Fréttablaðið - 23.02.2011, Side 33

MIÐVIKUDAGUR 23. febrúar 2011 25
Líkur sækir líkan heim, segir mál-
tækið, og það virðist eiga við söngkon-
una Rihönnu og írska leikarann Colin
Farrell, sem samkvæmt The Sun eru
farin að stinga saman nefjum.
Rihanna og Colin Farrell hafa oft á
tíðum komist á síður slúðurblaðanna
fyrir óhefðbundið viðhorf til lífsins
og sambandsins við hitt kynið. Far-
rell hefur átt í tygjum við margar af
fegurstu konum heims og ákvað fyrir
skemmstu að slíta sambandi sínu og
leikkonunnar Alicju Bachleda-Curus
þar sem hann væri ekki reiðubúinn að
binda sig. Rihanna hefur hins vegar
verið á tilraunakenndari nótum;
breska pressan hefur til að mynda
velt því fyrir sér hvort hún væri ekki
meira upp á kvenhöndina eftir síð-
ustu myndbönd þokkagyðjunnar frá
Barbados, en hún var síðast í sam-
bandi með hafnaboltaleikmanninum
Matt Kemp. Þar áður var hún auðvitað
með Chris Brown en samband þeirra
rataði í heimspressuna eftir að hann
lagði hendur á hana.
Rihanna og Colin hittust fyrst í
spjallþætti Grahams Norton skömmu
fyrir jól og sjónarvottar tóku strax
eftir því að þeim virtist líka vel við
hvort annað. „Þau skiptust á síma-
númerum og Rihanna hefur síðan
verið dugleg að senda Colin erótísk
smáskilaboð. Og hann hefur verið
mjög hrifinn af þeim,“ hefur
The Sun eftir heimildarmanni
sínum. Þessi samdráttur þeirra
tveggja virtist hafa verið óum-
flýjanlegur í þættinum því Colin
byrjaði strax að hrósa kjól söng-
konunnar og ekki minnkaði
hrifninginn hjá Íranum þegar
Rihanna fór að ræða alls konar
vaxmeðferðir sem hún nýtti sér.
Samkvæmt heimildum The
Sun ætla þau tvö að hittast í
Los Angeles við fyrsta tæki-
færi en eins og gefur
að skilja er dagskrá
þeirra beggja nokkuð
þéttskipuð. - fgg
Nýtt ólátapar í fæðingu
Hljómsveitakeppnin Wacken
Metal Battle verður haldin á
Sódómu Reykjavík laugardaginn
5. mars. Sex hljómsveitir berjast
þar um laust sæti í alþjóðlegri
lokakeppni sem verður haldin á
tónlistarhátíðinni Wacken Open
Air í Þýskalandi.
Sigurhljómsveitin í undan-
keppninni hér heima verður
valin af innlendri og erlendri
dómnefnd, þar á meðal ritstjóra
breska þungarokkstímaritsins
Metal Hammer. Þær hljómsveit-
ir sem taka þátt verða Angist,
Atrum, Gruesome Glory, Ophidi-
an I, Gone Postal og Noctem.
Á síðasta ári báru rokkararnir
í Wistaria sigur úr býtum og
spiluðu fyrir framan þrjú þús-
und manns á Wacken-hátíðinni.
Wistaria stígur einmitt á svið
sem gestasveit á Sódómu ásamt
Skálmöld og Moldun. Miðasala
er hafin á Midi.is og kostar 1.000
krónur inn.
Sex bönd
berjast
WISTARIA Þungarokkararnir á Wacken-
hátíðinni í Þýskalandi á síðasta ári.
Leikkonan Jennifer Aniston
hefur gefið upp leyniuppskrift-
ina fyrir þá náunga sem vilja
næla sér í hana. „Þeir mega ekki
ljúga, það er alveg á tæru,“ sagði
Aniston þegar mynd hennar Just
Go with It var frumsýnd í Berlín.
„Þeir þurfa að vera vingjarnleg-
ir, sjarmerandi og fyndnir.“
Hin 42 ára leikkona vonast til
að eldast á tignarlegan hátt án
þess að fegrunaraðgerðir komi
við sögu. „Konur þurfa að átta
sig á því að það er fallegt að eld-
ast. Þær konur í Hollywood sem
leyfa sér að eldast eðlilega eru
gullfallegar. Síðan eru aðrar sem
ganga of langt og mér finnst það
ekki eins fallegt.“
Karlar mega
ekki ljúga
JENNIFER ANISTON Heillast af fyndnum
og sjarmerandi mönnum.
Paul Simon reyndi að fá gamla
félaga sinn Bob Dylan til að
syngja með sér á nýjustu plötu
sinni en án árangurs. Simon var
ekki sáttur við að Dylan skyldi
ekki svara erindi sínu. „Ég hélt
að Bob væri rétti maðurinn til að
syngja með mér, það hefði verið
flott að fá hann. Ég sendi honum
lagið en heyrði ekkert frá
honum. Ég veit ekki af
hverju,“ sagði ósáttur
Paul Simon.
Dylan svaraði
ekki Simon
PAUL SIMON
Ósáttur við
að Dylan
hafi ekki
viljað
syngja með
sér.
NOKKUÐ LÍK Búast má við því
að fjölmiðlar beggja vegna
Atlantshafsins fái sitthvað fyrir
sinn snúð ef Rihanna og Colin
Farrell verða par því þau kunna
þá list að komast á forsíðurnar
fyrir annað en hæfileika sína.
®