Fréttablaðið - 28.01.2011, Síða 31

Það er ekkert grín að gera fram-
hald af vinsælum tölvuleik. Þegar
leikurinn er Little Big Planet, einn
metnaðarfyllsti tölvuleikur síðustu
ára, verður verkefnið að enn meiri
áskorun. Fyrir þá sem vita ekki
hvað Little Big Planet er þá er rétt
að rifja það upp. Í hjarta sínu er
Little Big Planet einfaldur hopp-
og skoppleikur þar sem höfuð-
áhersla er lögð á að notendur fái
frelsi til að skapa sína eigin leikja-
upplifun. Öll borð leiksins voru
byggð með tiltölulega einföldum
tólum, sem fylgja með leiknum og
fengu notendur fullan aðgang að
þessum tólum. Því gátu notendur
gefið sköpunargáfunni lausan
tauminn og búið til sín eigin borð.
Þessum borðum var síðan hægt
að deila á netinu þar sem aðrir
notendur gátu spilað borðin. Síð-
ast þegar að var gáð voru þessi
„heimagerðu“ borð orðin yfir tvær
milljónir talsins og sú tala hefur
haldið áfram að vaxa jafnt
og þétt.
Nú hefur Little Big
Planet 2 litið dagsins ljós
og er ekki annað hægt að
segja en að framleiðendur
leiksins hafi betrumbætt
leikinn á öllum mögulegum
sviðum, og var leikurinn
nógu góður fyrir. Fyrst
ber að nefna að grafíkin
hefur verið uppfærð og
fá nú áferðir mismunandi
hluta að njóta sín mun
betur, meira að segja á
borðum sem gerð voru í
Little Big Planet 1. Næst
ber að nefna að tólin sem
notendur hafa til að búa til sín
eigin borð hafa fengið algera
yfirhalningu, enda ekki vanþörf
á því þau þóttu nokkuð flókin í
fyrri leiknum. Aðgerðir sem tóku
mann nokkra klukkutíma áður eru
nú afgreiddar á örfáum mínútum
og einnig hafa ný tól gert
það að verkum að nú geta
menn verið enn frumlegri.
Undirritaður hefur séð
kappakstursleiki, RPG-leiki
og meira að segja fyrstu
persónuskotleiki sem
gerðir eru með Little Big
Planet-verkfærunum. Það
er hreint ótrúlegt hversu
mikið er hægt að gera, og
hversu auðveldara allt er
orðið.
Little Big Planet 2 er án
nokkurs vafa frábær leikur
sem getur enst mönnum
nær endalaust. Með virku
samfélagi sem dælir út
nýjum borðum til að spila án af-
láts geta menn bókað það að þeir
munu geta notið leiksins lengi
og munu samt alltaf vera að sjá
eitthvað nýtt, án þess að borga
krónu fyrir. Það er díll sem enginn
heilvita maður getur hafnað. - vij
POPPLEIKUR: LITTLE BIG PLANET 2
FRÁBÆRT GETUR ORÐIÐ ENN BETRA
Fjölspilunarleikir líkt og
World of Warcraft, EVE
Online og fleiri álíka leikir
hafa löngum verið bundn-
ir við PC-tölvurnar. Það
hafa verið gerðar nokkrar
tilraunir til að færa þetta
leikjaform yfir á leikjatölv-
urnar en með misjöfnum
árangri. Slíkir leikir eru jafn
sjaldgæfir og hvítir hrafnar
og því vekur það alltaf
athygli þegar þeir koma út.
DC Universe Online er slíkur
leikur, metnaðarfull tilraun
til að gera Playstation 3
eigendum kleift að spila
MMO-leik. Eins og nafnið
gefur til kynna gerist leikurinn í
hinum nördavæna ímyndunarheimi
DC Comics þar sem leikmenn
skapa sínar eigin ofurhetjur eða
ofurskúrka og berjast við hlið
Súpermans og Batmans eða þá
Lex Luthor og Jókersins. Leikurinn
gerist í gríðarstóru borgar-
umhverfi þar sem maður
getur leyst af hendi ótal
verkefni, hitt aðra notendur
og tekið þátt í bardögum
með öðrum leikmönnum.
Þar sem leikurinn spilast
með stýripinna í stað lykla-
borðs og músar gefur það
auga leið að hann snýst
nokkuð meira um hasar
heldur en meðal MMO-leik-
ur. Menn styrkja persónur
sínar, bæði á líkama og sál,
með því að leysa verkefni
og fá að launum reynslu-
stig sem þeir geta notað til
að gera þær sterkari, fljót-
ari eða máttugri. Það verður þó
að segjast að þessi verkefni verða
fljótt einhæf og hafa takmarkað
aðdráttarafl.
DC Universe Online er, sem fyrr
segir, metnaðarfull tilraun, en því
miður hittir hún ekki í mark. Það
er einstaklega pirrandi að fá leik á
disk en þurfa engu að síður að hala
niður ómældu magni af gögnum
til þess eins að geta keyrt upp
leikinn. Leikurinn þarf að lágmarki
25 gígabæt af diskaplássi til að
geta fúnkerað rétt. 25 gígabæt eru
kannski ekki mikið á PC-tölvum
með terabæts harða diska en á
PS3 þar sem standard diskastærð
er 60-120 gígabæt er þetta ansi
stór biti af kökunni. Bætum ofan á
þetta hinum óumflýjanlega fylgifisk
MMO-leikja, föstu áskriftargjaldi,
og í svoleiðis tilfellum er það
sjálfgefið að aðeins þeir hörðustu
munu splæsa í áskriftargjaldið.
Það er þó ekki hægt að neita
því að það er vissulega gaman af
skapa sína eigin ofurhetju. Skella
brókinni utan yfir buxurnar, finna
upp fáránlegt nafn og berja á
skúrkum Gotham-borgar. Eða þá,
séu menn illa innrættir, ganga til
liðs við þá. - vij
POPPLEIKUR: DC UNIVERSE ONLINE
BRÓKIN UTAN YFIR BUXURNAR
FJÖR Nokkrar upprennandi ofurhetjur takast á við Lex Luthor í DC Universe Online.
GRAFÍK
HLJÓÐ
SPILUN
NIÐURSTAÐA
ENDING
DC UNI-
VERSE
ONLINE
3/5
3/5
3/5
4/5
4/5
GRAFÍK
HLJÓÐ
SPILUN
NIÐURSTAÐA
ENDING
LITTLE
BIG PLA-
NET 2
5/5
5/5
5/5
4/5
5/5
EKKERT MÁL Í fyrri leiknum var nánast ómögulegt að gera fljúgandi fyrirbæri. Núna er það ekkert mál, hvort sem það er flugvél eða
drekafluga.
Glæsileg trommudeild
stútfull af allskyns slagverkshljóðfærum
Prufuklefi fyrir trommur
komdu og prófaðu!
Hjá okkur færðu faglega þjónustu,
byggða á þekkingu og áratuga reynslu.
Fyrir byrjen
dur og leng
ra komna
meiriháttar
úrval