Kylfingur - 01.02.1965, Qupperneq 14

FYRSTA STJÓRN
GOLFKLÚBBS
SUÐURNESJA:
Fremri röð, frá vinstri:
Þorbjörn Kjærbo,
gjaldkeri,
Ásgrímur Ragnars,
formaður,
Einar Arason,
vallarnefndarform.
Aftari röð, frá vinstri:
Helgi Sigvaldason,
form. kappleikan.,
Kristján Pétursson,
varaform. og ritari,
Bjami Albertsson,
meðstjórnandi,
Guðm. Jóhannsson,
húsn. form.
Golfklúbbur Sudurnesja
í mörg ár hefur verið rætt
um að koma upp golfvelli í ná-
grenni Keflavikur. en ætíð
strandað á því, hve kastnaðar-
samt það yrði að rækta land
undir hann.
í febrúarbyrjun 1964 kom
Kristján Pétursson, ráðningar-
stjóri á Kefiavíkurflugvelli
fram með hugmyndina að nýju
og taldi líkur til að hægt væri
að fá leigt ræktað land undir
lítinn golfvöll í Leirunni.
Kristján fékk í lið með sér
Ásgrím Ragnars, fulltrúa hjá
Flugmálastjórninni, og þeim
tókst að fá vilyrði fyrir leigu
á Stórahólmstúni og þremur
samliggjandi grasbýlum, Ráða-
gerði,Hrúðunesi og Garðhúsum.
Eigendur þessara jarða eru þeir
Kjartan Bjarnason, Stórahólmi
og Gísli Sighvatsson, Garði, og
hafa þeir sýnt frábæran skiln-
ing og velvild á framgangi þessa
máls.
Þess má til gamans geta, að
Stórihólmur er gamalt höfuð-
ból, sem á landnámsöld hét
Hólmur og var numið af Stein-
unni gömlu, frænku Ingólfs
Arnarsonar. Ingólfur er sagður
hafa gefið frænku sinni megn-
ið af Reykjanesinu, og hefur
henni þótt búsældarlegast þarna
í Leirunni, enda var þar um
langan aldur ein aðal verstöð
á íslandi, og túnið, sem nú er
leikið golf á, er búið að vera
í rækt í meira en eitt þúsund ár.
Hóllinn, sem 2. teigur er stað-
.settur á, var öskuhaugur Stein-
unnar gömlu.
Að svo komnu máli var ákveð-
ið að stofna golfklúbb á Suður-
nesjum, og var stofnfundur
haldinn 4. marz 1964, í Lög-
reglustöðinni á Keflavíkurflug-
velli. Á fundinum mættu 20—30
stofnendur, en aðeins tveir þeirra
höfðu leikið golf áður. Klúbbur-
inn var stofnaður þennan dag
og fékk nafnið Golfklúbbur Suð-
urnesja, enda eru meðlimirnir
úr Keflavík, Njarðvíkum,Kefla-
víkurflugvelli, Sandgerði og
Leirunni. Formaður var kosinn
Ásgrímur Ragnars, varaformað-
ur og ritari Kristján Pétursson,
gjaldkeri Þorbjörn Kjærbo og
meðstjórnendur Einar Arason,
Bjarni Albertsson, Ingvar Jó-
hannsson og Helgi Sigvaldason.
Vegna annríkis Ingvars og
Helga voru síðar skipaðir í
stjórn Guðmundur Jóhannsson
og Sævar Sörensen í þeirra
stað.
Stofnendur urðu síðan 86 og
20 varnarliðsmenn af Keflavík-
urflugvelli, aukameðlimir. Þeg-
ar þessi grein er rituð, eru 93
íslenzkir meðlimir og 20 amer-
ískir aukameðlimir, en loka
varð fyrir fleiri meðlimi að svo
stöddu, þar sem völlurinn er
ekki nema 9 holur og rúmir
1500 metrar á lengd, en von-
andi rætist fljótlega úr stækk-
un vallarins, því margir eru
þeir, sem bíða eftir að komast
í klúbbinn.
Golfvöllurinn í Leiru heitir
Hólmsvöllur, og segja má að
þegar á þessu fyrsta starfssumri
sé hann kominn í betra horf,
að lengdinni undanskilinni,
heldur en aðrir golfvellir á ís-
landi. Klúbbhúsið var fokhelt
í september 1964, og verður inn-
réttað í vetur.
Á sumrinu hafa farið fram
nokkrar keppnir auk meist-
arakeppni klúbbsins. Leikn-
ar voru 18 holur í undan-
keppni, og Óli B. Jónsson
var þar lægstur á 77 höggum,
en Jón Þorsteinsson annar með
Framh. á bls. 14.
12