Fréttablaðið - 23.02.2011, Side 34

23. febrúar 2011 MIÐVIKUDAGUR26
sport@frettabladid.is
INGÓLFUR SIGURÐSSON er búinn að semja til eins árs við KR og mun spila með liðinu í Pepsi-deild karla næsta sumar.
Ingólfur var leystur undan samningi við hollenska félagið Heerenveen á dögunum og var í kjölfarið orðaður við æskufélag sitt Val.
Hann fer hins vegar aftur í Vesturbæinn þaðan sem hann kom upphaflega árið 2008 þegar hann var á yngra árinu í 3. flokki.
FÓTBOLTI Stjórn, þjálfari og leik-
menn Víkings héldu fund síðasta
laugardag til þess að hreinsa loft-
ið. Ástæðan var sú að listi með áliti
þjálfara félagsins, Leifi Garðars-
syni, á leikmönnum hafði verið
sendur á leikmenn fyrir slysni.
Það var stjórnarmaður Víkings
sem sendi listann á leikmenn en
listinn var á excel-formi og stjórn-
armaðurinn kíkti ekki á hvað væri
að finna í hverri örk (e. sheet) í
excel-skjalinu. Það hefði hann
betur gert.
Allir leikmenn liðsins vita eftir
þessi mistök hvar þeir standa
gagnvart þjálfaranum. Hvað þeir
þurfa að laga, hvort þeir eigi
möguleika á að spila eða hvort
Leifur sé einfaldlega að hugsa um
að lána viðkomandi frá félaginu
í sumar. Á listanum kemur einn-
ig fram að Leifur telur sig hafa
fimm A-menn sem hann kallar
lykilmenn.
Fréttablaðið hefur þennan lista
undir höndum og reyndi að bera
málið undir Leif. Hann vildi ekk-
ert tjá sig um málið en það gerði
aftur á móti Björn Einarsson,
formaður knattspyrnudeildar.
„Svona listi er til í öllum
félögum og hjá öllum þjálfurum.
Það urðu aftur á móti ákveðin
mistök í tölvupóstsendingum hjá
okkar manni. Það er einn lítill flipi
niðri á skjalinu með þessu stöðu-
mati en það átti eingöngu að senda
nafnalista,“ segir Björn við Frétta-
blaðið en hann segir stjórnina hafa
brugðist hratt við í málinu.
„Við tókum strax á málinu og
höfum lokað þessu af okkar hálfu.
Stjórnin hefur beðið leikmenn og
þjálfara félagsins afsökunar á
þessum mistökum. Þessu máli er
því lokið af allra hálfu og menn
farnir að horfa fram á veginn,“
segir Björn en samkvæmt heim-
ildum Fréttablaðsins skiptust
menn hraustlega á skoðunum á
krísufundinum.
„Við lögðum fundinn upp þannig
að hann væri opinn og heiðarlegur
svo það yrði hægt að loka málinu.
Eftir öll orðaskiptin ákváðu menn
að snúa bökum saman og eru fók-
useraðir á verkefnin sem eru fram
undan.“
Björn segir að enginn leikmaður
hafi hótað að fara vegna máls-
ins en samkvæmt áreiðanlegum
heimildum Fréttablaðsins er staða
Leifs í búningsklefanum ekkert
sérstaklega sterk. Björn segir það
ekki vera rétt.
„Við teljum að staða allra sé góð
eftir að búið er að gera málið upp.
Þjálfarinn nýtur fyllsta trausts
stjórnar og leikmanna,“ segir
Björn en er uppákoman ekki neyð-
arleg? „Þetta eru vissulega neyðar-
leg mistök en menn verða að vera
sterkir og vinna úr málunum af
ábyrgð.“ henry@frettabladid.is
Leynilisti Leifs þjálfara lak út
Stjórnarmaður Víkings gerði þau skelfilegu mistök að senda leikmannalista Leifs Garðarssonar þjálfara á
alla leikmenn liðsins. Á þessum leynilista Leifs eru leikmenn liðsins flokkaðir frá A og niður í D. Einnig
eru umsagnir um flesta leikmenn liðsins á listanum og stöðu þeirra. Leikmenn áttu aldrei að sjá listann.
LYKILMAÐUR Björgólfur Takefusa er einn fimm lykilmanna Víkings að mati þjálfarans.
FRÉTTABLAÐIÐ/VILHELM
Leynilisti Leifs þjálfara
Meðal þess sem kemur fram á
listanum er staða leikmanna liðsins.
Leikmenn eru flokkaðir frá A-manni,
sem er lykilmaður, niður í D-mann.
Mark Rutgers, lykilmaður A
Baldur I. Aðalsteinsson, lykilmaður A
Björgólfur Takefusa, lykilmaður A
Kristinn Magnússon, lykilmaður A
Helgi Sigurðsson, lykilmaður A
Magnús Þormar BA
Vantar leikreynslu í efstu deild, gæti orðið
lykilmaður.
Pétur Georg Markan B
Vantar leikskilning en ógnarhraði, kemur
sér í markfæri.
Aðrir B-leikmenn: Hörður Bjarnason,
Egill Atlason, Halldór Smári Sigurðsson,
Marteinn Briem, Milos Milojevic, Sigurður
Egill Lárusson, Hjalti Már Hauksson,
Tómas Guðmundsson.
C-leikmenn: Kjartan Diego, Walter
Hjaltested, Skúli Sigurðsson, Aron
Þrándarson, Davíð Atlason, Svavar
Cesar Hjaltested, Garðar Ingi Leifsson,
Gunnar Helgi Steindórsson, Sverrir Þór
Garðarsson.
Leifur reiknar síðan ekki með þeim Daníel
Hjaltasyni og Þorvaldi Sveini Sveinssyni.
