Fréttablaðið - 08.01.2011, Page 86

8. janúar 2011 LAUGARDAGUR42
timamot@frettabladid.is
SIGURÐUR ÞÓRARINSSON jarðfræðingur (1912-1983) var fæddur þennan dag.
„Menn veigra sér æ meir við að skyggnast fram í tímann og fortíðin
fjarlægist og fyrnist æ hraðar.“
„Mér finnst afmælisdagar barnanna
minna stórkostlega merkilegir en mitt
afmæli engin sérstök hátíð,“ segir Dóra
Takefusa, sem er fertug í dag. Oft segir
hún samt hafa verið gestkvæmt 8. jan-
úar, hún hafi bakað, búið til heita rétti
eða boðið í „bröns“ en aldrei nennt að
halda partí. Í ár ætlar hún út að borða
og leyfa sér svo að skreppa fljótlega í
smáfrí, það hafi hún ekki gert í mörg ár.
„Draumurinn er að slökkva á símanum
og fara eitthvert suður á bóginn í
nokkra daga,“ segir hún.
Dóra á sínar fyrstu minningar frá
Seyðisfirði og telur það forréttindi að
hafa alist upp í svo litlum og vinaleg-
um bæ. „Innst inni er ég þó borgarbarn
enda flutti ég að heiman fimmtán ára
því ég þráði stórborgina Reykjavík.
Síðan hef ég mátað mig við margar
aðrar borgir,“ viðurkennir hún.
Nú býr Dóra í Kaupmannahöfn þar
sem hún á tvo veitingastaði, Jolene bar
sem hún hefur rekið í nokkur ár og
kaffihús sem hún er nýbúin að opna.
„Þetta eru ólíkir staðir,“ segir Dóra
og lýsir stemningunni þar. „Jolene er
partí en kaffihúsið kósí.“ Hún kveðst
hafa gaman af þessari atvinnustarfsemi
þótt hún hafi aldrei verið á langtíma-
plani. „Ég hef ekki verið þekkt fyrir að
skipuleggja hlutina langt fram í tím-
ann. Í rauninni hefur Kaupmannahöfn
leitt mig út í þetta og það er bara mjög
gaman.“ Er hún þá alveg flutt af landi
brott? „Nei, nei, maður er aldrei fluttur
alveg. Ég bjó einu sinni í Los Angeles og
í fjögur ár í London en Ísland er alltaf
heimalandið.“
Meðal þeirra staða sem Dóra hefur
ferðast til er Japan enda á hún föður
þar, sem reyndar bjó á Íslandi og í Dan-
mörku í 15-20 ár. „Maður skreppur ekk-
ert til Japan si svona svo ég hitti pabba
nú ekki oft,“ viðurkennir hún. Kveðst
samt aðspurð vera mikil fjölskyldu-
manneskja. „Mér líður best þegar ég
hef svona tíu manns í mat. Kannski er
það þess vegna sem ég er að reka veit-
ingahús,“ segir Dóra, sem á íslenskan
kærasta og tvö börn, son sem er að verða
21 árs nú í janúar og átta ára dóttur.
Dóra lék í þremur kvikmyndum á
tíunda áratugnum, Einkalífi, Veggfóðri
og Bak við tjöldin. Skærast skein þó
stjarna hennar á Skjá einum enda minn-
ist hún tímans þar með mikilli ánægju.
„Það var skemmtilegt og gefandi að
taka þátt í að byggja upp Skjá einn og
hefur mikið tilfinningalegt gildi í minn-
ingunni. Hópurinn þar var eins og ein
fjölskylda og innan hans skapaðist sterk
og góð vinátta.“
Hvar skyldi Dóra svo sjá sjálfa sig
í anda eftir tuttugu ár? „Ég hef ekki
hugmynd um það. Veit ekki einu sinni
hvað mig langar að gera eftir tvö ár,“
segir hún einlæg. „Ég er búin að ganga í
gegnum mörg frábær tímabil um ævina,
hef gaman af að láta lífið koma mér á
óvart og koma þá sjálfri mér á óvart í
leiðinni.“ gun@frettabladid.is
DÓRA TAKEFUSA VEITINGAMAÐUR: ER FERTUG Í DAG
Ísland er alltaf heimalandið
VERTINN DÓRA „Ég hef ekki verið þekkt fyrir að skipuleggja hlutina langt fram í tímann.“
FRÉTTABLAÐIÐ/HEIÐA
Faðir minn, tengdafaðir og afi okkar,
Guðmundur Guðlaugsson
Gvendur Eyja,
lést að heimili sínu Hamraborg 26 þann 30. desember.
