Fréttablaðið - 28.01.2011, Síða 41

28. janúar föstudagur 5
ÍKILL
makinn talar aðeins ensku. „Enska
er það tungumál sem talað er á
heimilinu og þess vegna getur verið
erfitt fyrir mig halda því til streitu
að fá stelpurnar til að tala íslensku.
Ég er búin að skrá þá yngri á ís-
lenskunámskeið sem hefst bráð-
lega, það var íslenskur kennari sem
flutti í hverfið okkar í Brooklyn og
ákvað að bjóða upp á námskeið fyrir
börn. Ég varð alveg himinlifandi
þegar ég frétti af þessu og skráði
Lolu auðvitað strax,“ segir hún.
Aðspurð segist Jóhanna reyna að
heimsækja fjölskyldu sína á Íslandi
að minnsta kosti einu sinni á ári
en viðurkennir að hún þurfi stund-
um svolítinn aðlögunartíma þegar
hingað er komið. „Ég er búin að búa
úti meiri hluta ævinnar og fæ alltaf
hálfgert menningarsjokk þegar ég
kem heim til Íslands,“ segir hún.
„Fólk drekkur svo einkennilega
hérna heima. Það verður agress-
íft og hávært og ég veit ekki alveg
hvernig ég á að haga mér í kring-
um það. Ég þori til dæmis ekki að
ganga ein í gegnum miðbæinn um
helgar, sjálfur Brooklyn-búinn,“
segir hún og skellir upp úr.
Um framtíðaráform sín segir
Jóhanna að hún ætli að halda
áfram að vinna hörðum höndum
að því að koma Kríu á legg. Um
þessar mundir er hún að vinna að
nýrri línu sem er að mestu búin
til úr svörtu silfri. „Ég er búin að
leggja mikla vinnu í að þróa Kríu
og finnst þetta líka alveg rosalega
gaman. Þannig að ég er ekkert að
fara að hætta þessu neitt.“
Þegar hún er innt eftir því hvort
hún muni flytja heim til Íslands
einhvern tíma í framtíðinni svarar
hún með semingi: „Nei, ætli það.
Mér líður vel í New York og það er
einnig gott að vera hér bara upp á
vinnuna, hér er allt til alls,“ segir
hún að lokum.