Fréttablaðið - 08.01.2011, Blaðsíða 38

8. JANÚAR 2011 LAUGARDAGURHrein og öflug
lífræn orka
Haltu blóðsykrinum
í jafnvægi
Sv
O
b
a
Hv
Bra
kir
og
sem
sæ
bra
Hressandi
Svalandi
Frískandi
e
Fiskiofnæmi er þriðja algeng-
asta fæðuofnæmið í ungbörn-
um hérlendis, á eftir eggja- og
mjólkurofnæmi. Lýsi virðist
sporna við fæðuofnæmi.
Í nýjasta hefti Læknablaðs-ins voru niðurstöður hluta al-þjóðlegrar rannsóknar á fæðu-
ofnæmi barna frá fæðingu til
tveggja og hálfs árs aldurs kynntar.
Ísland er fulltrúi norðursins en auk
okkar taka átta aðrar Evrópu þjóðir
þátt í rannsókninni sem er hluti af
EuroPrevall-verkefninu.
„Niðurstöðurnar sem birtast
nú taka til tólf mánaða aldurs, en
ekki er búið að vinna úr öllum
gögnum svo ekki er um heildar-
niðurstöður að ræða heldur fæðu-
ofnæmi í íslenskum börnum á
fyrsta aldursári,“ segir Sigurveig
Þ. Sigurðardóttir, sérfræðingur
í barnalækningum, ofnæmis og
ónæmislækningum, og einn af að-
standendum rannsóknarinnar hér-
lendis.
Verðandi foreldrum var boðið að
taka þátt í rannsókninni. Kysu þeir
að gera svo svöruðu þeir spurn-
ingalista og komu með börnin í
skoðun ef grunur lá á fæðu ofnæmi.
„Ofnæmispróf og svokallað tvíblint
þolpróf leiddu í ljós að 1,86 prósent
þeirra barna sem tóku þátt í rann-
sókninni voru með sannanlegt
fæðuofnæmi,“ segir Sigurveig.
Á næstu mánuðum verða birtar
niðurstöður sem sýna samanburð
á milli þjóðanna en þó liggur fyrir
að helstu ofnæmisvakar hér á landi
eru þeir sömu og í öðrum löndum.
Egg og mjólk eru í flestum til-
vikum ofnæmisvaldar, en athygli
vekur að á Íslandi kemur fiskur í
þriðja sæti. „Það er erfitt að draga
ályktanir áður en búið er að taka
saman og vinna úr öllum gögnum
og heildarniðurstöður rannsókn-
arinnar liggja fyrir, en það er
athyglis vert að fiskiofnæmi grein-
ist hér í börnum undir eins árs
aldri,“ segir Sigur veig.
Lýsi, sem við Íslendingar höfum
löngum talið allra meina bót, fær
í rannsókninni enn eina fjöður í
hattinn. „Fái börn lýsi reglulega
virðist það draga úr líkum á fæðu-
ofnæmi,“ segir Sigurveig. „Það er
alltaf að koma betur og betur í ljós
hvað lýsið er hollt.“
tryggvi@frettabladid.is
Lýsi virðist sporna við
fæðuofnæmi í börnum
Sigurveigu finnst athyglisvert að allt að helmingur þeirra sem fara í tvíblint fæðuþolpróf vegna jákvæðra ofnæmisprófa þolir
viðkomandi fæðu. „Vonandi mun EuroPrevall-rannsóknin koma með niðurstöður sem hjálpa okkur að skilja þá frá sem eru með
raunverulegt ofnæmi.“ FRÉTTABLAÐIÐ/STEFÁN
1. Minnkaðu hávaðann í kringum
þig. Hávaðinn frá hamrandi lykla-
borðum, samtölum samstarfs-
manna og hurðaskellum geta
valdið streitu. Notaðu heyrnar-
hlífar ef þú kemur því við, einnig
má minnka áreitið með því að nota
hlutlaust hljóð, til dæmis regn-
hljóð eða suð, sem dempa áreitið
af utanaðkomandi hávaða.
2. Hugsaðu um augun. Höfuðverk-
ur og þurrkur í augum er algeng-
ur hjá þeim sem vinna við tölvur.
Minnkaðu álagið á augun með því
að fókusera á einhvern punkt í 5
til 6 metra fjarlægð í 20 sekúnd-
ur á tuttugu mínútna fresti. Stilltu
einnig tölvuskjáinn svo þú horfir
niður á hann um 14 gráður.
3. Reyndu að hemja reiðina. Reiði
getur valdið streitu og þar sem
álag er mikið á vinnustöðum er
stundum stutt í kveikiþræðinum.
Lærðu að þekkja merki þess að
það sé að fjúka í þig og róaðu þig
niður með því að segja sjálfum þér
að slappa af.
4. Réttu úr þér. Bakverkur og
stífar axlir geta verið afleiðing
þess að þú situr skakkt við borðið.
Stilltu stólinn þinn svo hann styðji
við bakið og olnbogar hvíli beint
niður af öxlunum þegar þú vinnur
á lyklaborðið. Stattu upp í nokkrar
mínútur á hverjum klukkutíma og
teygðu úr þér.
5. Andaðu eðlilega. Loftið er oft
staðnað inni á vinnustöðum, látið
yfirfara loftræstingu og setjið upp
tæki sem viðhalda réttu rakastigi
í andrúmsloftinu. Fáðu þér einnig
ferskt loft úti við öðru hvoru yfir
daginn, passaðu bara að þér verði
ekki kalt.
6. Drekktu vatn. Stanslaust kaffi-
þamb í vinnunni gerir þér ekki
gott. Kaffi er vatnslosandi svo
gott ráð er að drekka eitt vatns-
glas á móti hverjum kaffibolla til
að vatnsbúskapur líkamans hald-
ist í jafnvægi.
Nokkur ráð til að halda heilsu í vinnunni
Til að halda heilsunni á vinnustað er gott að hemja reiðina. MYND/NORDICPHOTOS/GETTY