Þorvaldur er meiddur en Daníel gat lítið
æft vegna vinnu er listinn var gerður í
síðasta mánuði. Þeir eru því merktir D.
VILDARÁSKRIFT AÐ STÖÐ 2 SPORT INNIHELDUR 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
Í KVÖLD KL. 19:30
MARSEILLE – MAN. UTD.
16 LIÐA ÚRSLIT Í
MEISTARADEILDINNI
FÓTBOLTI Tottenham óð í færum á
Bloomfield Road í gærkvöldi en
það voru heimamenn í Blackpo-
ol sem skoruðu mörkin og unnu
óvæntan 3-1 sigur í leik liðanna í
ensku úrvalsdeildinni.
DJ Campbell fékk víti sem
Charlie Adam skoraði úr á
18. mínútu og Campbell kom
Blackpool síðan í 2-0 á lokamín-
útu fyrri hálfleiks. Brett Orm-
erod skoraði síðan þriðja markið
á 80. mínútu og innsiglaði fyrsti
sigur liðsins síðan 12. janúar.
Rússinn Roman Pavlyuchenko
náði að minnka muninn fyrir
Tottenham. - óój
Enska úrvalsdeildin í gær:
Óvæntur sigur
hjá Blackpool
DJ CAMPBELL Ian Evatt faðmar hér DJ
Campbell eftir þess síðarnefnda.
FRÉTTABLAÐIÐ/AP
KÖRFUBOLTI Fjölnir vann í gær-
kvöldi gríðarlega mikilvægan
sigur í baráttunni fyrir lífi
sínu í Iceland
Express-deild
kvenna þegar
liðið vann 68-57
sigur á Snæfelli
í Grafarvogi.
Fjölniskonan
Natasha Harris
skoraði 17 af 31
stigi sínu í loka-
leikhlutanum
sem Fjölnir vann 24-18 og tryggði
hún öðrum fremur sínu liði sigur
í gær. - óój
Fjölnir vann Snæfell í gær:
Harris með 17
stig í fjórða
NATASHA HARRIS
FÓTBOLTI Chelsea er nánast komið
með annan fótinn í átta liða úrslit
Meistaradeildarinnar eftir 2-0
sigur á danska liðinu FC Kaup-
mannahöfn á Parken í gærkvöldi.
Koma Fernando Torres til Chel-
sea hefur greinilega haft mjög góð
áhrif á Frakkann Nicolas Anelka
sem skoraði bæði mörk liðsins. Það
er meiri spenna í viðureign Lyon
og Real Madrid eftir að Frakkarn-
ir tryggðu sér 1-1 jafntefli í gær
með því að skora sjö mínútum
fyrir leikslok.
Chelsea byrjaði af miklum krafti
í Kaupmannahöfn og var nokkrum
sinnum búið að skapa mikla hættu
þegar Nicolas Anelka kom liðinu í
1-0 á 17. mínútu. Anelka komst þá
inn í slæma sendingu frá Jesper
Grönkjær og skoraði af öryggi.
Nicolas Anelka kom Chelsea síðan í
2-0 á 54. mínútu efir að hafa fengið
flotta sendingu frá Frank Lamp-
ard. Danirnir gáfust ekki upp og
reyndu að minnka muninn í lokin
en það tókst ekki og Chelsea-menn
fögnuðu góðum sigri.
Súperskipting José Mourinho,
þjálfara Real Madrid, virtist vera
að létta Lyon-álögunum af Real
Madrid í Lyon í gær en Frakk-
arnir náðu að tryggja sér 1-1
jafn tefli átta mínútum fyrir
leikslok.
Eftir markalausan og rólegan
fyrri hálfleik hóf Real Madrid
þann seinni á mikilli stórskota-
hríð. Real skoraði þó ekki fyrr en
Mourinho skipti Karim Benzema
inn á fyrir Emmanuel Adebayor.
Benzema var ekki búinn að vera
inni á vellinum nema í eina mínútu
þegar hann kom Real Madrid í 1-0
á 65. mínútu en hann var þarna að
skora á móti sínum gömlu félögum.
Claude Puel, þjálfari Lyon,
gerði í kjölfarið þrjár skiptingar
á liði sínu og það virtist hafa góð
áhrif því Bafetimbi Gomis jafn-
aði leikinn á 83. mínútu og þann-
ig urðu lokatölur. Real Madrid er
í ágætum málum með jafntefli og
mark á útivelli en það má búast við
spennandi seinni leik á Santiago
Bernabeu. - óój
Chelsea er í góðum málum í 16 liða úrslitum Meistaradeildarinnar eftir 2-0 sigur á FCK í gærkvöldi:
Nicolas Anelka skoraði tvö mörk á Parken
KÖRFUBOLTI Grindvíkingar ráku
bandaríska bakvörðinn Kevin
Sims í gær og Nick Bradford
staðfesti það á Twitter-síðu sinni
í gærkvöldi að hann væri búinn
að semja við Grindavík.
Bradford hefur leikið með
öllum Suðurnesjaliðunum á síð-
ustu tveimur tímabilum en hann
spilaði bæði fyrir Njarðvík og
Keflavík á síðustu leiktíð. Brad-
ford var í miklum ham í Grinda-
víkurbúningnum veturinn 2008-
2009 þegar Grindavík var einu
skoti frá því að vinna Íslands-
meistaratitilinn. - óój
Nýr Kani til Grindavíkur:
Bradford mætir
NICOLAS ANELKA
Fagnar hér öðru marka
sinna í sigrinum á
danska liðinu FCK í
gærkvöldi.

N
O
R
D
IC
PH
O
TO
TS
/A
FP