Fréttablaðið - 08.01.2011, Side 6

6 8. janúar 2011 LAUGARDAGUR
STJÓRNMÁL Hvatningarátakið „Allir
vinna“ verður framlengt út allt
þetta ár, samkvæmt ákvörðun rík-
isstjórnarinnar. Jóhanna Sigurðar-
dóttir upplýsti þetta á kynningar-
fundi vegna átaksins Ísland 2020,
eftir ríkisstjórnarfund í gær.
Undir hatti átaksins getur fólk
meðal annars fengið endurgreidd-
an virðisaukaskatt vegna viðhalds
og endurbóta á eigin húsnæði.
Jóhanna vísaði til könnunar
Capacent um að þrír fjórðu
aðspurðra hefðu tekið eftir átakinu
og að rúmlega 40 prósent segðu lík-
legra að þeir réðust í framkvæmd-
ir vegna þess. Jóhanna segir 20 af
áætluðum 28 milljörðum króna
þegar hafa verið varið í átakið, en
segir ekki gert ráð fyrir að leggja
þurfi því til meira fjármagn.
Þá upplýsti Jóhanna að ríkis-
stjórnin hefði ákveðið að stofna
ráðherranefnd sem hún og Stein-
grímur J. Sigfússon færu fyrir og
tæki sérstaklega til uppbyggingar í
atvinnumálum. „Starf hennar verð-
ur tvíþætt, í fyrsta lagi snýst það
um atvinnustefnu og sköpun starfa
og í öðru lagi um vinnumarkaðsúr-
ræði,“ segir hún og kveður að boð-
aðir verði til þátttöku aðilar vinnu-
markaðar og fulltrúar þingflokka,
auk þess sem ráðherrar annarra
ráðuneyta komi að starfinu eftir
þörfum. Verkefni ráðherranefnd-
arinnar segir Jóhanna einnig
falla að og skarast við starf undir
merkjum Ísland 2020. - óká
Ríkisstjórnin samþykkir að framlengja hvatningarátakið „Allir vinna“ út þetta ár:
Ráðherranefnd taki á atvinnumálum
STJÓRNMÁL Ríkisstjórnin hefur sam-
þykkt tillögur stýrihóps Sóknar-
áætlunar undir heitinu Ísland 2020.
Um er að ræða stefnu sem felur í
sér tuttugu mælanleg markmið um
samfélagslega þróun.
„Ég vil nota tækifærið og hrósa
ríkisstjórninni fyrir þann kjark
sem ábyggilega þarf til þess að
leggja fram skýra framtíðarsýn.
Það hefur ekki oft verið gert, hvað
þá með skilgreindum mælanleg-
um markmiðum þannig að taka
megi stjórnvöld árlega til prófs og
sjá hvernig miðar,“ sagði Dagur B.
Eggertsson, formaður Borgarráðs
Reykjavíkur, á kynningarfundi í
Stjórnarráðinu í gær. Hann leiddi
starf stýrihópsins.
Dagur segir tillögurnar meðal
annars fela í sér róttæka uppstokk-
un á því hvernig fjárlög og fjárfest-
ingar hafi hér verið ákveðin. „Í stað
þess að gera þetta til eins árs eru
allar þessar áætlanir sameinað-
ar og lagðar fram til miklu lengri
tíma.“
Katrín Jakobsdóttir mennta-
málaráðherra, sem sæti átti í stýri-
hópnum, upplýsti að meðal þeirra
markmiða sem ná ætti á næsta ára-
tug væri að koma hlutfalli þeirra
sem eru án formlegrar framhalds-
menntunar úr 30 prósentum í tíu
prósent. Hún sagði að í undirbún-
ingsstarfi hópsins hefði sér þótt
merkileg áhersla almennings, sem
fram hefði komið á þjóðþingi, á að
efla menntun. „Annað sem upp úr
stendur er tækifærin sem fólk sá
til atvinnusköpunar í þekkingariðn-
aði, í skapandi greinum og einnig í
ferðaiðnaði.“
Ítarlegar upplýsingar um Ísland
2020 er að finna á vef forsætisráðu-
neytisins, en stefnumörkunin er
sögð hafa orðið til í umfangsmiklu
samráði, sem meðal annars fól í
sér samtöl og samvinnu hundraða
Íslendinga um land allt. Þátt tóku
landshlutasamtök, sveitarfélög,
verkalýðshreyfingin og samtök í
atvinnulífi auk fulltrúa Alþingis
og Vísinda- og tækniráðs. Gerð er
sóknaráætlun fyrir hvern lands-
hluta fyrir sig.
