
Litadýrðin allsráð-
andi í Jakarta
Amalia Agus á heiðurinn af þessari hönnun og
asísku áhrifin leyna sér svo sannarlega ekki.
Sterkir litir
voru áberandi
í hönnun
Siti Haida.
Siti Haida hannaði þennan fagurrauða
kjól sem hæfir hvaða prinsessu sem er.
„Að laða til sín
það góða“
Léttur og kraftmikill fyrirlestur þar sem
þátttakendur fá í ,,nesti” – ,,tæki og tól” til
að halda út í framtíðina bjartsýnir og upplits-
djarfir og laða að sér hamingjudaga.
Fræðslunámskeið í Heilsuborg
11. nóvember frá kl. 20.00–22.00
Sirrý er félags- og fjölmiðlafræðingur
og hefur áralanga og farsæla reynslu af
námskeiðahaldi í samskiptafærni
Fyrirlestur og happdrættis vinningar
Frjáls aðgangur að heilsurækt Heilsuborgar í eina viku
Verð aðeins kr. 2.000.-
(20% afsl. fyrir korthafa Heilsuborgar)
Skráning í síma 560 1010 eða á mottaka@heilsuborg.is
•
•
•
•
Gómsætt heilsusmakk frá
Happdrættisvinningar frá m.a.: