Fréttablaðið - 09.11.2010, Blaðsíða 22

9. NÓVEMBER 2010 ÞRIÐJUDAGUR2 ● fréttablaðið ● lífsstíll
Ragnhildur Þórðardóttir er
að eigin sögn heilsufíkill. Hún
bloggar um áhugamál sitt á
netinu og bendir þar á hluti
sem betur mættu fara, algeng-
an misskilning fólks og þau
mistök sem það gerir í leit að
heilsusamlegu líferni.
Ragnhildur Þórðardóttir, eða
Ragga agli eins og hún kallar sig
á bloggsíðu sinni, er með meist-
arapróf í heilsusálfræði frá há-
skóla í Bretlandi og stundar nú
cand psych nám í klínískri sál-
fræði í Kaupmannahöfn. Hennar
aðaláhugamál er þó heilsuræktin
og holl næring.
„Ég byrjaði að væflast í lík-
amsrækt í kringum 19 ára aldur.
Það vatt síðan upp á sig og er í dag
orðið að hálfgerðri fíkn, áhuga-
máli og lífsstíl,“ útskýrir Ragn-
hildur, sem byrjaði að blogga fyrir
fimm árum meðan hún var í námi
í Bretlandi. „Það var til að leyfa
vinum og vandamönnum að fylgj-
ast með. Fljótlega varð ég þó leið á
að skrifa um það sem á daga mína
dreif, því það var ekki æði margt,“
segir Ragnhildur, sem ákvað þá
að skrifa um það sem henni þætti
skemmtilegast og fræða bæði
sjálfa sig og aðra um líkamsrækt
og mataræði.
Ragnhildur skrifar bæði um
það sem hún þekkir sjálf og leitar
sér upplýsinga á netinu. Þá lætur
hún oftar en ekki fólk heyra það ef
henni mislíkar. „Ég er ekki bara
nagli í ræktinni heldur líka lífinu
og ég nenni ekki einhverju grenji
og væli. Svo ég bölsótast heilmikið
á síðunni,“ segir hún glettin.
Meðal þess sem Ragnhildur
skrifar um er algeng mistök sem
fólk gerir í ræktinni. Hún var
innt eftir nokkrum staðreynd-
um um helstu mistökin og helsta
misskilninginn varðandi heilsu-
rækt. - sg
Nagli í ræktinni og lífinu
Ragnhildur Þórðardóttir, eða Ragga Nagli eins og hún er stundum kölluð, hefur
brennandi áhuga á líkamsrækt og mataræði. Hún bloggar um þetta hugðarefni sitt á
http://blog.eyjan.is/ragganagli
ALGENG MISTÖK
ALGENGUR MISSKILNINGUR
„Að telja hitaeiningar.“ Bæði er það
hundleiðinlegt, og allt of erfitt fyrir byrjend-
ur að vita hve margar hitaeiningar eru í mis-
munandi fæðutegundum og reikna það svo
allt saman fyrir heila máltíð. Til að byrja með
skiptir meira máli hvað er borðað frekar en
hve mikið.
„Að nota kílóa-
tölur sem viðmið á
árangur.“ Kílóin ein
og sér eru ekki áreið-
anleg mælieining á ár-
angur, það er bara ein
breyta af mörgum.
„Óþolin-
mæði.“ Árang-
urinn á að sjást
eftir viku og ef
það gerist ekki þá
finnst mörgum
þetta vonlaust. Þá
lætur fólk ginn-
ast af alls konar
töflum og skjót-
fengnum lausn-
um.
„Að sleppa máltíðum.“ Blóð-
sykur verður of lágur. Það hægist á
brennslu líkamans því hann vill spara
orkuna. Með því að borða 5-6 litlar
máltíðir á dag komum við í veg fyrir
blóðsykursfall og niðurbrot vöðva.
„Að borða of
lítið.“ Algengt sér-
staklega hjá konum.
Þær kroppa eins og
hænuungar í um
1200 kaloríur. Það
hægir á öllu kerfinu
og líkaminn fer að
vinna á móti fólki,
sem gerir fitutap
í framtíðinni mun
erfiðari.
„Fólk einblínir á
ræktina. „Algeng setn-
ing er: „Ég skil þetta ekki,
ég er búin að fara í ræktina
þrisvar í viku í fjórar vikur
og ekkert gerist.“ Ok, segi
ég þá, en skoðum hvað þú
ert að borða. Árangurinn
ákvarðast við matarborð-
ið. Æfingarnar móta líkam-
ann og styðja við fitutapið,
en það sem þú lætur ofan í
þig er númer 1, 2 og 3.
„Að borða of lítið af kolvetnum.“ Kolvetni eru meginorkugjafi
líkamans og eini orkugjafi heilans. Án kolvetna er vitsmunastarf ekki
100%. Kolvetnissvelti eða of lítið af kolvetnum tæmir sykur úr vöðvunum
og því verðum við orkulaus á æfingu. Þegar líkaminn fær ekki næg
kolvetni þá notar hann prótín sem orkugjafa í staðinn sem á
að nýtast í að byggja upp vöðva. Því verður lítil
sem engin vöðvauppbygging þegar kolvetni
vantar í mataræðið. Kolvetni eiga að vera
40% af daglegri orkuneyslu.
„Að stunda eingöngu
brennsluæfingar en ekki
lyftingar.“ Vöðvar eru virkur
vefur og maður gerir líkam-
ann svo effektívan með því að
„virkja kjötið.“
„Ef maður fer að sofa um leið og
það kemur myrkur og vaknar kl. 6 þá
grennist maður hraðar af því að það
hægist á brennslunni í myrkri.“ Þannig
að Íslendingar og aðrir á norðurhjara
veraldar hljóta að hríðhorast á sumrin
en tútna á veturna í öllu þessu fitandi
myrkri.
„Prótein-
stykki eru fín
sem millimál.“
Alveg hreint ríf-
andi hollusta,
næstum jafn heil-
næmt í kroppinn
og Snickers.
„Ef ég fæ mér Special-K í morgunmat þá þarf ég ekki
að borða aftur fyrr en í hádeginu.“ Af hverju að sleppa yndis-
lega morgunkaffinu? Svo ekki sé minnst á að næringin úr Speci-
al K er mest megnis einföld kolvetni og blóðsykurinn í rússíbana
og hann fellur langt niður fyrir normalmörk svo miðmorguns ertu
froðufellandi af hungri.
„Aldrei drekka vökva með mat.
Til þess að matur nýtist sem eldsneyti þarf
að borða hann einan og sér. Vökvi eyði-
leggur meltingarensímin.“ Hhhmmm…
sem þýðir að rotinn matur safnast í þörm-
unum og nýtist ekkert hjá þeim sem dirf-
ast að bleyta í matnum í skoltinum.
„Líkaminn getur ekki unnið
vatn sem er kaldara en stofu-
heitt. Það hindrar fitutap að hafa
það of kalt.“ Og hvað gerist? Safn-
ast vatnið líka upp í innyflunum þar
til það fer að renna út um nasir og
eyru ef þú dirfist að snúa kranan-
um í átt að bláa litnum? Svo ekki sé
minnst á alla fituna sem þú munt
aldrei losna við!!
„Alls ekki borða kartöflur, þær eru
fitandi.“ Naglinn hefur heyrt þetta afdala
kjaftæði nokkrum sinnum undanfarið. Já
einmitt, einföld unnin kolvetni og transfitur
hafa ekkert með aukakílóin
þín að gera…. Hljóta að
vera allar helv… kart-
öflurnar. Í alvörunni??
Trúir fólk þessu??
„Það er alls ekki gott að borða
mikið af kjöti, frekar borða meira
grænmeti.“ Ööö?? Af því að
kjöt er svo óhollt með
allar fullkomnu amino-
sýrurnar, járnið, sinkið,
B-vítamínið?
„Allt sem þú borðar
eftir kl. 19 á kvöldin mun
strax breytast í fitu meðan
þú sefur.“ Ef þú treður þig út
af kolvetnum rétt fyrir svefn
þá kannski… en rétt næring
fyrir svefn heldur þér í bull-
andi uppbyggingu í staðinn
fyrir að svelta maskínuna í 12-
14 tíma og lenda í niðurtæt-
ingu á kjöti.
Hollráð um heilsuna heitir hlekkur
á vef Landlæknisembættisins en
þar er að finna fræðslugreinar um
margvísleg efni sem varða heilsu-
far. Auk almennrar fræðslu er lögð
áhersla á það sem fólk getur gert
sjálft til að bæta andlega og líkam-
lega heilsu sína með daglegum lífs-
venjum og viðhorfum.
Þar er meðal annars að finna
viðmið fyrir svefnþörf eftir aldri
og góð ráð til að sofa vel og hvíl-
ast.
HÉR ERU NOKKUR ÞEIRRA:
● Reglulegur fótaferðartími styrkir
líkamsklukkuna og leiðir til reglu-
legs svefntíma.
● Dagleg reglubundin hreyfing
leiðir til dýpri og betri svefns en
óregluleg líkamsrækt rétt fyrir
svefn getur gert ógagn.
● Hungur truflar svefn en þó er ekki
gott að ganga of saddur til hvílu.
● Ekki er gott að liggja andvaka í
rúminu. Betra er að fara fram úr í
skamma stund, lesa í bók eða fá
sér bita en skríða svo aftur upp í.
● Dempuð lýsing nokkrum klukku-
stundum fyrir svefn virkar vel.
Sömuleiðis heitur koffínlaus drykk-
ur eða heitt bað.
● Svefnlyf geta hjálpað í skamman
tíma en notkun þeirra til lengri
tíma er árangurslaus og jafnvel
skaðleg.
● Tuttugu mínútna daglúr getur
hjálpað mikið eftir svefnlausa nótt.
Heimild: www.landlaeknir.is
Góð ráð til að sofa vel og hvílast
Góður nætursvefn bætir og kætir.
Sumar staðreyndir eru fengnar af
bloggsíðu Ragnhildar.