„Ísland 2020 er afrakstur stefnu-
mótunarfunda, vinnu sérfræði-
hópa, stöðumats háskólastofnana
og greiningar stjórnsýslunnar á því
hvaða utanaðkomandi þættir gætu
haft áhrif á þróun íslensks sam-
félags á næstu árum. Þessi vinna
var undir merkjum Sóknaráætlun-
ar sem ríkisstjórnin efndi til árið
2009,“ segir í kynningu forsætis-
ráðuneytisins. olikr@frettabladid.is
ÁÆTLUN KYNNT Katrín Jakobsdóttir menntamálaráðherra, Jóhanna Sigurðardóttir
forsætisráðherra og Dagur B. Eggertsson, formaður borgarráðs Reykjavíkur, kynntu
tillögur „Ísland 2020“ í gærmorgun. FRÉTTABLAÐIÐ/GVA
Setja sér mælanleg
markmið til tíu ára
Ríkisstjórnin hefur samþykkt áætlun um þróun íslensks samfélags og árangur í
efnahagsmálum til ársins 2020. Árangur er mælanlegur í 20 liðum. Átakið „All-
ir vinna“ hefur verið framlengt í ár og ráðherranefnd skipuð um atvinnumál.
Markmið sóknaráætlunarinnar Ísland 2020
Samfélagsmarkmið sem ná skal fyrir árið 2020
1. Minnka hlutfall örorkulífeyrisþega af íbúafjölda úr 8,4 í 7,0 prósent.
2. Lækka hlutfall atvinnulausra (>12 mán.) niður fyrir 3 prósent.
3. Auka jöfnuð með lækkun Gini stuðuls fyrir ráðstöfunartekjur í um 25.
4. Bæta stöðu jafnréttismála. Global gender gap index vísitalan verði nálægt 0,9.
5. Auka vellíðan og góða andlega heilsu. Meðaltal WHO 5 kvarða fari úr 64 í 72.
6. Hlutfall 22-66 ára fólks án formlegrar framhaldsmenntunar fari úr 30 niður í 10 prósent.
7. 4 prósent landsframleiðslu fari í rannsóknir, þróun og nýsköpun. Hlutfall framlags fyrir-
tækja í samkeppnissjóði og markáætlanir verði 70 prósent á móti 30 prósenta framlagi
ríkisins.
8. Ísland verði meðal 10 efstu þjóða í rafrænni stjórnsýsluvísitölu Sameinuðu þjóðanna.
9. Hátækniiðnaður skapi 10 prósent af landsframleiðslu og 15 prósent útflutningsverðmæta.
10. A.m.k. fimmtungur eldsneytis í sjávarútvegi verði vistvænn og einnig í samgöngum.
11. Ísland taki að sér sambærilegar skuldbindingar og ríki Evrópu gagnvart loftslagssamningi
Sameinuðu þjóðanna.
12. Vistvæn nýsköpun verði helsta vaxtargrein næsta áratugar, með 20 prósenta árlegan vöxt
í veltu sem tvöfaldist fyrir 2015, miðað við 2011.
13. 75 prósent nýrra bifreiða, undir fimm tonnum, gangi fyrir vistvænu eldsneyti.
14. Hlutfall innlendrar matvöru í neyslu landsmanna aukist um 10 prósent.
15. Lesskilningur íslenskra grunnskólanemenda og læsi á stærðfræði og raungreinar verði
sambærilegur við 10 efstu þjóðir á PISA kvarða OECD.
Efnahags- og þróunarmarkmið sem ná skal fyrir árið 2020
1. Skuldir ríkissjóðs verði ekki hærri en 60 prósent af landsframleiðslu.
2. Verðbólga verði ekki meiri en 2,0 prósentustig umfram verðbólgu í þeim þremur ríkjum
ESB þar sem hún er lægst.
3. Skammtímavextir verði ekki meira en tvö prósentustig umfram vexti í þeim þremur ríkjum
ESB þar sem þeir eru lægstir.
4. Þróunarstuðull Sameinuðu þjóðanna fyrir Ísland verði sambærilegur við stuðul fimm efstu.
