Kylfingur - 01.02.1965, Page 13

Frá Golflandsmótinu í Vestmannaeyjum 1964.
hring. Sigraði hann á 182 högg-
um, 20 höggum betri en naasti
keppandi, sem var Viðar Þor-
steinsson frá Akureyri. Það var
mjög gaman að fylgjast með
unglingunum, en vonandi verða
þátttakendur fleiri með tíman-
um.
Það er alltaf eitthvað ævin-
týralegt við að koma til Vest-
mannaeyja. Hlýlegar móttökur
og vilji Eyjarskeggja til að leysa
vanda allra, gerir það að verk-
um, að kylfingar hafa einungis
góðar endurminningar þaðan.
Mótsstjóri var Sverrir Einars-
son, en aðstoðarmótsstjóri Al-
freð Þorgrímsson, ,sem stóð sig
með mestu prýði. Starf móts-
stjóra kom að mestu á Alfreð,
vegna þess að Sverrir ákvað á
síðustu stundu að keppa á mót-
inu.
Að loknu Golflandsmótinu,
bauð bæjarstjórn Vestmanna-
eyja öllum þátttakendum móts-
ins ásamt eiginkonum, til mikils
hófs að Hótel H. B., og voru
allir sammála um að bæjar-
stjórn Vestmannaeyja hafi með
þessu sýnt mikla rausn og höfð-
ingsskap.
Kylfingar sækja ekki Golf-
landsmótið eingöngu til að ná
í verðlaun. Það geta ekki allir
verið fyrstir. — Golflandsmótið
er og verður alltaf kynningar-
hátíð, þar sem kylfingar ís-
lands koma saman einu
sinni á ári, halda Golfþing og
leika golf. Mörg traust vináttu-
bönd hafa skapazt á Golflands-
móti, og er það gott.
Myndirnar frá Landsmótinu
í Vestmannaeyjum hefur Viðar
Þorsteinsson, Reykjavík, góð-
fúslega lánað KYLFINGI. Fyr-
ir utan það að vera efnilegur
kylfingur, er Viðar einnig
ágætur áhugaljósmyndari.
Viítal Vii Háta.
Nýlega heimsótti fréttaritari
KYLFINGS Kára Elíasson, að
Mávahlíð 22, og spurði hann
frétta af Unglingadeild G.R.
— í Unglinganefndinni eru,
auk mín, Viðar Þorsteinsson og
Ólafur Loftsson, sagði Kári. —
Og ég verð að segja, að það
hefur verið gaman að starfa í
nefndinni.
— Var góð aðsókn að kapp-
leikjunum síðastl. sumar?
— Þeir voru of fáir, ungling-
arnir, sem tóku þátt í kappleikj-
um klúbbsins. Það þarf að reka
áróður fyrir golfi hér í Reykja-
vík, og við þurfum að fá fleiri
12—16 ára drengi. Oftast voru
þeir 6, sem tóku þátt í kapp-
leikjum, og svo voru það feð-
urnir, sem fylgdust af áhuga og
spenningi hver með sínum
dreng.
— Eru nokkrir efnilegir, —
kannske tilvonandi íslands-
meistarar?
— Já, .sérstaklega beir Hans
Isebarn, Jónatan Óh.fsson og
Eyjólfur Jóhannsson. Eins og
kunnugt er, sigraði Eyjólfur í
unglingaflokknum í Vestmanna-
eyjum síðastl. sumar. Má bæta
því við, að hann var eini sigur-
vegarinn, sem G.R. átti á Golf-
landsmótinu. Hans Isebarn sigr-
aði í Nýliðakeppninni á móti
mjög sterkum andstæðingum.
Jónatan Ólafsson sigraði í
Reykjavíkurmóti drengja, sem
háð var jafnhliða Nýliðakeppn-
inni. Þannig hafa þessir þrír
drengir skipt á milli sín þrem-
ur stórum kappleikjum.
— Telur þú rétt, að leyfa ung-
lingum að taka þátt í öllum
kappleikjum klúbbsins?
— Ég tel, að við eigum að
leyfa þeim þátttöku í ýmsum
minni háttar kappleikjum. Þeir
eru mjög áhugasamir, dreng-
irnir.
11