Fréttablaðið - 23.02.2011, Side 11

MIÐVIKUDAGUR 23. febrúar 2011 11
SAMFÉLAGSMÁL Rannsóknarmiðstöð
um ofbeldi var opnuð í Háskólanum
á Akureyri á mánudag. Markmið-
ið með miðstöðinni er að útrýma
ofbeldi.
Rannsóknarmiðstöðin verður í
samvinnu við samsvarandi stofn-
anir og félög, bæði hér á landi og
erlendis, þar með talið UNICEF.
Staðið verður fyrir málþingum og
ráðstefnum til að breiða út þekk-
ingu á ofbeldi og afleiðingum þess.
Einnig verður meðferð í boði fyrir
þolendur ofbeldis.
Dr. Sigríður Halldórsdóttir, pró-
fessor á heilbrigðisvísindasviði við
Háskólann á Akureyri, er stofnandi
miðstöðvarinnar. Hún segist hafa
fengið hugmyndina í janúar þegar
hún var búin að liggja yfir rann-
sóknarniðurstöðum um þolendur
ofbeldis og sjá svart á hvítu hversu
alvarlegar afleiðingar það hefur.
Sigríður segir það gerlegt að ná
markmiði samtakanna, að útrýma
ofbeldi alveg, en langt sé í land.
„Maður á að láta sig dreyma
stórt. Og við látum okkur dreyma
um ofbeldislaust Ísland sem allra
fyrst,“ segir Sigríður. „Við höfum
öll óbeit á ofbeldi og okkur finnst
það öllum ógeðslegt. En þetta er
sums staðar mjög falið og ég legg
ríka áherslu á að ég lít svo á að allt
ofbeldi sé mannréttindabrot.“
Miðstöðin hefur keypt lénið
www.ofbeldi.is og þar verða hinar
ýmsu upplýsingar aðgengilegar er
varða ofbeldi og afleiðingar þess.
„Við viljum að allir þeir sem eru að
fræðast um ofbeldi og afleiðingar
þess geti nálgast upplýsingar um
það á einum stað,“ segir Sigríður.
Allir starfsmenn miðstöðvar-
innar eru sjálfboðaliðar, en með-
limir í stjórninni eru fjórtán tals-
ins, frá hinum ýmsu starfssviðum
samfélagsins. - sv
Rannsóknarmiðstöð um ofbeldi opnuð í Háskólanum á Akureyri:
Markmiðið miðstöðvarinnar að útrýma ofbeldi
FORSVARSMENN MIÐSTÖÐVARINNAR
Sigrún Sigurðardóttir forstöðumaður,
Ágúst Þór Árnason lögfræðingur og dr.
Sigríður Halldórsdóttir prófessor við
stofnun samtakanna.
MYND/HÁSKÓLINN Á AKUREYRI
VIÐSKIPTI Rúmlega 1.800 gisti-
rými á höfuðborgarsvæðinu og
Akureyri eru án starfsleyfa.
Þetta kemur fram í könnun sem
Samtök ferðaþjónustunnar gerðu
nýlega, en þetta jafngildir því að
um 15 prósent gistirýma á höfuð-
borgarsvæðinu séu rekin án leyfa
og um 30 prósent á Akureyri.
Í tilkynningu frá samtökunum
segir að niðurstaðan sé sláandi.
Í ljósi væntanlegra laga um
álagningu gistináttagjalds hafa
gistihúsaeigendur áhyggjur af
því hvernig stjórnvöld muni inn-
heimta gjaldið á réttmætan hátt
ef svo stór hluti markaðarins
kemst upp með að starfa án leyfa.
- þj
Könnun á gistirýmum:
1.800 gistirými
eru ekki á skrá
VIÐSKIPTI Eigendur alþjóðlega
ræstinga- og fasteignaumsýslu-
risans ISS hyggjast skrá félagið á
hlutabréfamarkað í Kaupmanna-
höfn á næstunni.
Áætlað er að hlutafjárútboð
skili 13,3 milljörðum danskra
króna, jafnvirði 285 milljarða
íslenskra króna. Gangi það eftir
verður þetta stærsta skráning á
hlutabréfamarkað í sautján ár,
eða síðan gamli landssíminn þar
í landi, TDC, var skráður á hluta-
bréfamarkað árið 1994.
ISS úti hefur starfrækt ISS á
Íslandi í um ellefu ár, eða frá því
að fyrirtækið keypti ræstinga-
deild Securitas árið 2000. - jab
Skrá ISS á hlutabréfamarkað:
Stærsta útboðið
í sautján ár
ÞVEGIÐ HJÁ ISS Stefnt er að því að skrá
ræstingafyrirtækið á hlutabréfamarkað á
næstunni. FRÉTTABLAÐIÐ/GVA
EFNAHAGSMÁL Avant er fyrsta
fjármögnunarfyrirtækið sem
hefur samþykkt kröfur Samtaka
lánþega (SL) og riftir ekki lána-
samningum til bílakaupa við fólk
í greiðsluaðlögun hjá umboðs-
manni skuldara.
Að mati SL eiga slíkar riftanir
sér enga stoð í lögum, né er að
finna heimild til slíkra riftana í
samningsskilmálum þeirra lána
sem um ræðir.
Í tilkynningu frá SL fagna sam-
tökin þeim skilningi sem Avant
sýnir viðskiptavinum sínum með
þessu og beina í framhaldinu
þeim tilmælum til SP-Fjármögn-
unar að fyrirtækið fari að lögum
og stundi eðlilega viðskiptahætti.
- sv
Fólk í greiðsluaðlögun:
Avant heldur
samningum
LÖGREGLUMÁL Lögreglan á Vest-
fjörðum leitar nú eins eða fleiri
sem stálu gámi í eigu björgunar-
sveitarinnar á Drangsnesi.
Um er að ræða dósasöfnunar-
gám sem staðsettur er við heitu
pottana við þjóðveginn er liggur
í gegnum þéttbýlið á Drangs-
nesi. Þjófnaðurinn uppgötvaðist
á sunnudaginn 13. febrúar. Ef
einhver hefur upplýsingar sem
varpað gætu ljósi á málið er sá
beðinn að hafa samband við lög-
regluna á Vestfjörðum í síma
450-3730. - jss
Lögreglan leitar þjófa:
Stálu gámi full-
um af dósum
VÍB - Eignastýringarþjónusta Íslandsbanka er
leiðandi á íslenskum markaði og veitir alhliða
eignastýringar- og verðbréfaþjónustu með
áherslu á fagmennsku og fræðslu.

Eigna- og lífeyrisþjónusta
Hefðbundin ávöxtun, sparnaður í áskrift, stakar
fjárfestingar og lífeyrissparnaður með aðstoð
sérfræðinga okkar.

Einkabankaþjónusta
Viðskiptavinum sem gera ríkar kröfur býðst
sérsniðin einkabankaþjónusta þar sem viðskipta-
stjóri annast stýringu eignasafnsins og veitir
margvíslega ráðgjöf.

Netbanki
Aðgangur að kauphöll og eitt breiðasta sjóðaúrval
landsins fyrir þá sem stýra eignasafni sínu sjálfir.
Fáðu nánari upplýsingar á www.vib.is eða
pantaðu viðtal við ráðgjafa í síma 440 4900.

Sparnaðarþjónusta
fyrir alla
VÍB veitir sparifjáreigendum og
fagfjárfestum alhliða þjónustu
Íslandsbanki | Kirkjusandi | 155 Reykjavík | Sími 440 4900 | vib@vib.is | www.vib.is