5. Vöxtur framfarastuðulsins (GPI) haldist ætíð sá hinn sami og vöxtur þjóðarframleiðslu.
STJÓRNSÝSLA Fulltrúar Sólheima
í Grímsnesi og sveitarfélagsins
Árborgar hittust hjá ríkissáttasemj-
ara í gær til að ræða fyrirkomulag
varðandi rekstur stofnunarinnar.
Á fundinum kynntu Guðmundur
Ármann Pétursson, framkvæmda-
stjóri Sólheima, og Ásta Stefáns-
dóttir, framkvæmdastjóri Árborg-
ar, sjónarmið sín fyrir Magnúsi
Stefánssyni ríkissáttasemjara.
Munu þau í framhaldinu afla frekari
gagna fyrir næsta fund.
„Það var rætt um að fara með
þetta mál eins og önnur mál hjá
sáttasemjara, að aðilar taka sér hlé
í að ræða við fjölmiðla á meðan við-
ræður standa yfir og beina öllum
fyrirspurnum á sáttasemjara,“ sagði
Guðmundur Ármann eftir fundinn.
Ekki náðist í Ástu síðdegis í gær.
Með Guðmundi á fundinum var
Guðmundur Bjarnason, fyrrver-
andi ráðherra og framkvæmda-
stjóri Íbúðalánasjóðs, sem situr
í stjórn Sólheima. Með Ástu sat
fundinn Arna Ír Gunnarsdóttir frá
Svæðisskrifstofu um málefna fatl-
aðra á Suðurlandi. Magnús Jónsson,
fyrrverandi Veðurstofustjóri, var á
fundinum og mun verða ríkissátta-
semjara til fulltingis í málinu. - gar
Fulltrúar Árborgar og Sólheima lögðu spilin á borðið hjá ríkissáttasemjara:
Fjölmiðlabann í Sólheimamáli
SEST AÐ SAMNINGABORÐI Rekstur
Sólheima eftir færsluna á málefnum
fatlaðra frá ríki til sveitarfélaga var rædd-
ur hjá ríkissáttasemjara í gær.
FRÉTTABLAÐIÐ/GVA
LÖGREGLUMÁL Fíkniefni fundust við
húsleit í fjölbýlishúsi í Kópavogi
í fyrrinótt. Um var að ræða hass,
marijúana og amfetamín en talið
er að fíkniefnin hafi verið ætluð til
sölu. Á sama stað var einnig lagt
hald á peninga sem grunur leikur
á að séu tilkomnir vegna fíkniefna-
sölu. Karlmaður á þrítugsaldri var
handtekinn og játaði hann sök.
Lögreglan minnir á fíkniefna-
símann 800-5005. Í hann má
hringja nafnlaust til að koma á
framfæri upplýsingum um fíkni-
efnamál. - jss
Fíkniefni í Kópavogi:
Fíkniefnasali
var handtekinn
Almennur skilafrestur á tilnefningum (ábendingum) vegna
Blaðamannaverðlauna ársins 2010 er til
föstudagsins 21. janúar 2011 kl. 16:00.
Eins og áður eru verðlaunin eru veitt í þremur flokkum en þeir eru þessir:
Besta umfjöllun ársins 2010
Rannsóknarblaðamennska ársins 2010
Blaðamannaverðlaun ársins 2010
Almenningur getur komið með tilnefningar með því að fara inn á vef Blaðamanna-
félagsins www.press.is á þar til gert tilnefningarsvæði.
Tilgreina þarf nafn blaðamanns eða blaðamanna, miðil, hvað tilnefnt er fyrir, hvenær
það birtist og rök fyrir tilnefningunni. Einnig er hægt er að senda inn tilnefningar til
verðlaunanna á skrifstofu Blaðamannafélags Íslands í Síðumúla 23, 108 Reykjavík,
ásamt gögnum með röksemdafærslu fyrir tilnefningunni. Dómnefnd mun síðan fara
yfir tilnefningarnar og tilkynna um verðlaunahafa 26. febrúar nk.
Blaðamannaverðlaun
2010
Blaðamannafélag Íslands
KJÖRKASSINN
Ætlar þú að fylgjast með HM í
handbolta?
Já 37,8%
Nei 62,2%
SPURNING DAGSINS Í DAG
Telur þú að þetta ár verði betra
fyrir þig en hið síðasta?
Segðu þína skoðun á Vísir.is