Fréttablaðið - 23.02.2011, Side 31

MIÐVIKUDAGUR 23. febrúar 2011
Staða 1. konsertmeistara
Staða 1. konsertmeistara Sinfóníuhljómsveitar
Íslands er hér með auglýst laus til umsóknar frá
og með starfsárinu 2011-2012.
Hæfnispróf fara fram 30. maí 2011.
Umsóknarfrestur er til 30. apríl 2011.
einleiksverk:
1. Mozart fiðlukonsert (1. kafli með kadensu)
í G-dúr, D-dúr eða A-dúr.
2. Tveir kaflar í einni af partítum eða sónötum
J.S. Bachs fyrir einleiksfiðlu.
3. Rómantískur fiðlukonsert (1. kafli með kadensu).
Hljómsveitarpartar verða aðgengilegir þátttakendum
að minnsta kosti tveimur vikum fyrir prófdag.
Stöðu 1. konsertmeistara Sinfóníuhljómsveitar Íslands
gegna tveir fiðluleikarar í fullu starfi og er önnur staðan
hér með auglýst.
Nánari upplýsingar er að finna á vefsvæði Sinfóníu-
hljómsveitar Íslands www.sinfonia.is og hjá starfsmanna-
stjóra (kristin@sinfonia.is) í síma 897 2515.
Sinfóníuhljómsveit Íslands » www.sinfonia.is » Sími 545 2500
Leiklist ★★★
Svikarinn
Tjarnarbíó
Höfundar: Árni Pétur Guðjónsson
og Rúnar Guðbrandsson. Leikari:
Árni Pétur Guðjónsson. Leikstjóri:
Rúnar Guðbrandsson.
Á laugardagskvöldið var frum-
sýning hjá tilraunaleikhúsinu Lab
Loka í nýuppgerða gamla leikhús-
inu í Tjarnarbíói. Árni Pétur Guð-
jónsson og Rúnar Guðbrandsson
stofnuðu leikhúsið 1992 en höfðu
áður starfað saman í áraraðir.
Enn og aftur leiða þeir saman
hesta sína nú og úr verður magn-
að og margbreytilegt listaverk.
Þvílíkt þrek og þvílíkur kraft-
ur. Við erum öll að eldast en það
er eins og Árni Pétur sé hættur
við. Í eina og hálfa klukkustund
vinnur hann andlegt og líkam-
legt þrekvirki inn og út úr mörg-
um röddum og hlutverkum sem
stundum skarast og eru stundum
langt hvert frá öðru.
Hann leikur stundum tvö hlut-
verk í einu, eins og þegar aðstoð-
armaðurinn er að hjálpa príma-
donnunni í kjólinn, og hann talar
undir og inni í honum með tveim-
ur röddum. Að takast á við sín
eigin takmörk, muninn á þeim
sem svíkur og þeim sem svikinn
er, kynórum og hatursást er uppi-
staðan í atburðarásinni sem hann
ferðast í gegnum í sýningunni.
Leikrit Jean Genet um Vinnu-
konurnar þrjár hefur í annarri
mynd verið flutt hér áður, reynd-
ar tvisvar. Þann hluta textans
í verkinu hér þýddu þær Vig-
dís Finnbogadóttir og Melkorka
Tekla Ólafsdóttir og styðjast þeir
félagar við þá þýðingu. Þýðingar
úr öðrum verkum Genets og allur
annar texti er kominn frá þeim
Árna Pétri og Rúnari.
Þrekið og krafturinn, úthaldið
og textamassinn, í samblandi við
tónlistina og frábæra hljóðmynd
sem Garðar Borgþórsson hann-
aði, gerir það að verkum að það er
fastur rythmi sem drífur atburða-
rásina áfram þó svo að um miklar
endurtekningar sé að ræða. Hér
ráðast þeir félagar í hið fræga
leikverk Jean Genet um Vinnu-
konurnar þrjár sem máta flottu
kjóla húsfreyjunnar og lifa lífi
hennar þegar hún er ekki heima
og svo deyja þær hver af annarri.
Í hlutverkaleikum og sviðsetn-
ingum drepa þær frúna og mæta
svo örlögum sínum. Lágstéttar-
fólk sem starfar við að þjónusta
hyskið vill hefna sín á yfirstétt og
valdníðingum, á meðan fer lista-
maðurinn inn og út úr textanum
með skírskotun í það sem stend-
ur innan sviga á blaðinu og það er
skemmtilegt.
Texti Genet lifði ekki eigin lífi
heldur voru skírskotanir beint
inn í íslenskan veruleika þar sem
Árni Pétur gefur sjálfur af sínu
lífi og tekur beint samband við
áhorfendur. Fór hann á kostum
þegar hann sté inn í svigann eins
og hann sagði og kynnti okkur
meðal annars fyrir Siggu gömlu
sem þreif hjá mömmu hans og bjó
í Bjarnaborginni.
Leikmynd Filippíu Elísdóttur
var heillandi með beinu kjólaröð-
inni eftir endilöngu baksviðinu
sem gaf vel til kynna hvers konar
dívu var hér um að ræða. Spegl-
arnir þrír endurskapa ekki aðeins
systurnar þrjár heldur stóðu einn-
ig eins og gluggar inn í aðra ver-
öld og óþægilega afhjúpandi um
einsemd og óhamingju. Það sem
einkenndi sýninguna var taktur
sem á stundum fór nær yfir í púls
góðra rokktónleika. Þeir hafa ekk-
ert slegið af félagarnir í að leita
fanga hjá gömlu meisturum leik-
tækninnnar og leikstjóra eins og
þeir sjálfir segja í leikskránni,
þar sem upp eru taldir áhrifavald-
ar sem eru nánast öll leiklistar-
sagan á öldinni sem leið og enn
lengra aftur í tímann.
Það er greinilegt að blóð,
sviti, tár og vandvirkni liggja
á bak við þessa sýningu.
Elísabet Brekkan
Niðurstaða: Það gneistar af Árna
Pétri Guðjónssyni í þessari kraftmiklu
en endurtekningarsömu sýningu.
Kraftmikil píslarganga góðs og ills