Útför hans fer fram frá Kópavogskirkju mánudaginn
10. janúar klukkan 13.00.
Björgvin Valur Guðmundsson
Þóra Björk Nikulásdóttir
Erna Valborg Björgvinsdóttir
Haukur Árni Björgvinsson
Axel Þór Björgvinsson
Jesse Myree McGoldrick
Móðir mín,
Edda Sigurðardóttir
er lést 28. desember sl., verður jarðsungin frá
Dómkirkjunni 14. janúar nk. kl. 15.00.
Guðný Einarsdóttir
Ástkær faðir okkar,
Jón Sigurðsson
frá Krossalandi í Lóni, Básenda 3,
lést á hjúkrunarheimilinu Skjóli þriðjudaginn
4. janúar. Útförin fer fram frá Áskirkju
fimmtudaginn 13. janúar kl. 13.00.
Ásdís María Jónsdóttir
Þórey Jónsdóttir
Guðrún Jónsdóttir
Ástkær eiginkona mín, móðir okkar,
tengdamóðir og amma,
Helga Sigurjónsdóttir
kennari,
Meðalbraut 14, Kópavogi,
lést á hjúkrunarheimilinu Eir miðvikudaginn 5. janúar.
Útförin fer fram frá Kópavogskirkju fimmtudaginn
13. janúar kl. 13.00.
Þórir Gíslason
Brynjólfur Þórisson
Herdís Þórisdóttir Ingvi Guttormsson
og barnabörn
Elskulegur faðir okkar, tengdafaðir
og afi,
Kristján Jónasson
lést á Landspítalanum v/Hringbraut 2. janúar síðast-
liðinn. Útförin fer fram frá Dómkirkjunni 12. janúar
nk. kl. 15.00.
Valdís Kristjánsdóttir Hafliði Nielsen Skúlason
Guðrún Björk Kristjánsdóttir Jón Proppé
Steinunn Aagot Kristjánsdóttir Ólafur G. Guðmundsson
Ásdís Rósa og Mímir Hafliðabörn.
Ástkær eiginmaður minn, faðir,
tengdafaðir, bróðir, afi og langafi,
Ragnar Kristjánsson
kennari
Hjarðarhaga 28,
lést mánudaginn 3. janúar á Landspítalanum
við Hringbraut. Útförin fer fram frá Neskirkju
þriðjudaginn 11. janúar kl. 13.00.
Arndís Eyjólfsdóttir
Kristín Margrét Ragnarsdóttir Birgir Gunnsteinsson
Oddbjörg Ragnarsdóttir Kristján Hjálmar
Ragnarsson
Björgólfur Kristjánsson
barnabörn og barnabarnabörn.
erf idr yk kjur
G R A N D
Hlýlegt og gott viðmót
á Grand hótel.
Fjölbreyttar veitingar
lagaðar á staðnum.
Næg bílastæði
og gott aðgengi.
Grand Hótel Reykjavík
Sigtún 38, 105 Rvk.
Sími: 514 8000
www. grand.is
erfidrykkjur@grand.is
Verið velkomin
á Grand hótel
Elskuleg systir okkar
Áslaug Stefánsdóttir
frá Minniborg í Grímsnesi,
fyrrum varðstjóri Landssíma Íslands, lést á líknardeild
Landakotsspítala fimmtudaginn 6. janúar.
Systkinin frá Minniborg
Okkar innilegustu þakkir til allra
þeirra sem sýndu okkur samúð og
ómetanlegan stuðning við andlát og
útför elskulegrar móður okkar, tengda-
móður, ömmu og langömmu
Jóhönnu Þórunnar
Emilsdóttur
frá Lækjarmótum,
Borgarbraut 1, Borgarnesi.
Veronika Kristín Guðbjartsdóttir Jóhannes Þórarinsson
Þóra Kristrún Guðbjartsdóttir Guðjón Gunnarsson
Erla Guðrún Guðbjartsdóttir Magnús Kristjánsson
Helgi Þröstur Guðbjartsson Inga Sigríður
Ingvarsdóttir
ömmu- og langömmubörn